أضف سؤال أو موضوع جديد          

مشكلة غريبة واجهتني واحتاج رأيكم

up 2 down 0
maf_12 6
قبل 4 شهر و 2 أسبوع



السلام عليكم 
ياجماعة الخير عندي مشكلة غريبة مجننتني. اشتريت صني وكالة ماشي عليها ٥٠٠ كيلو. المشكلة اللي واجهتني كالتالي: 
١. اذا وقفت السيارة ورجلي على الفرامل والقير على D، السيارة فيها رجفة غير طبيعية. الرجفة احسها بدواسة الفرامل، مقعد الراكب، والسيارة من داخل بشكل عام. الاغرب من هذا اني اذا شغلت الفلشر بالوضعية هذي السيارة تصير ترجف بشكل متقطع! نفس الشي اذا شغلت المساحات. واذا لفيت الطارة يمين او يسار وانا واقف تزيد الرجفة  ٢. فيه صوت يطلع من الكفرات زي صوت احتكاك اذا لفيت يمين او يسار على سرعة ١٠-٣٠ ونفس الصوت يطلع اذا كنت ماشي على طول او شلت رجلي من البنزين 

انا لاحظت المشاكل هذي من بعد ماغسلت السيارة لكن مدري وش اللي صار بالضبط. مقهور بصراحة لان كل العالم يوميا يغسلون سياراتهم وهالشي يمكن ماصار لاحد. 
اخذتها الوكالة ورفعوها وفحصو الكفرات على السريع ولا حتى فكوها عشان يشوفون اللي جوه  وطلع معي عاملهم ومهندسهم لكن محد يدري وش سبب الصوت او الرجفة. بالنهاية قالولي مالقينا اي مشكلة لكن لازم تخلي السيارة عندنا من الصباح عشان نفحصها. 
احتاج رايكم واقتراحاتكم يوم اروح لهم مرة ثانية. اخليهم يفحصون كميوتر او يفكون الكفرات او شي ثاني؟
والله يعطيكم الف عافية 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


خليها عندهم يشبعو منها لين تتصلح لاتتنازل الوكاله ملزومه فيها


up 1 down 0
camaro28 808
قبل 4 شهر و 2 أسبوع



ويعطوك سيارة بديلة


up 0 down 0
mfh2009 363
قبل 4 شهر و 2 أسبوع



انا اكيد رايح لهم مرة ثانية لكن بس حبيت اشوف اذا عندكم توقع عن سبب المشكلة او وش اللي خربان بالضبط. 
بالنسبة للسيارة البديلة مااظن يعطوني لان شغلهم مشي حالك 


up 0 down 0
maf_12 6
قبل 4 شهر و 2 أسبوع



اخوي الافضل ماتصلح فيها حاجه ابد ودها الوكاله كيف مايعرفون ايش مشكلتها رح اشتك لاتسكت عن حقك واذا كان الخلل قوي من حقك تطالب بسياره ثانيه جديده بحكم سيارتك جديده 


up 0 down 0
k 6 4 i 1176
قبل 4 شهر و 2 أسبوع



رحت لهم وسوو فحص مبدئي لكن محد اكتشف المشكلة بالضبط. عشان كذا قالولي خليها من الصباح واستلمها العصر عشان يفحصونها اكثر. انا بس كان ودي ان الموضوع يكون بسيط ويصلحون المشكلة على طول 
تتوقعون المشكلة هوبات او رمان او دينمو؟ 


up 0 down 0
maf_12 6
قبل 4 شهر و 2 أسبوع



الرجة مشكلتها كراسي مكينة او قير يمكن فيها عيب مصنعي وتحتاج تتغير
واذا تبي تختبر الكراسي هل سليمه ام لا خلي واحد يركب بالسياره يعشق بالD ويرفع الجلنط ويدوس بنزين والسياره واقفه بالD وانت افتح الكبوت وشوف المكينه هل تهتز مع دعسة البنزين ام لا اذا كان فيها رجة وتهتز فهذي من الكراسي


up 0 down 0
bmw z4 1484
قبل 4 شهر و 2 أسبوع



الله يعطيك العافية. المشكلة انا اقدر اشيك على كرسي المكينة اللي فوق لكن اللي تحت لازم تنرفع السيارة. 
تتوقع كرسي مكينة او قير ممكن يسبب رجفة اذا شغلت فلشر او مساحات؟ النقطة هذي بالذات جننتني اول مرة تمر علي. 
على فكرة قبل يومين رفعت الجلنط والسيارة على D وشغلت الفلشر ونفس الرجفة موجودة. الشي الغريب اني اذا مشيت على السيارة مسافة وبعدين وقفت ورجلي على الفرامل والقير على D الرجفة تقريبا تخف 


up 0 down 0
maf_12 6
قبل 4 شهر و 2 أسبوع



اليوم اكتشفت شي ثاني، اذا شغلت المكيف الرجفة تختفي! 


up 0 down 0
maf_12 6
قبل 4 شهر و 2 أسبوع



احتمال عندك ضعف بالكهرباء مثل البطارية. أما صوت الاحتكاك اثناء المشي أو اللف فهو طبيعي في الصني


up 0 down 0
rreemmoo 4
قبل 4 شهر و 2 أسبوع



انا اويد احتمال ضعف الكهرباء


up 0 down 0
ابو محمد9999 4147 -14
قبل 4 شهر و أسبوع