أضف سؤال أو موضوع جديد          

يا شباب أنا بالرياض وابي محل قطع غيار

up 5 down 0
ديار حايل 800
قبل 5 سنه و 11 شهر



السلام عليكم ورحمة الله وبركاته

يا شباب انا حاليا بالرياض ومستعجل ابي امشي الليله لحايل
لكن ابي محل قطع غيار بالرياض كويس وعنده قطع نيسان
انا ابي رديتر باثفندر 98 اوتوماتيك , والله أتعبن ونزلت موضوع قبل وشريت رديتر لكن بعد يومين رجعته لاني فحصته وطلع عمره يبي ينتهي
المهم انا الساعه 3 أبي أروح لأم الحمام مع تاكسي طبعا لأن ما أدل بالرياض إلا نادي الشباب عشانه بمدخال الرياض بس ههههه

تكفون فزعتكم ومشكورين مقدما







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


فيه صناعية  قرب صناعية  ام الحمام  اسمها  صناعية العروبة   فيها  محل  متخصص بل النيسان    
اسال  عنه  بصناعية العروبة 


up 1 down 0
abd_alrhmn 2336
قبل 5 سنه و 11 شهر



يعطيك العافيه يا عبدالرحمن
ها يا رجال اتوكل على الله واروح صناعية العروبه

طيب الحين يفتحون وللا نفس نظامنا بحايل يفتحون العصر ويسكرون المغرب


up 1 down 0
ديار حايل 800
قبل 5 سنه و 11 شهر



لا هنا بالرياض المحلات و الصناعيات يفتحون من الساعة 8 صباح حتى 10 باليل هذا بالنسبة لمحلات قطع الغيار و الوكالات وممكن تفرق ساعة متقدمة او ساعة متاخرة على حسب المحل او الوكيل اما بالنسبة للورش فهم يفتحون اغلبهم من 7 صباح حتى 11 باليل وممكن بعضهم يسكر 10 وبعضهم يسكر 12


up 2 down 0
بوخا 3551
قبل 5 سنه و 11 شهر



ايه هذا العلم المضبوط , يعني لو اروح بعد المغرب ما القى محل مسكر ,, الكلام هذا ينطبق على كل الصناعيات , لانه أنا يا اروح لأم الحمام أو لصناعية العروبه اللي نصحن به الأخ عبدالرحمن


up 0 down 0
ديار حايل 800
قبل 5 سنه و 11 شهر



الرياض فيها الي تبي   وعندك بعد الصناعيه القديمه  الي بجنوب الرياض حول غرابي  فيها القطع  الي تبيها سواء مستخدم او جديد تشليح  


up 1 down 0
سكودر 14892
قبل 5 سنه و 11 شهر



رح الصناعيه خذلك اصلي شف ميزانيتك تاخذ جديد ولا مستعمل


up 0 down 0
فهد4950 2549
قبل 5 سنه و 11 شهر



يا بعد حيي أنا مابي شيء بعيد لأن انا ساكن بشارع التخصصي شقق نواره اللي عند ساكو , فأبي اقرب شيء لهالمكان


ولا هنتوا كلكم على التفاعل والفزعه

واعذروني والله لو أدل كان ما ازعجتكم


up 0 down 0
ديار حايل 800
قبل 5 سنه و 11 شهر



عادي ياخوي المثل يقول اللي يسأل مايتوهشي ^_^ والله يجزا الاخوان خير ماقصروا


up 0 down 0
غريباوي 713
قبل 5 سنه و 11 شهر



انت ساكن بالتخصصي , ترى العروبه مهيب بعيده عنك .......


الله يوفقنا وياك .. والشباب ماقصروا كالعاده ..


up 0 down 0
تغيب الناس 910
قبل 5 سنه و 11 شهر



الى العروبه ولا تعال صناعية العاصمه الي عند مخرج 28 والله كنت احسبها عاديه طلعة مشاء الله كل شي عندهم حتى صواميل الكفرات تحصلها عندهم ولو تبي اقابلك هناك واسنعك اتصل علي وانا اخوك 0561664399 وشكرا تحياتي


up 0 down 1
حسن القحطاني 1743
قبل 5 سنه و 11 شهر



الصناعيه القديمه احيان احصل عندهم قطع ماحصلتها في الوكاله


up 1 down 0
talal bader 152
قبل 5 سنه و 11 شهر



أفضل شئ الصناعية القديمة فيها كل شئ والأسعار الطيبة.


