أضف سؤال أو موضوع جديد          

محتار بين كامري 2020 ستاندر و التيما 2020 نص فل

up 4 down 2
vantom92 25
قبل سنه



السلام عليكم 

انا مقدم على شراء سيارة جديدة واحترت بين الكامري ستاندر سعرها ٩١.٥٠٠ 
والالتيما نص فل سعرها ٩٤.٥٠٠

طبعا دوامي برا الرياض ٩٠ كيلو يعني يوميا اقطع مسافة ١٨٠ كيلو تقريبا 

بخصوص المواصفات الالتيما تتفوق بمراحل عن الكامري 

لكن كل خوفي من الوكيل اغلب الناس يذمونه 


طبعا المازدا مستبعدها ما عجبني تصميمها ابدا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خليك على الكامري وابتعد عن التيما


up 12 down 1



الفرق الاساسي بنوع القير
ابحث عن الCVT ايجابياته و سلبياته
غير قابل للتوظيب و ان كان يخدم مع المحافظة
كثير من السيارات تجاوزت ممشى ٣٠٠ الف بدون خرابات
و استأجر سيارة اكسنت ٢٠١٧ او سنترا جرب سواقته اذا ما تعرفه
اما قير الكامري نفسه المعروف اول ٤ نمر ثم ٥ ثم ٦ و من ٢٠١٨ قيرها ٨ سرعات
اذا بتشوف مازدا 6 هي بديل الكامري بنفس نوع القير
الالتيما بديل اقل سعر من الاكورد بنفس الCVT الفرق بينهم بالمكينه
النيسان عادية 2.5 و الهوندا مكينة تيربو 1.5



up 2 down 0



الكامري سعرها فلكي صراحه حتى كاميرا خلفيه مافيها وطيس وب ٩١٥٠٠ مدري صراحه احترت 


up 4 down 0
vantom92 25
قبل سنه



بالفعل الاسعار مبالغ فيها
كانت الكامري الخليجي استاندر ب٧٠ مع مثبت
و كنت ناوي عليها ثم اجلت الفكره الجديدة نزلت ب٨٠ و الضريبه زود ٤ الاف
فطلعت لي راف فور ١٨ بنفس السعر و الحمدلله مرتاح معه
و نزل الجديد بمواصفات كورولا و سعره تعدى ٩٠ بدون ضريبه !


up 3 down 0



التيما بدون تفكير الموديل الجديد محد اشتكى منه 


up 3 down 7
احمد 170 241
قبل سنه



خلينا نقول ان الالتيما افضل مواصفات, لكن الكامري أضمن كعمر إفتراضي, قطع في كل مكان, الوكيل في معظم المدن, بسهولة تبيعها وبسعر ممتاز, قير 8 سرعات اشوفه افضل من الالتيما. انا ما اشوف قير الCVT سئ ولكن فقط قير النيسان, لأن كرولا و اكورد و سيفيك واكسنت و سوبارو كلها نزلت ومافيها اي مشاكل عدا النيسان وماتقدر تثق فيهم ان تم تطويره لأن كل موديل يقولوا نفس الكلام ويطلع نفس العيب, ثاني شئ مكاين نيسان توفر بنزين! السبب هو القير فقط لاغير, والدليل شوف اي سيارة نيسان بقير تقليدي مثل الجيوب وشوف الصرفية! شوف صرفية ماكسيما و اي سيارة من انفينتي لها نفس المكينة لكن بقير تقليدي!! راح تعرف ان مكاينهم قديمة لكن تغير القير كان نقطة ذكية.
بالنسبة لي اصوت للكامري رغم انها ماتعجبني لكن شئ اضمن ومكينة جديدة نزلت من 2018


up 5 down 5
dell2012 1035
قبل سنه



مخطئ اخوي من ناحية توفير البنزبن
جربت التيما ٢٠١٠ قير CVT و قير عادي
نفس التوفير ما في فرق الفل يمشيني اكثر من ٧٠٠ كيلو
التانكي كبير ٧٠ لتر
قصدك تويوتا نزلت قير CVT على الكورولا من ٢٠١٦
ما قدرت تنافس على قير ٤ سرعات القديم و حتى ممكن ٦ سرعات
نفس الشي مع اليارس و الالنترا الجديدة ممكن تنزل بهذا النوع من القير
انا ضد استخدامه على سيارات السيدان الاكبر و الكروس اوفر
مثل ما سوت نيسان حتى الماكسيما و الاكس تريل و الهوندا مع الاكورد و CRV
و ما في عيب الا انه غير قابل للتصليح لو القير من صناعة مرسيدس
فقط استبدال وقت الخراب و ممكن انه حساس ما يتحمل طريقة اكثرنا بالسواقه
تسارع مفاجئ دعس مسابق مقاومات يهمل تغيير زيته
غير العيوب المصنعية اللي ما سلم منها صناعة مشكلة عامة تطلع كل فترة


