التيما استاندر 2020 - محتاج المشورة

انحش لو بريال مادام وصل الشاصي

أنا ماراح أقول لك إنحش عنها لأنه يكفي العضو اللي قبلي ماقصر ( عطكياها من الآخر ) . . . . لكن أنا أبجيبها لك من طريق ثاني . . . .

لو اشتريتها . . . . صدقني ماراح ترتاح ( أبداً ) وأنت تدري إن فيها تعديل شاصي . . . . . فلذلك ريح نفسيتك من الآن واتركها . . . . . . .

ياناس إذا كانت السمكرة شغل صح
والرجل بيستخدم
فأنا اشوف انها مناسبة

هج - انحش - اركض = اهرررررررررررررب
سيارة فيها شاصي حاول ماتفكر فيها ابدا ابدا لو كانت الصدمه
بسيطه مانزل سعرها كذا

والله شف
انا معي اوبتما صار عليها حادث وتضرر الكمر و راس الشاص يمين ويسار
اخذت كمر من التشليح
وعدلت الشاص بورشه محترمه
ورجعت السياره مثل اول ما اختلفت علي ابداا
بس السؤال هنا هل تم تعديل الشاص بشكل ممتاز ولا اي كلام

سعرها بصراحه جدا مغري
اذا محركاتها سليمه بالكامل.. ماتعرضت لكسر او شيء وهذا لابد فحص
واذا تم تعديل الشاص بشكل ممتاز.. لا حذفيه ولا شيء
فالسيارة تعتبر جديده وسعرها يشفع لها
حتى لو استخدمتها وطلع فيها مشاكل لا سمح الله.. تقدر تبيعها على التشليح.. تجيب لك اتوقع مايقل عن ٣٠ الف

شكرا جزيلا لكم على تفاعلكم . 
انا استخدمت قبل كذا مازدا 3 الشاصي الامامي متعدل
للأمانه ماواجهت اي مشكلة و عشان اكون منصف 
ندمت اني بعتها يشهد الله . 

باذن الله حستخير والله يقدملي ويقدملكم مافيه الخير والصالح . 

في الأول الاخير قرار الشراء يعتمد على شخصيتك اذا كنت من الناس اللي ما يدقق
فاستخر الله وثم افحص وتوكل على الله لأن زي ماقالوا الأخوان السعر مغري

و حتى لو مارتحت له اتوقع مايخسرك كثير لأنه سعرها نازل وخالص
وأعيد وأقول أتوقع لأني ماني راعي سوق لكن اذكر سعرتها قبل الضريبة الجديدة ب78 تقريبا والحين أكيد أغلى..

الله ييسر أمرك

الغبنه على صاحبها اللي بيبيعها بخسارة
لو ان بداله اتوكل على الله و استخدم
ما دام المكينه و القير سليمة

ابنبهك على شغلة الايرباقات تصليحها صعب اذا طلعت
فاغلب التصليح مجرد يركب غطاء جديد
و اعتبر السيارة بدون ايرباق و الله يعين
صعب التأكد من سلامة الايرباق و ممشى العداد للسيارات المستعملة

سعرها مغري وبقوة
واضمن لك ان القطع اللي صلح بها راعيها 
قطع وكالة او تشليح اصلية لان السيارة توها نازله وصعب جداً يقدرون يلحقون ينتجون لها قطع تجارية او ابو كلب
ب غض النظر عن تحفظي على الالتيما نوعاً ماً لكن ك سعر جداً جداً مميز 
واللي رجله هاديه وعاقل ويعرف يستخدم ان شاء الله تمشي معه
جربها وخذ بها لفة في شوارع فرعية او خطوط سريعة زي الدايري 
واللي ترتاح له نفسك اقدم عليه، موفق خير

اسوف ان سعرها ممتاز والموتر يعتبر وكالة ولكن هل الايرباقات سليمة... واتوقع صاحبهها ماراح يصلحها في ورشة اي كلام باعتبار الموتر جديد... خذها وتوكل على الله وافحص قبل

افحصها عند واحد يكون راعي خبره في اصلاحات الحوادث. بحيث يأكد لك ممتاز او لا.
و تأكد انه اوراقها ماسقطت في النظام. بمعنى تقدر تفحصها بدون ماترسب
بسبب الحادث الي حصلها.

السلام عليكم اخوي تاكد ان التعديل براس الشاصي مكان حمل الرديتر اذا مصلح ما في مشكلة ع السيارة اما اذا التعديل بعدة السيارة تالف ابعدي عنها وزيادة في الحرص جربها هل فيها حذف

يابعد راسي على ردودكم وتفاعلكم . 
ان شاء الله حنتبه للملاحظات اللي نبهتوني عليها 

اختلف مع الاخوان فوق وصول الصدمه للشاصي ماهومقياس لصلاحية استخدامها او لا

افحصها وتوكل على السعر جدا مغري واذا ماصلحت لك بيعتها بسعرها وخسارتها قليله

بشر شريتها ياصاحب الموضوع ولا هونت؟
كانك شريتها بربحك .... ههههه