ستفسارىتوضيب مكينة بالبيت

ودها ورشة كويسة الله يصلحك ماهي تغيير فحمات ترا !!

يبيلك كراج متكامل في بيتكم زي الاجانب في اوروبا اما جايبلي كم مفك ولا عندك خلفية

مثل ماقال بنز لوفر ودها ورشة واربح العافية

هو بالهين تخرج المكينة لازم سلسلة ورافعة عشان تخرجها وتركبها 

نصيحة اذا مالك بالميكانيك والفك والربط لاتنكب نفسك لان الفك مو زي التركيب الفك سهل بس التركيب والشغل الي بتسويه لازم يكون نظيف والقطع لها مقاسات معينه وهذي تحتاج مخرطه او ماتحتاج والثانيه يبي لها كذا وهذي كذا والخ .. وغير كذا يلزمك مكان مهيئ للشغل وعده متكامله ورافعه مو مفتاح وعفريته واشتغل ! مو تحطيم يعلم الله لكن نصيحة اخ لانها غثا وممكن تكلفك اكثر من انك تصلحها بالورشه ادنى غلطه يخرب الشغل هذا القصد والله يوفقك

للاسف ردود كلها تحطيم اكثر شي بيفيدك اليوتيوب ابحث في مقاطع الاجانب بالانقليزي

سهلة مكينة الددسن الكبريتر اعرف العيال في الاستراحة يتحادون على توضيب المكاين والهايلكسات الجموس ومن هو الاسرع ..
اترك عنك كلام النواعم ومنها تتعلم ..

وارد الستين ترى توضيب المكاين مالها دخل بالمرجله وانا عارف لو يبنشر كفر عليك ماعرفت تغيره اركد الله يفتح عليك :)

انا انصح الرجال وش خصك انت انقلع ..
ماخرب الشباب السعودي وحطمهم الا انت واشكالك .. والاجنبي معكم ..

تعرف تازن البستم مع البلف عشان توضب تراه صعب تحتاج زارقينة بلوف والتوضيب سهل للي يعرف وتشوف السرندل متاثر وتعرف كم تركب مقاس الشنبر واذا كانت المكينه سبق له التوضيب له خرط يختلف الدعوى بسيطه للي يعرف يطبق والي ما يعرف صعبه والله

وقيمة العده الي تبي تشتري شغل يد راعي الورشه 

اكتب اسم المكينه بقوقل
بطلعلك كل شي عنها
وزد اكتب اسم المكينه ثم اكتب PDF عشان تحمل كتلوج المكينه