أضف سؤال أو موضوع جديد          

أسئلة متفرقة عن الباثفندر الجديد

up 1 down 1
عبد الله أبو سند 148
قبل 4 شهر و 2 أسبوع



بسم الله الرحمن الرحيم

السلام عليكم ورحمة الله وبركاته. وبعد

أسئلة متفرقة عن سيارة نيسان باثفندر الشكل الجديد ( ٢٠١٣ وطالع ) المزود بناقل حركة CVT

١/ كم سعره ستاندر كجديد وكمستعمل نظيف ؟

٢/ كيف عزمه وقوته وتحمله خصوصا نظام التعليق ؟

٣/ كيف مستوى الراحة والثبات والانسيابية خصوصا بالخطوط ؟

٤/ كيف مستوى العملية والاعتمادية والأعطال ؟

٥/ كيف أسعار القطع (الإستهلاكية الدورية) ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام سيارة نادرة ياليت اللي له تجربه يتكرم ويعيطنا العلم

انا شووف سيارات نيسان ماتنفع تشتريها استثني منهم الباترول بطل الدروب والفتك والصني فقط قطع غيار متوفر
وكثير ورش تشتغل فيهم وتحصل بالتشاليح اما مكسيما التيما باث فندر نافارا سيارات قليله جدا يعني مخاطرة تشتري سيارات
وكيلها تعبااااااان وهي قليل الانتشار


up 2 down 0
المنطق يقول 724
قبل 4 شهر و 2 أسبوع



عليكم السلام ورحمة الله وبركاته .
ابحث في تطبيق التلقرام عن قروب نيسان باثفندر وبتلقى قروب في عدد من المستخدمين والمهتمين بها يفيدونك

لكن بشكل عام بعطيك المعلومات الي عندي مما سمعته من بعض مستخدمينها

من ناحية راحة ورساوة واستخدام داخل البلد والخطوط ممتازة ومريحة وراسية

من ناحية الاستخدام بالبر استخدام عالخفيف تمشية
يعني ماينفع مراقى واراضي صخرية لان الموتر نازل ماهو مرتفع وماهو مجهز للاستخدام القوي بالبر كمساعدات ودبل وغيره

القطع زي سيارات نيسان اغلبها معقولة اسعارها.

النقطة الوحيدة الي لاحظت بعض الناس عانى منها موديل ٢٠١٣ و٢٠١٤ ويمكن ٢٠١٥ عندهم مشاكل مع القير
ما ادري وش وضع الموديلات الجديدة الي سوولها فيس لفت وغيرو شكلها شوي هل تم تحسين القير ام لا

وانصحك اذا بتشتريه او اي سيارة قير CVT لا تاخذ مستعمل لانك ماتدري الي قبلك كيف استخدامه وهل كان يسوي صيانته بشكل صحيح
لان القير يحتاج عناية بالاستخدام والصيانة وان شاء الله يعيش معك وميزة هالقير انه يوفر البنزين ومريح وسلس بالاستخدام




up 2 down 0
ain501 204
قبل 4 شهر و أسبوع



غالي و غير منتشر و الصرفيه قريبه للي من مثله

الفئة هذي في كروس اوفر ٧ ركاب ممتاز
واسع و مريح و التكييف من فوق و سعره مناسب مستعمل
و صرفيته معقولة ست سلندر اللي هو دودج دورانجو
من ٢٠٠٤ و القير ثمان نمر بس الوكيل سئ قطع البودي مرتفعه

ممكن الاكسبلورر منتشر اكثر او عندك الكوري او مازدا CX لو موديل اقدم
اما الباثفندر هذا بالاسم فقط هو بديل مورانو سئ السمعة
بنفس القير و المكينه اكبر شوي
و الا النيسان ممتاز يبو سند معك السنترا و تعرف لها ما شاء الله


up 0 down 0
1405-1985 964
قبل 4 شهر و أسبوع



٢٠١٤ تصحيح الموديل و ينفع للخط و حجمه قريب للتاهو و اليوكون


up 0 down 0
1405-1985 964
قبل 4 شهر و أسبوع



و قصدي الباثفندر اكبر حجم ٧ ركاب المورانو ٥ ركاب
نفس المكينه و القير نفس المكسيما بالضبط


up 0 down 0
1405-1985 964
قبل 4 شهر و أسبوع



بارك الله فيكم

أتمنى ممن جربه يفيدنا بالأسئلة الخمسة


up 0 down 1
عبد الله أبو سند 148
قبل 4 شهر و أسبوع



يا الغالي الباث فايندر من عمي مثله ممتاز و مرية و قيادة راسية عيبه موديل ٢٠١٣-٢٠١٤ كان فيها عيب مصنعي بقير CVT و على كلامهم صلحوها على موديل ٢٠١٥ 
و أضيف لك صرفيته ممتازة 


up 0 down 0
الفارس المتألق 214
قبل 4 شهر و أسبوع



كم يمشي ؟


up 0 down 1
عبد الله أبو سند 148
قبل 4 شهر و أسبوع



وعليكم السلام اخوي عبدالله انا عندي باثفندر 2013 الي فيها العيب المصنعي الي بقير السياره و مميزات السياره وسع و راحه و رساوه في الخطوط و اقتصاديه في البنزين و قطع الغيار سعرها معقول شوي بعضها رخيصه و بعضها غاليه و بعضها متوسط مثلاً عندك البوجي الواحد سعره 65 ريال في محلات قطع الغيار و عندك سير المكينة سعره 90 ريال و الفحمات الاصليه الي قدام ب 280 او تحصل تجاري ب 90 لكن ممتاز و بالنسبة للسيارة اذا ناوي تاخذ لك وحده خذ لك جديده و سعرها في المعارض 109 آلاف وعشان تحافظ على القير كل 45 الف غير زيت القير و الفلاتر عندك اثنين واحد يتغير و الثاني يتنظف... عيوب السياره المكيف في الوقوف الطويل يصير حار و الحل تركب لك مراوح قدام الرديتر و عندك العزل الأرضي يعني تسمع ازعاج خفيف منه اما النوافذ حتى بعد 200 ماتسمع منهم صوت هوا و بالنسبة للأقتصادية ما حسبت كم تمشي بالضبط بس انها اقتصاديه جداً ماشاءالله اعبيها ب 80 تجلس اسبوع و نص بالراحه اذا استخدام عادي بدون دعس " اذكر مرة رحت من الدمام إلى البحرين و تمشيت و رجعت في نفس اليوم و استخدمت السياره اسبوع بعدين فللتها مره ثانيه" هذا نبذه عن الاقتصادية و مجربها بنفسي و آسف على الإطالة


up 0 down 0
hmod1247
قبل 4 شهر و أسبوع