مكسيما 2012او2010

و عليكم السلام و الرحمة
اذا ما تعرف لقير الCVT و لا قد جربته ايحث عنه
مشكلة الموديلات هذي ممكن تحصل كثير خرابات بالقير
الافضل تشوف التيما ٦ او ٤ سلندر من ٢٠١٣ متحسن القير
الماكسيما من ٢٠١٦ افضل لكن ما تحصل باللي معك ممكن على ٥٠ الف
و الموتر رياضي قاسي و ضيق من داخل و ممكن تطيح بشي ملعوب فيه
مقاومات و مطارحات لان مكينته قويه و القير ما يتحمل الغشامه
كطالب الافضل تشوف لك سيارة صيانتها و قطعها متوفرة برخص
حتى طقم كفرات ارخص اذا مقاس ١٥ او ١٦
شف لك من فئة الكورولا او سنترا نيسان تحصل بعشرين نظيف ان شاء الله

اوكي يعطيك العافيه عزيزي

تلقى كورلا او النترا نظيفة بحدود ميزانيتك افضلك كورلا ٢٠١٢ ونظيفة
والله يوفقك

اوك راح ادور ويعطيكم العافيه ع النصايح

اذا طالب انصحك بسيارة إقتصادية 4 سلندر

من تجربه شخصيه كنت زيك ادور على مكسيما وعاجبني شكلها
وقوتها
استشرت ملاك مكسيما واكثر الرد كان لا تاخذ مكسيما او التيما
مستعمله* بستثناء انك تعرف راعيها وسواقته* صراحه انا ما اخذت الموضوع بجديه
وسويت اللي براسي وشتريت مكسيما 2010 ويالتني سامع كلامهم
والله خسرت عليها ما يقارب 15 الف ريال وكل ما اصلح شي ينعدم شي
وعلى هلموال لمدة 10 شهور وبعتها ب 15 وخسرت خساير ربي يعوضني
معلوميه المكينه والقير اكثر الورش ما يشتغلوها بسبب تعقيدها
قيرها كويس بس مو لمنطقتنا ما يتحمل الحر اسمع خذ العلم لو بتاخذ مكسيما وما تعرف راعيها
ابعد واسمع كلامي تبغى تستفسر اكثر تعال واتس 0563969290

وحط فبالك كم سنه او شهر البنزين بيرتفع البنزين
اسمع خذ سياره على قدك كوريلا النترا صني لين ما ربي يفرجها
وتتخرج وتتوظف وتطق موتر الاحلام مكسيما 2025 اذا شاء الله

تسلم والله ع النصيحه لان نفس ماقلت لك حبيت اتاكد اكثر 
وقلت اسالكم وشلت من بالي المكسيما من الكلام الي سمعت وكل شي
وجالس ادور كورولا باخذ تيوتا افضل سبب متعقد بسبب هونداي وخراباتها
كانت معي اكسنت وخسرت فيها ٤ الاف وكله مشاكل تطلع 
لكن الله يعين

انا وضعي زيك طالب وماني شغال
وتعبت وانا بدور سيارة اقتصادية وعارف انت اي كورولا أو النترا رح تكون مكروفة لين تقول بس
اخر شي اخذت رينو فلوانس ٢٠١٤ ماشية حدود ٧٥ الف والحمد لله مريحتني كثير وسافرت عليها من جدة للمدينة حوالي ٤ مرات السيارة راسية وممتازة وبفئة للكورولا وفي منها تشليح كثير
ولو تبغا فئة أعلى خذ السافران ٢٠١٤ وفوق رح تحصلها بهذا المبلغ نظيفة
صح قير السيارتين cvt لكن لو تهتم فيه ورجلك هادية على البنزين السيارة ما راح تطلب منك ريال
أهم شي تغير زيت القير كل ٥٠ الف مع الفلتر الورقي وتنظف الكارتير وفلتر الكارتير
علما السيارتين فلهم حول ٧٥ ريال
ويمشوك حول ٧٠٠ كم داخل المدينة وفي الخط ٨٠٠
موجود منها كثير ونظيف ونقي واستحلي على كيفك وكرفها

يعطيك العافيه 
طيب شباب شرايكم في سيارة يارس موديل 2015 ماشيه ١٣٠ الف
او اوبتيما 2011 او ٢٠١٢ هالحدود ماشيه حول ٢٠٠ وش تنصحوني

الكوري انتبه الى موديل ٢٠١٥
اقل فئة ايرباق واحد و فرامل عادية بدون ABS
الا الفل كامل و الا حتى النص فل ممكن ما فيه و اهم شي سلامتك
اما الياباني افضل من هالناحيه تحسن من موديل ٢٠٠٧ تويوتا
اما هوندا و نيسان و مازدا من قبل الوكلاء ما يغيرون في المواصفات الاساسية