ماهو بديل بترومين فيما يخص تشيكات سيارات نيسان

من تجربة 3 سيارات جديدة
كورولا ، النترا ، آكسنت
لا أزور الوكيل أبدا
ولا أخسر ريال واحد
وكلها مشت دون أي مشاكل ما عدا الكورولا احتاجت كمبروسر ودفعت قيمة صيانتين وبدلوه ، ولو أشتريت الكمبروسر من المحلات ممكن أوفر من صياناتهم
كل 5000 أغير زيت وأشيك على ماءالرديتر إذا يحتاج ماء مقطر وكل 25 ألف أغير فلتر المكيف وفلتر المكينة ، وكل 50 ألف الكفرات وزيت القير أشتريه بنفسي من الوكيل وأغيره عن البنشري الي علمته طريقة تغيير الزيت

مراكز الخدمه السريعه تقدم نفس الخدمات الخاصه بالصيانه الدوريه
وعشان لا ينلغي الضمان شرط الفواتير تكون الكترونيه

انا معي باثفايندر الشكل القديم كنت مواظب على صياناتها بالجبر في الدمام ايام كان هو الوكيل لنيسان بالشرقية الى 2010
بعد ما تحول الجبر الى كيا و جا الحمراني فتح بالشرقية فروع له معارض و صيانات حولت على الحمراني. العيسى قاعد ادعي
عليه الى يومك كسروا ديكور المكيف عندي و خربوا علي باب ما رضى يفتح الى بعد فك الديكور. مثل ما تفظل احد الاخوان
انا خلاص لغيت شي اسمه وكالة غير بس تاخذ القطعة من عندهم وشف لك اي ميكانيكي بن حلال يراعي ربنا و ظبط امورك معاه
و الله يبارك لك بحلالك.

اذا تبي نصيحتي روح ون ستوب ارخص من بترومين و عمالة سيدة معاك مو مثل بترومين يطلعولك مية علة بالسيارة
يقللك بدل زيت ما دري ايش و بدل مادري كفرات, يبي عمولة بأي طريقة هذه سالفتهم بترومين. حتى لو تبي بنزين بس من
محطتهم يجيك العامل يقللك نظف انجكتر و خذ لك معطر و الله هالشي موجود و صارت معي اكثر من مرة و انا ارفض كل
عروضهم حتى فلتر مايتي لا يغرك خلك نيسان و بس.

ولا ازيد على كلام اخوي بدر

ون ستوب فروعهم بكل مناطق المملكة ومن واقع تجربة من عشر سنين
ابدل زيت القير والمكينة عندهم وماشفت خلاف واسعارهم افضل من بترومين المروح

الوكيل مايمشي على الصيانة الصحيحة يعني مايشيك على الفريون وزيوت وسوائل السيارة جميعها بدون استثناء
ويشحم البيبان وينظف الموتر لا الوكيل ياخذ ضربتة ويقول شيكنا وهو كذاب 
وفية تجارب في اليوتيوب كثيرة ومن ناس لهم سمعة في عالم السيارات والميكانيكا لدرجة ان واحد منهم كان مطلع جيب تويوتا 
جديد وراح للوكالة المهندس ماعرف صوت الطقة من وين وقام يكذب علية وقال بنغير الدفرنس كامل بس رفض السعودي 
وفي الاخير حصل فية مشكلة بسيطة في الصوفة يبيلها شحم

لذلك نصيحة لك خذ الكتلوج وصلح لك جدول صيانة بنفسك وغير الزيوت والسوائل انت عند ورش معروفة اضمن لك

اكبر كارثة بتاريخ شركة نيسان هو انهم اعطوا وكالة نيسان لشركة زيوت !!
وكيل كارثي بكل معنى الكلمة قطع الغيار اغلبها طلبية وتجلس من شهر لشهرين عشان توصل
اصلا من يوم تشوف وكيل شركة نيسان يستقبل سيارات من شركات ثانية مثل مازدا وتويوتا ويصلحها عنده تغسل يدك منه
ميزته الوحيدة عنده فروع الصيانة السريعة منتشرة بكل مكان 

فعلا اخ بدران والله قاعد اترحم على ايام الحمراني و الجبر. الحمراني رغم السلبيات اللي سمعتها من بعض الناس الا انه كان
واجد ابرك من العيسى و بترومين. انا من اهل الشرقية و سيارتي كان انفتح لها ملف مع المؤيد وكيل نيسان في البحرين و الله
تروح الوكالة هناك اقسم بالله شي راقي المهندس يستقبلك وانت بالسيارة يعني كراج كبير و هم ياخذونها منك الى كراج ثاني اللي
هو الورشة و عندهم كنب مساج و كافتيريا و نت و تلفزيون كنك جالس في فندق والله ما بالغ فعلا و كل هذا مجاني دام سيارتك
عندهم.