وش رايكم في نيسان سنترا

من ناحية الشكل هذا شي يتعلق بذوقك و نظرتك 
بالنسبة للمحرك عندك نوعين 1600 سي سي يولد 113 حصان 
و عندك 1800 سي سي يولد تقريباَ 136 حصان 
بالنسبة للاستخدام و التحمل ما اقدر افيدك لاني صراحة ما عمري جربتها ولا ركبتها 
الاسعار الاستاندر 63 الف و الفل 67 الف (( ممكن يكون السعر نزل )) 
تقبل مروري :) <>

مشكور اخوي ماقصرت

الفئة هذي الالنترا  غطت على كل منافس
القير ست تعشيقات
مكينة 1.8  155 حصان
مكينة 2.0   175 حصان
و سعرها ما بين ال 55 الى 65 الف تجي مثبت سرعة و فتحة سقف
و لها سمعتها القوية بالتحمل اهم شي تأكد من وجود الABS 

والله انها فاشله مرره انا سيارتي بالوكاله من يوم الخميس واستاجرت وحده جديده زيرو مكينتها 1.6 والله شياره جدا سيئه عزمها ضعيف وعشان تقووم السياره بشكل اسرع تسمع صوت المكينه عالي والمصيبه ان السياره مكانها يعنني تحسسك انك بتمشي طبلونها وبالاخر يالله يالله تمشي مقاعدها مرره مو مريحه يعني متعبه داخليتها شكلها ممل احلى شي فيها لون العداد ابيض 

انا استأجرت وحدة وسافرت بها من الرياض الى القصيم 
السيارة حلوة وعملية مكيفها ممتاز الاضاءة تمام التمام والعزل فوق الممتاز
سواقتها حلوة اقتصادية جدا في البنزين واهم شي كراسيها مريحة جداً 
قد يعيبها سعرها المرتفع نظير مثيلاتها من الالنترا لكنها تستهاهل لانها اعلى بالمواصفات 
وال ABS تجي استاندر على كل فئاتها 

اخي اللي فوق لا تورط الرجال والله السياره فاشله وانت يا صاحب الموضوع اذا حاب قابلني وجرب السياره مالي مصلحه اقول السياره مو حلووه والله انها سيئه جداا صوت الزفلت جوه عندك ومقاعدها متعبه السياره بتبقي اليوم معاي اللي حاب يجربها يرسل لي انا ساكن بجده 

بصراحه  


ما  عمري   شفتها   بالشارع  ابدا

  ولو  انها  ناجحه  كان  انتشرت    وملت  الارض


مثل   اكسنت    النترا
  
يعني  ممكن تشري  سنترا ولاتعجبك   ولاتحصل  واحد   يشريها   ولو  بنصف  القيمه

ثاني  حاجه

المكسيما
والالتيما

معروفات   وقديمات  ولا  انتشرن   وقليل  تجدهن   فما  بالك   بالسنترااا

جزاكم الله خير ماقصرتو

سعرها يجيب لك مازدا 6 2015 أكبر وأقوى وأفخم ويابانية 100% عبيها عزل الهواء وما أدري إذا عدلوه في 2015 .

شيخ الهوامير - انا مابورط الرجال ولا شي هو طلب راي وكل واحد يعطيه حسب تجربته 
انا السيارة عجبتني و ممكن ماتعجب غيري 
انا انصحك روح استأجرها وجربها بنفسك ولا تسمع من الناس 

انسب حل يا الغالي استأجرها يوم كامل ولا شف لك احد من اقاربك ولا اخوياك يمتلكها وخذها منه يوم كامل وجربها بكل الحالات يمكن انها تعجبك ولا تعجب غيرك الناس على ماقال اذواق ... لكن اذا تبي نصيحتي والراي لك سعرها ما يستاهل على حجمها يعني في الستين تقدر تشتري ياسوناتا يا كورولا مع اني منيب احب التويوتا لكن ارشح لك السيارتين هاذي احسن لك والراي لك ... ولاتنسى صلاة الاستخارة

مشكورين ياخواني انا راح استأجرها واشوف،،

ي الربع وش ريكم في اسنترا 2016

الحين سعرها استاندر 2016 .......... 42 الف سعر ممتاز جددا