up 0 down 0
زئبق 216
قبل 5 سنه و 11 شهر



ولا الصناعيه القديمه لابئس فيهاا والله يكتب لك كل خير ودرب السلامه سلمنا على اهل حائل اهل القلوب البيضاء































لأجل الشمال وريحة الطيب والهيـل *** حتى اتجاه البوصلـة جـا شمالـي

مدري عشق بافعالنا فزعـة الخيـل *** مدري عشق فينا صعـود المعالـي

مـدري عشـق فنجالنـا والتعاليـل *** او عشقه اكبر من مساحـة خيالـي

او لاجل [شمّر] متعبيـن المعاميـل *** او [ لعنزة ] من دار غالـي لغالـي

او لاجل ربعي فزعتي عزوة[ مضعــــانٍ] *** خمس الجموع ومحتميـن التوالـي

كذا اتجـاه البوصلـة دون تحليـل *** بـس الاكيـد ان اختيـاره مثالـي

دار الشمال وعدلهـا يسبـق الميـل *** ومن شانها اعشق من هبالي هبالـي

دارٍ تغنـي فـي كرمهـا مواويـل *** وطيبٍ يفوح ببوح صفـر الدلالـي

ولاجل الشمال وريحة الطيب والهيل *** افخـر اذا قِيـل انتمائـي شمالـي



up 1 down 1
حسن القحطاني 1743
قبل 5 سنه و 11 شهر



يعطيكم العافيه كلكم وبيض الله وجيهكم , ومعليش على السحبه والله صكيته نومه مادريت بروحي هههههه

وما قصرتوا يا بعد حيي هالوجيه وانا مددت يوم وأبي أمرهم بكرى إن شاء الله الأخ حسن القحطاني / الله لا يهينك وافي والله , وما عليك اذا رحت هناك وبلشت ترا على طول أبي أنشب بحلقك هههه

, والله يكتب الخير لي ولك إن شاء الله ويسلمك من كل شر , وصح لسانك يا بعد قلبي أنت , وما قصرتوا كلكم على التفاعل والفزعه


up 1 down 0
ديار حايل 800
قبل 5 سنه و 11 شهر



وش حقه تنشب ب حلقي لاا والله ب العكس ي مرحبا بك بكل ساعه ي الغلا والله يشرفني اني اخدمك الله يسعدك


up 1 down 1
حسن القحطاني 1743
قبل 5 سنه و 11 شهر



الله لا يهينك يا حسن ما تقصر يا بعد حيي ,


up 0 down 0
ديار حايل 800
قبل 5 سنه و 11 شهر



اسف لان الموضوع قديم لكن للمعلومية والفائدة المستمرة محلات قطع الغيار بام الحمام الوكالة مقابل جامع الملك خالد يسكرون من اذان العشاء وفية محلات وورش تسكر من العشاء وبعضهم يفتح الى الساعة ١٠ لكن ماتجي ١١ وتلقى احد بام الحمام وكذلك الصناعية القديمة والحذر ياخوان من ورش ام الحمام مايشتغلون زين واسعارهم نار لانهم بالشمال وانا ساكن جنبهم بالتخصصي لي اكثر من عشرين سنه اعرفهم اللي يبي الصناعيات الكويسة :

١/ طريق الخرج الصناعية القديمة.
٢/صناعية الشفا خصوصا السمكرة معلمين على مستوى مثل ورشة نوفا وابوتركي وغيرهم وكهربائي فني تكييف هندي فنان خلف ورشة نوفا رقمه 0592471002  واسعاره طيبه وفيها ورشة متخصصة للسيارات الكلاسيكية او التراثية اسمها سيارات زمان .
٣/صناعية العاصمة بس اسعارهم غالية ومحلات قطع الغيار تعيسة وماتلقى قطعك بسهولة احيانا
٤/ صناعيات شرق الرياض مثل النسيم والسلي والخليج وبغلف لاتروح لاي ورشة الا بتوصية موثوقة.



up 0 down 0
ابوناصر المضنى
قبل 2 سنه و 5 شهر