رأي مستخدمين التيما 2013

عليك بالفحص وركعتين أستخاره ,معروفه التيما موتر أعتمادي وقليله خرابات.
ولاكن فيه مشكله بالتيما الي هيه أرتفاع درجة الحرارة القير .

انا من رأيي خذلك :
كامري ، مازدا6 ، النترا ، كورلا
هذي اكثر سيارات نشوفها بالشوارع وهذا دليل علي انها عملية ومرغوبه
لكن الالتيما صراحة نادرا اشوفها بالشارع

الافضل بالطلوع و النزول قير تبترونك و يكون ممكن تحويل التعشيق يدوي
مثل الكامري من ٢٠١٢ و طالع و المازدا من ٢٠١٤
الاكورد قبل الCVT كان قيرها خمس نمر لكن ما في خاصية التحكم بالتعشيق

انابتكلم لك من واقع تجربه اناكان معي التيما ٦ سلندر ابنصحك نصيحه ٦ سلندر لاتقربه والله خرب على القير وتبهذلت معه خسرت حوالي ٨٠٠٠ ريال على الفاضي 
خرب القير وقالو نوظبه وظبته المهم كم يوم ويرجع نفس المشكله رجعت فلوسي ورحت ورشه ثانيه قال cvt مايتوضب لازم تغيره وعندي قير مستورد ونظيف ومن هذا الكلام 
المهم توكلت على الله وركبته وامشي كم يوم وبرضو نفس المشكله قالو فيه التماس من الضفيره غيرت ضفيره كامله حقه المكينه والقير عشان ارتاح وبرضو نفس المشكله قالو كمبيوتر قير غيرت الكمبيوتر حق القير وبرمجت اون لاين ولاصلحت اوديتها ورشه يفحصونها كمبيوتر ويدوي مايطلع لهم عطل قمت بعت الموتر وريحت راسي 
على فكره ترا كثير ناس معهم التيما ٦ سلندر يشتكون من القير خش قروبات التيما وشوف كيف هذي قصتي بختصار على فكره المكينه والمكيف ماشاءالله من اجمل مايكون الموتر كان ماشي ٢٧٠ الف تقريبا مكينه كمبرسر الوكاله 

الله يعوض خسايرك

كان في عيب بقير ٢٠١٣ اول ما نزل على بعض الست سلندر
و صار استدعاء و تغيير القير على الضمان
اللي بيشتري التيما V6 يشوف ماكسيما افضل من ٢٠١٦ اخر شكل

الله يعوض خسايرك ان شاءالله
وجزاكم الله خير على كل الردود افدتوني
وانا الي اريدها التيما 4 سلندر 2013
والي عند إفادة أكثر يفيدنا من واقع تجربه
ويفيدنا في صرفية ناحية صرفية البنزين

الصرفيه ممتازة ما يحتاج
التانكي ٧٠ لتر × سعر اللتر بنزين ٩١ = الفل بكم
و يمشيك التانكي ٨٠٠ كم اذا سرعة معقولة الى ١٤٠
و شف ٢٠١٤ او ٢٠١٥ ممكن ٢٠١٣ في عيوب اول شكل
بقير CVT الجيل الثاني و اللي مستمر الى اخر موديل

جزاك الله خير
واضح ان السيارة طيبه
الا التيما 6 سلندر فيها مشاكل واعتقد اي شركة سواء تويوتا أو هوندا
تجد فيها عيوب
ما قصرتو

السلام عليكم
الاخوان ماقصرو
الالتيما من السيارات الجديدة وتتحمل واقتصادية وملاحظاتها على القير واعتد في الطلعات ماراح ينفغك كثير لانه يسخن

نصيحة
مع الاسف بعض ملاك السيارات المستخدمة يمدح فيها ويطلعها السماء تقول طالعة من الوكالة وفي الاخر مشاكل وبلاوي

اذا تقدر على الجديد حتى لو حجم اصغر فافضلك

بالتوفيق وعليك بالفحص في مكان محترم وماعليك من كلام راعيها الا اذا تعرفة شخصياً او ورش المعارض التعبانه
بالتوفيق

ما انصحك قطع غيار النيسان غالي وربي
والالتيما حلوه بس بالموديلات القديمه اما الجديد تخاف منه بالقير فقط

نصيحه شوفلك موتر ثاني اكسنت او كورولا
مكده ولمن تبيع تجيب سعر

النيسان وقت البيع ينزل وتحس انك مغبون حتى لو الموتر نظيف

كنت بشتري التيما زمان قبل 5 سنوات باب واحد كوبيه وما الله كتب نصيب والى اخذها تمرمط بالقطع
وباعها اخذها ب 18 وباعها ب 14
وحمدت ربي اني ما شريتها

انت عكس يا فهد
قير الCVT افضل من ٢٠١٣ و اجدد الجيل الثاني
٢٠٠٨ الى ٢٠١٢ ينخاف منه
و من تجربة شخصية طلعتها ٢٠١٠ وكالة
و ضرب القير على ممشى ٢٢٠ الف
مع اني كنت محافظ على تغييره كل ٥٠ الف
و الشكوى لله بعتها بعشر الاف على مهندس وكالة الحمراني الفاشلة

ما شاءالله عليكم
ما قصرتو في اال التيماء
هل معقول انه باقي السياره مافيه االمشاكل الي تكلمتو عن الاالتيماء
هل معقول انه باقي السيارات لا تخرب وقطع الغيار مش غالي
يا اخوان بالله عليكم الي ما قدر جرب النيسان سو التيماء او اي نوع من سيارات نيسان لا يتفوه بكلمه هو متعود على تويوتا
او على هواند طبيعي انه راح تطلع السياره فوق السماء
ياخي حاولو تنصفون شوي للسياره
لانه بكذا انتو تظلمون حق النيسان سو التيماء او غيرها

وضحنا للرجال سالفة قير الCVT
و قطع الغيار لا تقيس على الوكالة
تويوتا او نيسان او غيرها
من تجربة محلات القطع كثيرة نيسان تويوتا هونداي
و بعض الامريكي
و الاسعار متفاوتة
و اي سيارة لازم الواحد يجتهد في السؤال عن القطع و العيوب بنفسه
و المستعمل حظوظ و توفيق من الله قبل كل شي ثم النظافة
و كل سيارة لها مميزات خاصة و عيوب عامة على وقتها جديدة

سمعت من اكثر من ميكانيكي ان اسوأ قير cvt بالعالم هو قير جاتكو الي تستخدمه نيسان في سياراتها