أضف سؤال أو موضوع جديد          

اشرايكم في المكسيما SR 2017 ولكن؟

up 0 down 0
باسم 6225
قبل 6 يوم و 7 ساعه



يا اعزائي لقيت لي مكسيما بودي وكاله ما عادا رشه في الرفرف الأيسر وعلى اثره طلع الإيرباق
وفي رشه ثانيه في الكبوت الباقي وكاله والممشى اقل من ٥٠ الف. فرق سعرها عن أخواتها في السوق حول ٢٥ الف.
صاحبها صلح الايرباق بس المشكله ان لمبة الاريباق شغاله والسبب لازم تصلح الرادار أو حساس في الرادار. 
رحت الوكالة ولقيت سعر الرادار كامل ممكن ٦ آلاف وشوي. تنصحوني اشتريها والي عنده مكسيما باليت يفيدني. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك
حاول ترتكب الفرار 


up 0 down 0
باترول 2020 2586
قبل 6 يوم و 5 ساعه



باليت توضح ايش هو الفرار؟ 


up 0 down 0
باسم 6225
قبل 6 يوم و 4 ساعه



كم سعرها عشان نحكم اذا تستاهل او لا
عموما.. لو سعرها حوالي 50 الف وفيها.. فتستاهل.. شرط وهالكلمة حط تحتها مية خط... شرط تكون الصدمه خارجيه ولا تكون من البطن "اسفل السياره" ولا تكون صلت لما بداخل الكبوت..
اذا فيه شيء داخل الكبوت مبدل. فاعرف ان صدمتها قويه ودخلت جوا.. وممكن اثرت على اجزاء مكانيكيه. ومستقبلا يمكن يطلع لك تهريب بمبرد المكينه او تهريب رديتر ولا تنتبه له وتخبط مكينتك او عطل بالكرومبسور وتقعد بدوامه تغير كرومبسور وليات وترهيم او او او.. وكله بسبب الصدمات الاماميه.. هذا ان ماكان تاثرت من اسفل

والصراحه انصحك ببدي وكاله.. حتى لو مواصفات اقل..يعني لو تاخذ لك نص فل SV فتحة بانوراما بودي وكاله...افضل من فل كامل SR طالع ارباقه ومصدوم من المقدمه

لا تهمك مواصفات.. بقدر ماتهمك نظافة السيارة وخلوها من الحوادث..

موفق


up 0 down 0
ابوخالد1397 2521
قبل 6 يوم و 3 ساعه



والله السعر حول الي قلته لكن في مفاوضات. لكن راح افحصها في الوكالة واعرف 
واعرف كيف قوة الصدمة الي جاتها. عموما الي اعرفه ان الصدمة ماهي بالواجه. الصدمة في الرفرف الأيسر 
وتأثر الكبوت ورشه مع الرفرف. وماوصلت للجسر. 


up 0 down 0
باسم 6225
قبل 6 يوم و 2 ساعه



الفرار يمكن يقصد باسم ٦٢٢٥ الفرار حق الدبل بس المكسيما دفع امامي


up 0 down 0
asmk500 65
قبل 5 يوم و 23 ساعه



ياباسم
اقصد باالفرار يعني انحش عنها سالفة رش كبوت والاارباق طالع
اكيد الموتر ماهو زين وراح يخفض لك ترا باالسعر لين تاخذها
والخيار لك طلبت الشور وجاك


up 0 down 0
باترول 2020 2586
قبل 5 يوم و 19 ساعه



لا يارجال ليش تنحاش ترا فيه صدمات تعتبر مكسب للي بيشتري لانها تنزل من سعر ولا هو ضرر عليها تتصلح مضبوط وتخدم ٥ سنوات وفوق انا اعرف يشترون من المصدون ويصلحونه واحد اقاربي شرا جيب لكزس ٢٠١٤ على وقته ماوصل ممشاه ٢٠ الف ومصدوم من قدام صدمه خفيفة وطالعه الايرباقات وصلحه وليومك هذا معه الموتر وماشاءالله لكن مثل ماقلت انت افحص زين وافحص الشاص والحديد اللي يكون بين اجزاء الموتر الداخلية والخارجية والله يكتب لك اللي فيه الخير 


up 1 down 0
abdulmohsen 8760 33
قبل 5 يوم و 18 ساعه



في سيارات الايرباق يطلع مع اقل دقة والسبب يكون حساس الايرباق قريب وفي سيارات الايرباق يطلع اذا الصدمة قوية وتكون وصلت للكمر وهنا الخوف وبعضهم يصلح الكمر وبعضهم يغير الكمر ،،، المقصد اتاكد من صدمة الرفرف راعيها السابق غير الرفرف بس او وصلت للصدر وصدمة الكبوت وش غير كمان


up 1 down 0
zax_makkah 198
قبل 5 يوم و 16 ساعه



لو تاخذها يومين تجربها افضلك خله يسويلك تفويض من ابشر
وجرب السياره خط وافحصها بالوكاله وشوف كم تحلف كامل وكم بتشتريها منه علشان تكون الامور كلها واضحه
واذا رفض صاحبها فابعد عنها


up 0 down 0
asd01 89
قبل 5 يوم و 16 ساعه



اذا طلع ايرياق السواق صعب جدا" و مكلف تصليحه
و كثير فقط يضبط الغطاء و يبرمج و تطفي اللمبة
و هو اهم شي مع حزام الامان و فرامل ABS
اذا اي سيارة ما فيها او خربان خطر سواقتها اهم شي سلامتك
اما ايرباق جانبي يطلع مهو مشكلة
و تحصل استاندر انظف من فل كامل
اهم شي مثبت السرعة و شاشة من اقل فئة بالماكسيما و تشغيل عن بعد


up 0 down 0
1405-1985 946
قبل 5 يوم و 5 ساعه