أضف سؤال أو موضوع جديد          

هذي فائده كاميرا الداش كام

up 2 down 2
المتوكل 777 455
قبل 2 شهر و 2 أسبوع



السلام عليكم ورحمة وبركاته 

مساكم الله بالخير 

صبحكم الله بالخير كلن بوقته 

ندخل بصلب الموضوع الشوارع مليئة بالناس الي ماتعرف تسوق 

خلينا واقعييييييين الغشمان كثر شعر الرأس 

بس يعجبني الي يغلط علي يسلم او يعتذر كذا تحس تستحي منه مدري ليه 

بس فيه نوعيه يغلط ويتلفظ عليك بألفاظ سوقيه مثل هذا والكثير مثله  https://youtu.be/sUZi33-3mHk


عشان كذا انصحكم بقووووه لتركيب كاميرا داش كام 

يصير الي يصير عندك الدليل فيديو سوا نجم او المرور 

الكاميرا المستخدمة من شركه انكر الأمريكيه مشاء الله لها سنه ونص عليها ضمان سنتين 

مو اعلان ولا تسويق فقط مجرد تجربه شخصيه 

وبتوفيق للجمييييييع 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مره واحد قطع الاشاره وانافاتحه الاشاره عندي وصدمته صدمه بسيطه المهم الرجال مسوي يلخمني يقول انت قاطع الاشاره جى واحد الله يجزاه خير وقف كان وراي سحب الذاكره من كمره حقته وقالي امسك اذا جاك المرور ورهم الفديو والله وادق على المرور واطلع حق تصليح سيارتي من عيونه ريال ريال المشكله كنت بخليه يروح بس قهرن يوم مسوي يلخمني يقول انت قاطع الاشاره !!!! 


up 5 down 1
zl1.v8 86
قبل 2 شهر و 2 أسبوع



الحمد لله

مركبها في سيارتي ومرتاح

قبل فترة فتحت الاشارة وحركت وفجأة مر من قدامي واحد قاطع الاشارة والحمد لله انتبهت له وفرملت وربي سلم لكن لو صدمني الكاميرا تثبت أني ما تحركت إلا بعد ما فتحت الاشارة


up 4 down 0
مفقود 869
قبل 2 شهر و 2 أسبوع



وعليكم السلام ورحمة الله وبركاته
طيب عطنا صورة للكاميرا لان والله ودي اركب ومحتار
في مثل اللي عندك انكر وفي شومي وانواع كثيرة
مرة اشتريت من الموقع كميرا اسمها yi اعتقد ب300﷼ لغتها صيني ولا عرفت كيف استخدمها وبعتها بخسارة


up 1 down 0
nissan200 165
قبل 2 شهر و 2 أسبوع



هذا شرح لنفس الكاميرا https://www.youtube.com/watch?v=dvqT6ehdiDE


up 1 down 0
المتوكل 777 455
قبل 2 شهر و 2 أسبوع



ركبتها في سيارتي من 4 شهور وكلفتني 145 ريال وهي نفس المواصفات لكن زاوية الرؤية أقل شوي ولكن تكفي

لي موضوع بهذا الخصوص وبالتفصيل

https://toyota.montada.haraj.com.sa/84942/تركيب-كاميرا-على-الزجاج-الأمامي-Dashcam/


up 1 down 0
أبو عبادة 4806
قبل 2 شهر و 2 أسبوع



افضل كاميرا حاليا هي كاميرا فيوفو viofo a119 v3، و اهم ميزة فيها انه بطاريتها كاباسيتور
مو ليثيوم مثل الكاميرات الثانيه، الكباسيتور تستحمل الحراره العاليه ، الليثيوم تخرب من الحراره العاليه.
و فيها درجة وضوح عالية جدا.
هذا فيديو لها،

https://www.youtube.com/watch?v=H4f2HWs_gpc

العيب الوحيد اللي فيها انها مافيها بلوتوث .


up 0 down 0
amer ahmed 531
قبل 2 شهر و 2 أسبوع