أضف سؤال أو موضوع جديد          

باكم الفرامل

up 4 down 2
بدر الباثفايندري 1116
قبل 7 شهر و 2 أسبوع



السلام عليكم
كيف حالكم يا شباب, اليوم جايب لكم موضوع صار معي يوم الأربعاء اللي راح, في ساعات بعد العصر مخلص
دوامي و رايح في أمان الله اوقف على كذا اشارة و دوارين و فجأة يجيني منعطف ادعس فرامل عشان التخفيف
و السيارة ما تستجيب للفرامل ابد تقول كأنه مافي فرامل فجأة فلتت.

انا شكيت بالقماشات لأنه كان باقي لها شوي
وتتبدل, المهم لبقت على جنب و وقفت السيارة عن طريق الجلنط و ربكم رحيم كنت مخفف سرعتي يعني تحت
ال100 يمكن 60 او 40 ما اتذكر بالظبط و الحمد لله ما كان فيه سيارات حولي لأنه فعلا كنت خايف اصدم بس
الحمد لله ربي ستر.

المهم لبقت على جنب و طلبت سطحة عن طريق تطبيق ازهلها و انتظر 10 دقايق ربع ساعة
بالكثير الا و السطحة وصلت و لبقت قدامي. حملت السيارة على هالسطحة و اروح لبنشري فيه ميكانيكي و كهربائي قريب من بيتي في الظهران نزلتها عنده
و حكيت له المشكلة و جرب السيارة قاللي الباكم عندك خرب المشكلة منه, قلت له متأكد؟؟؟؟؟ انا شاك بالقماشات
قاللي انا عارف و مرت علي نفس مشكلتك على كذا سيارة اغلبها امريكي و تصير على سيارات قديمة مر على
عمرها 10 سنوات و اكثرو في الصيف و خابرين صيفنا و احنا الشرقية حرارة و رطوبة الله يعين.

المهم وقفت السيارة عنده و طلبت اخوي يمرني يوم يجي اخوي نزلته البيت و خذيت السيارة منه و رحت الثقبة
محلات قطع الغيار ومن وصلت كانت صلاة المغرب انتظرت لين فتحوا عقب الصلاة و سألت محلين نيسان
القطعة وكالة ما عندهم تجي طلبية و تاخذ لها وقت, ما عندهم غير ياباني و تعتبر مثل الوكالة و ارخص سعرها.

القطعة هذه اخذتها من المحل الثاني لقطع نيسان و نصحني راعي المحل قاللي اعتبرها اصلي نفس الجودة نفس
كل شي و هي اصلية اصلا بس مش نيسان شركة ثانية يابانية يبدأ اسمها بحرف الS ما يحضرني اسمها للأسف.
المهم خذيت القطعة و السيارة تبات ليلة عند البنشري لين عصر ثاني يوم الخميس مريته عقب ال10 صباحا
عطيته القطعة و قاللي عقب العصر السيارة جاهزة ان شاء الله و فعلا الساعة 4:45 يدق علي يقللي السيارة جاهزة

أدري طولت عليكم بس انصحكم انتبهوا من الباكم لا تهملونها و اذا ممكن تشيكون عليها شيكوا عليها في كل صيانة
دورية للسيارة و الله يحفظنا و اياكم من الحودث و شرورها يا رب.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


برضو علبه الفرامل تسوي نفس المشكله واذا فيه هوا فى المواصير تسوي نفس المشكله 


up 0 down 0
k 6 4 i 1176
قبل 7 شهر و 2 أسبوع



شكراً على طرح تجربتك ويعطيك العافية

برضو الاهتمام بالزيت الخاص بالبريك وتغييرة عند الحاجة خاصة انك في منطقة فيها رطوبه عالية

الحمد لله على السلامة والله يحفظنا ويحفظ جميع المسلمين


up 0 down 0
salehhd 912
قبل 7 شهر و 2 أسبوع



قبل فتره واحد من اخواني يشتكي من الفرامل وماتمسك زين ابد وفعلاً وداها لورشة وطلعت من الباكم


up 0 down 0
abo_salem075 25
قبل 7 شهر و 2 أسبوع



بس علبة الفرامل عندي سليمة و تبدل الباكم و فرامل السيارة الآن ما شاء الله تمام
و للعلم الباكم القديم موجود عندي ما رميته سمعت انه ممكن يتوضب او تتغير القطع اللي داخل بصلح و بخليه عندي احتياط.
الحمد لله على كل شي بلى احسن من بلى.


up 0 down 0
بدر الباثفايندري 1116
قبل 7 شهر و 2 أسبوع