باكم الفرامل
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
إضغط هنا للإخفاء
السلام عليكم
كيف حالكم يا شباب, اليوم جايب لكم موضوع صار معي يوم الأربعاء اللي راح, في ساعات بعد العصر مخلص
دوامي و رايح في أمان الله اوقف على كذا اشارة و دوارين و فجأة يجيني منعطف ادعس فرامل عشان التخفيف
و السيارة ما تستجيب للفرامل ابد تقول كأنه مافي فرامل فجأة فلتت.
انا شكيت بالقماشات لأنه كان باقي لها شوي
وتتبدل, المهم لبقت على جنب و وقفت السيارة عن طريق الجلنط و ربكم رحيم كنت مخفف سرعتي يعني تحت
ال100 يمكن 60 او 40 ما اتذكر بالظبط و الحمد لله ما كان فيه سيارات حولي لأنه فعلا كنت خايف اصدم بس
الحمد لله ربي ستر.
المهم لبقت على جنب و طلبت سطحة عن طريق تطبيق ازهلها و انتظر 10 دقايق ربع ساعة
بالكثير الا و السطحة وصلت و لبقت قدامي. حملت السيارة على هالسطحة و اروح لبنشري فيه ميكانيكي و كهربائي قريب من بيتي في الظهران نزلتها عنده
و حكيت له المشكلة و جرب السيارة قاللي الباكم عندك خرب المشكلة منه, قلت له متأكد؟؟؟؟؟ انا شاك بالقماشات
قاللي انا عارف و مرت علي نفس مشكلتك على كذا سيارة اغلبها امريكي و تصير على سيارات قديمة مر على
عمرها 10 سنوات و اكثرو في الصيف و خابرين صيفنا و احنا الشرقية حرارة و رطوبة الله يعين.
المهم وقفت السيارة عنده و طلبت اخوي يمرني يوم يجي اخوي نزلته البيت و خذيت السيارة منه و رحت الثقبة
محلات قطع الغيار ومن وصلت كانت صلاة المغرب انتظرت لين فتحوا عقب الصلاة و سألت محلين نيسان
القطعة وكالة ما عندهم تجي طلبية و تاخذ لها وقت, ما عندهم غير ياباني و تعتبر مثل الوكالة و ارخص سعرها.
القطعة هذه اخذتها من المحل الثاني لقطع نيسان و نصحني راعي المحل قاللي اعتبرها اصلي نفس الجودة نفس
كل شي و هي اصلية اصلا بس مش نيسان شركة ثانية يابانية يبدأ اسمها بحرف الS ما يحضرني اسمها للأسف.
المهم خذيت القطعة و السيارة تبات ليلة عند البنشري لين عصر ثاني يوم الخميس مريته عقب ال10 صباحا
عطيته القطعة و قاللي عقب العصر السيارة جاهزة ان شاء الله و فعلا الساعة 4:45 يدق علي يقللي السيارة جاهزة
أدري طولت عليكم بس انصحكم انتبهوا من الباكم لا تهملونها و اذا ممكن تشيكون عليها شيكوا عليها في كل صيانة
دورية للسيارة و الله يحفظنا و اياكم من الحودث و شرورها يا رب.
![إبلاغ](https://montada.haraj.com.sa/images/alert.gif)
الردود
برضو الاهتمام بالزيت الخاص بالبريك وتغييرة عند الحاجة خاصة انك في منطقة فيها رطوبه عالية
الحمد لله على السلامة والله يحفظنا ويحفظ جميع المسلمين
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
و للعلم الباكم القديم موجود عندي ما رميته سمعت انه ممكن يتوضب او تتغير القطع اللي داخل بصلح و بخليه عندي احتياط.
الحمد لله على كل شي بلى احسن من بلى.
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
قبل 4 سنه