أضف سؤال أو موضوع جديد          

استفسار بخصوص الكارونه

up 0 down 1
i.475 -5
قبل 10 شهر و أسبوع



انا نويت اشتري اكستيرا ٢٠١٥
وراعيه يقول انه مغير الكارونه
وانا ماعمري شريت جيوب ولا اعرفلها 
تغيير الكارونه يعتبر عيب زي تغيير المكينه او القير ؟؟ ولا طبيعي ؟
وبشكل عام تنصحون في الاكستيرا؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا مجرب الاكستيرا أنصحك بالابتعاد عنه مشكلته الحراره مع الطلوع والتغريز يسخن والحاجه الثانيه مبرد القير يضرب ويخلط ماء مع زيت وفيه قطع غيار له غير متوفره حتى بالوكاله ومحلات القطع .... وسبب تغيير الكرونه اكيد من الدعس والمقاومة لأنها ماتتحمل الجور ... السيارة عزمها قوي ومطرب ودبلات قوية بس السلبيات اللي ذكرت كرهتني فيه .... اذا تبغا جيب لا تبعد عن تويوتا


up 3 down 0
راضي بقربك 213
قبل 10 شهر و أسبوع



المشكله ان تويوتا مبالغين فالاسعار ، انا فالاساس ادور اف حي بس الاسعار مبالغه جداً يعني مثلاً ٢٠١٠ وماشي ٤٠٠ الف يقولك مسيوم ب ٥٢،، او ٢٠١٣ وماشي ٣٠٠ ويقول واصله ٧٨ هذا اللي خلاني افكر بشركات ثانيه 


up 1 down 1
i.475 -5
قبل 10 شهر و أسبوع



فيه ببريده واحد
اسمه كراج الغنيمان متخصص اكستيرا وبافندر
ابحث بقوقل ويطلع لك رقمة دق عليه رجال اجودي ويرد


up 2 down 0
ابوحاتم6 461
قبل 10 شهر و أسبوع



الاكستيرا موتر جبار محرك 4 لتر 270 حصان
في البر يطربك
غير مريح مطب قاسي (سست ) ضيق ورى ومافي تكييف في الصف الثاني ويصرف بنزين

الكرونا غالباً تخرب من الدعس او عدم تغيير زيتها واذا كانت مغيرة بوحدة اصليه بنفس النسب ماعندك مشكلة

المهم كم ماشي الموتر ووين كان استخدامة اذا كان مجلود راح يتعبك بالصيانة بعدين وقطعة ماهي رخيصة
اذا انت مو راعي بر شوفلك كروس اوفر اريحلك في البلد


up 1 down 0
salehhd 933
قبل 10 شهر و أسبوع



ماني راعي بر بس اداوم يوميا ٢٠٠ كيلو ودخلت في راسي فكرة الجيب ،، الافجي عيبه الاسعار المبالغ فيها والباجيرو الربع قطعه غاليه وهذا على كلامكم ماينفع ،، عطوني اقراحاتكم لشي مايتعدى ٥٠-٥٢ الف


up 0 down 1
i.475 -5
قبل 10 شهر و أسبوع



اذا الكارونه مافيها صوت ووضعها تمام مامنها خوف لاكن جرب الدبل ومشيبه وشف امور الموتر زينه ولا يخنبق مع تشغيل الدبل


up 0 down 0
باترولاوي 32
قبل 10 شهر و أسبوع



اذا انت ماتطلع بر ماراح تستفيد من الجيب وثاني شي اذا تبغاه دوام يومي ومسافة ٢٠٠ كيلو يومي راح يصرف عليك بنزين مكلف وزيوت ... اذا انت تقدر على مصاريفه هذا شي ثاني ..... ٥٠ تحصل فورتشنر ٢٠١٣ ٦ سلندر نضيف ان بغيت قير عادي او اتوماتيكي وموتر ممتاز عن تجربه للبر والنفود ان بغيت عائلي فهو عائلي وشبابي ووسيع افضل من الافجي في مساحة التحميل وأرخص.... هالحين داخلين على الوسم والشتاء اكيد راح تزيد اسعارها


up 1 down 0
راضي بقربك 213
قبل 10 شهر و أسبوع



الفورشنر خيار ممتاز جدا على راي الاخ راضي
واذا انت مو مجبر على سياره جيب شوف سياره اقتصاديه او زود المبلغ شو وشوفلك ماليبو او سيراتو او كورلا او سيفك جديد
معاها ضمانها وتخدم وتريحك


up 2 down 0
عمران00 41
قبل 10 شهر و أسبوع



كلام الاخوان صحيح هذي السيارات تصرف بنزين بشراهه والافجي حسب علمي بنزينه 95

اذا ودك بسيارة مرتفعة شوفلك كروس اوفر متوسط مثل الراف فور او الاكستريل والهوندا سي ار في

بالتوفيق


up 0 down 0
salehhd 933
قبل 10 شهر و أسبوع