أضف سؤال أو موضوع جديد          

مشكلة في قير الالتيما هل من حل ؟

up 3 down 1
ahmed8262 10
قبل شهر و 4 أسبوع



السلام عليكم ورحمة الله وبركاته

اخواني عندي التيما 2011 من اكثر من 7 سنوات استخدمها استخدام حشمه ومحافظ عليها

ظهرت لي مشكلة من اسبوعين وهي:
لا جيت ادز للسيارة عشان اتجاوز اللي جنبي مافيها عزم واحسها ثقيلة كأني اسحب شيء خلفي !
ضغط المكينة يوصل ل3 وصوت القير مرتفع لكن العزم ماش.
جربت اتسارع بها من الصفر، السيارة ما يتعدى ضغط المكينة ال 4 والدعسه ثقيله ايضاوصوت القير عالي، اذا كنت ماشي على سرعة 40 ورفعت رجلي
عن البنزين (تكرمون) السيارة تستمر على نفس السرعه وما تتباطئ يعني كأني مثبت السرعه على 40 حتى ضغط المكينة يستمر على وضعه ولا ينزل.
الحاجه الاخيره من شهرين لاجيت الصبح ومشيت بالسيارة يظهر لي صوت زنه اسفل السيارة من سرعة 40 الى 80 اذا كان تسارعي عادي، اذا شديت يختفي
الصوت، انا الان خايف لايكون الخلل هذا ما يتصلح واضطر اغير القير. وسبب هالمشكلة اخوي الله يسامحه كنت مسافر يومين وسيارتي معه وبعد ما رجعت
لقيت هالمشكله فيها والمشكله يجحد وعيا يعترف لي باللي سواه فيها.

اطلب من الله ثم منكم انك تفيدوني واذا تعرفون ورشه تفهم في قيورCVT دلوني عليها لأن ما ودي اطب عند واحد غشيم ويخسرني قدني طفران خلقه.
موقعي الرياض والله يكتب اجركم كلكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


غير لها زيت نيسان cvt مع فلتر وتأكد من مبرد القير الموجود امام الكفر الايسر الامامي لايكون فيه مشكلة

تابع هذا الفيديو اكيد راح يفيدك


https://youtu.be/1opzOM6qSfk




up 2 down 0
m1m1m1m1m1 308
قبل شهر و 4 أسبوع



المقطع الثاني لتوضيح طريقة فك الفلتر وتغييرة
انت تقدر تسويها بنفسك

https://youtu.be/htIk2VtBSik


up 0 down 0
m1m1m1m1m1 308
قبل شهر و 4 أسبوع



بخصوص الزيت الافضل تغير لها الزيت الموصى به من الوكاله وعندك
محلات ون ستوب يوجد عندهم الزيت يغيرونه لك مايكلف 450 هذا الشئ الاول

الشئ الاخر بخصوص الصوت ونه وخششخشه في قوة السيارة وعلى سرعات اقل من تسعين يجي ويروح

هذا الله يسلمك عندي زيه وسيارتي 2009 عجزت فيه مابقيت ورشه حتى الوكاله ماعرفوه

وجميع سيارات نيسان بها ذا الصوت

وفقك الله


up 1 down 0
aboahmed2014 1098
قبل شهر و 4 أسبوع



شيك على حساس القربه..هل اذا السياره في N ضغط المكينه مرتفع ؟ يعني اول ماتشغل السياره وهي حاره ( توك جاي من مشوار )


up 0 down 1
.ابوظافر 30
قبل شهر و 4 أسبوع



ابدا بالسهل يالغالي
اشتر زيت القير الخاص بسيارتك من الوكاله وغيره عند ورشه
ممتازه مثل اوتو سيرفس وغيرها
بنسبه لتعليق السرعه على سرعة اربعين معا حنه
اتوقع تحتاج تنظف الثروتل ( البوابه ) يجي مكانها بعد قربة فلتره الهواءجرب تنظفها
تأكد من فلتر الهواء لايكون منسد ومايدخل هواء
لاتستعجل بفك القير ترا محد يعرف لقير cvt
لا تسلم سيارتك للورشه تتعلم على سيارتك
وان شاءالله تكون المشكله بسيطه وتنحل بأقل الاسعار


up 1 down 0
سبحان الله 7787 240
قبل شهر و 4 أسبوع



الله يرفع قدركم ويكتب اجركم
السبت ان شاء الله بروح للصناعية وبغير زيت القير مع الفلتر والصفاية وان ما ضبطت بشوف للمبرد وكذلك الثروتل.


up 1 down 0
ahmed8262 10
قبل شهر و 4 أسبوع



بالنسبة للاخ aboahmed2014
فيه صوت صرير على خفيف اسمعه دائما لا مشيت في مكان ضيق او بجنبي جدار يزيد مع دعستك، حسب كلام الشباب هو صوت شداد السير وهالصوت اسمعه من يوم شريت السيارة وتعودت عليه بالعكس صرت انطرب معه ويذكرني بالشاص ابو صفاره موديلات 1997 الى 2000 هههههه
وترى غيرت الشداد قبل فترة ولازال الصوت موجود لكن ما منه اي خوف او ضرر ان شاء الله


up 1 down 0
ahmed8262 10
قبل شهر و 4 أسبوع



ahmed 8262

الله يعافيك حتى انا صرت استانس واللي يعرف سيارتي ويركب معي متعود عليه هههههه


up 0 down 0
aboahmed2014 1098
قبل شهر و 3 أسبوع



السلام عليكم ورحمة الله وبركاته
بعد الفحص الميكانيكي والكمبيوتري اتضح لي ان القير سليم ولله الحمد والمشكلة في كراسي المكينة
كراسي المكينة عند بن ماضي 790 ريال للاربعة كراسي ولكن فيه كرسي ناقص وغير متوفر في جميع فروعهم في الرياض وجدة
في بترومين 1150 ريال ولازم طلبية من جدة الانتظار 4 ايام
عند مؤسسة باظبي الاربعة كراسي متوفرة بسعر 890 ريال وشريتها وركببتها في صناعية ام الحمام ب 400 ريال مدة التركيب ساعتين تقريبا
السيارة ما شاء الله تبارك الله رجعت وكله واختفت الاصوات والطقطقة واصبحت راسية في الخط وفي المنعطفات وحتى مطبها صار قاسي شوي وقومتها اصبحت ممتازة.
للعلم ان اكثر شيء يخرب الكراسي اولا الزمن ثانيا القومات القوية وثالثا المطبات، الحمد لله مانيب راعي قومات والمطبات احيانا ما انتبه لها
هذا اللي صار معي وشكرا للجميع من افادني او وجهني والله يكتب اجركم ويجزاكم خير.


up 1 down 0
ahmed8262 10
قبل شهر و 2 أسبوع



الحمدلله ان المشكلة انحلت

وفقك الله وسمح دربك عزيزي


up 0 down 0
aboahmed2014 1098
قبل شهر و 2 أسبوع