الناس تشتكي من التيما 2013 وما بعدها

برأي الشخصي الالتيما سيئة ومشاكلها كثيرة وغير اعتمادية السعر مغري لها بسبب مشاكلها وعدم رغبة الزبون لها. 
نصيحة شوفلك موتر اعتمادي مايبلشك بلصناعية كل شوي. التويوتا والهوندا عز. 

ياتاخذ جديد وعلى يديك وتحافظ على زيتها الاصلي للمكينة
وزيت القير تغيره بالوكالة أو بالفروع الخاصة بالوكالة

او تصرف النظر وشتري لك كامري حتى لو مستخدم

اما مستخدم التيما انسى

التيما و مكسيما و اكورد و سيفك ، مستعمل ابعد عنه ،،،،

و الله الجهل بطرح الموضوع و الردود

لو الالتيما اللي تتكلم عنها موديلات ٢٠١٢ و تحت
اقول ممكن من ناحية قير الCVT اول جيل كان سئ
تجربة شخصية ٢٠١٠ ضرب على ممشى ٢٢٠ الف بدون مقدمات
و الشكوى لله بعتها بعشرة و اشتريت مثلها مستعمل قير عادي ب٢٠
و ما قصرت معي سنه و نص
تكييف ثلج و قطع متوفر بالمحلات و لا في عيوب مصنعية
و مواصفات الاستاندر على وقتها افضل من غيرها
نظام ثبات الكتروني قبل ما يلزمون الوكالات من موديلات ٢٠١٦

بالنسبة التيما من ٢٠١٣ و اجدد و الماكسيما ٢٠١٦
قير الCVT مطور اللي نزل على سنترا و اكستريل محد شكى منه
في حالات نادرة طراز الست سلندر التيما ٢٠١٣
القير كان في مشكلة و صار عليه استدعاء اصلاح او استبدل
نصيحتي اللي متعود يدعس و يرد نمره و يسابق ما ينفع له هالقير
سواء على نيسان او تويوتا او هوندا او اي سيارة من أي صناعة
اللي مستغربه اللي ياخذ كورولا او يارس قير CVT مستعمل
بنفس سعرها و القير هذا على التيما و يقول في فرق بالجودة !!!!

اناللامانه جربت مكينه V6 مديل 2013 من اسوا السيارات الي امتلكتها الصراحه القير خبط وديته ورشه قالي توضيب ٦٠٠٠ ريال قلت تم وضبه مشى كم يوم ورجع نفس المشكله رجه من الجنزير الي داخله المهم قالو ماينفع الى تغيره التوضيب ماينفع معه قلت توكلنا على الله واغيرته بواحد شد بلد ماقد فك بمبلغ ٧٠٠٠ ريال طلعتها مشت كم يوم بعدين صار القير يفضي وديته صاحب الورشه فحصه كمبيوتر قالي كمبيوتر القير جبت كمبيوتر القير مشت كم يوم ورجعت نفس العله قالو التماس غيرت ضفيره كامله حقه الكمبيوتر والقير عشان اقطع الشك واجيب كمبيوتر قير ثاني واركبه واسوي برمجه اون لاين مشت كم اسبوع ورجعت نفس المشكله وبعتها فى حراج على حالتها والله بخساره كبيره لاكن العوض على الله انامارح افتي لك فى ٤ سلندر لى اني ماملكتها ان شاءالله يفيدوك الشباب لاكن ٦ سلندر نصيحه اخو لاتقربها انحاش عنها 

ممكن من الدفعة اللي كان عليها استدعاء و انت استعجلت و صلحته برا
على كل حال قير CVTغير قابل للتوضيب
استبدال فقط
انا بنفسي ما اعدت التجربة
معي الان راف فور فضلته على X TARIL
لتوفر قطع غيار القير و المكينه وقت الخراب
و استخدامي اكثر خط للدوام و غيره

صاحب الموضوع حسب مواضيعه السابقه
له شهور متوجس من كم سيارة
الظاهر اللي ينفع له و لا فيه خرابات
ددسن او هايلكس و قزاز هندل حتى ما تخرب مكاين الدرايش
افضل حل لراحة البال

مب جهل انت تقول بنفسك فيها استدعاء و خرابات في القيور ،، احنا نشوف تجارب الناس
اما تجربه ما قد استخدمت هالسيارات ابد ،،، وانت بنفسك قلت ان فيها مشاكل وتمشي سنه ونص

وفهود أيد كلامنا

مدري كيف تفهمون !
لكن كلن على راحته انا ما ادافع و لا امدح و لا اسب
التعميم تفكير الاغبياء
مشاكل تكييف كل النيسان مع انها الافضل تكييف
مشاكل (نوع) القير CVT بس على نيسان غيرها ما في مشاكل
هذا تفكير عقيم ما يضر الا صاحبه
يتخسر على سيارات اصغر و اغلى بنفس المواصفات

1405-1985
عزيزي أنا مو موجس ولا هم يحزنون
بس أنا أحب أسأل وأستفسر
ومن حوالي خمس سنوات وأنا يمكن غيرت
سياراتي بحدود أربع مرات
من تويوتا الى هونداي الى كيا والعكس
والمنتدى وضع للجميع

وش رايكم ؟.....