up 0 down 3



اخوي انا عارف تجربتك وانت ذكرتها كثير لكن كلامي مبني على تجارب وكلام متخصصين في السيارات, القير الوحيد اللي يخرب هو حق نيسان. انا معك يمكن مايتصلح لكن كجودة نيسان يواجهوا مشاكل كثير وأصلا هذه جزء من خطتهم هي تخفيض الجودة وقت ما كانوا بيعلنوا عن افلاسهم من سنوات, والهدف من القير هي المنافسة بصرفية البنزين بدون تغيير المكاين.
https://youtu.be/q3_2R5bmFbk
هذا الفيديو يشرح بإختصار.
وهنا سكوتي يشرح قير نيسان بالتحديد
https://youtu.be/HSZ5-ifYQho
طبعا مع احتلاامي لرأيك.


up 3 down 2
dell2012 1035
قبل سنه



سكوتي هذا نظامه خالف تعرف شايب ما يدري وين الله حاطه
بالنسبة للقير اخطأت نيسان اول ما نزلته على مورانو سئ السمعه
عام ٢٠٠٣ و اخوه الانفنتي FX نزل بقير ٥ سرعات ثم ٧ سرعات قير انفنتي
و لا اعترفت بالمشاكل بدري و مسألة حظ مع السيارات اللي انباعت
لى ما نزل الجيل الثاني يقال انه تحسن و الله اعلم

من تجربة سابقة ما تجرأت اعيد التجربة مع قير CVT
و على سيارة كروس اوفر ما ينفع في البر ابد
الراف فور معي و غرز كم مرة و اقدم و ارجع و ارد نمره ما عليه خوف
و ان خرب قابل للتصليح
لكن على سيارات صغيرة مرة ينفع الCVT وسط البلد للسواقه الهادية

ملاحظة مكينه نافارا نفس الالتيما مع قير عادي الافضل صرفيه بنزين
كل لتر ١٢ كيلو افضل بكب من ناحية الصرفيه الى يومنا
مكاين نيسان موفرة الجديدة خصوصا 2.5 و التانكي كبير مهما كان نوع القير


up 0 down 0



والله يمدحون الألتيما الجديدة . . . . . . . .


دامك واصل هالمبلغ ودوامك خط لا تفكر بغير الاكورد هي ملكة الخطوط ولا خذ لك سيارة من الفئة الي فوق مثل الازيرا والكادينزا والتورس


up 3 down 6
0abo_waleed0 130
قبل سنه



انا انصحك بالكامري (هايبرد) استاندر ما دامت مشاويرك كثيرة لانها اقتصادية في الوقود
تمشيك من ٩٠٠–٠٠٠ كيلو

والله روعه
سعرها حول ٩٤ شامل الضريبة


up 2 down 2
abo anasz 24
قبل سنه



ما ألومك تحتار خصوصاً ان التيما نص فل ردار وفتحه وشاشه وجنوط وباقي المواصفات
اما الكامري طيس ومسجل مركب من الوكيل وحساسات بارزه كأنك في عام 2003
وسعر اللتيما نص فل عن عماد الدين ب85 والكامري أقل فئه ب82
أنا لو مكانك أختر الاقرب لرغبتي عشان ما أندم مستقبلا وكلا السياراتين رائعتين
وأنا من خلال أشخاص أعرفهم شخصيا أحدهم معه كامري 2019 والاخر معه التيما الشكل ما قبل هذا
صاحب الكامري يقول في السفر يوصل التانكي ل650 او 700 حسب تثبيت السرعه والدعسه
صاحب الالتيما يقول اذا تمشي 140 130 مثبت عليها تمشيك بتانكي واحد 900 ويبقى فيها شوي
صاحب الكامري يثني على السياره ويذم العزل جدا صاحب اللتيما يثني على السياره ولا يرى فيها عيب وهو راعي خطوط


up 0 down 0
saeed-ksa 213
قبل 11 شهر و 2 أسبوع



ابعد عن الاتيما مشاكل قير مالها حدود شوف المنتديات الامريكية ومر صيانة الوكالة وشوف المشاكل


up 1 down 0
heshammobily
قبل 11 شهر و أسبوع