التبريد قل برودته مع تغير الكمبروسر والثلاجة

رح شيخ الورش واشتكه ، وعلمه بالسالفه ،

اهم شي معك فاتوره ، وصدقني م بيضيع حقك ، 

كمبرسر حقك القديم سليم استعجلت وصدقت كلامه والثلاجه الله اعلم بس انت شفته وهو يفك الثلاجه القديمه ويركب الجديده
اعتقد كان عندك مشكله تهريب ورحت فحصت وماشفت التهريب بعينك وهو قالك خل السياره وتعال بعد ساعه ولما رحت له قالك الكمبرسر والثلاجه بدون ماتشوف بعينك وين التهريب بالضبط
بس هذا درس عشان ماتثق بحقين المكيفات لان باب النصب واسع ويقدر ينصب عليك وبصعوبه تكشفه

حياك الله 

تراك استعجلت ونا خوك ،،،،على الاقل كان رحت عند محل ثاني وثالث عشان تتأكد ،،،،ومادامك غيرت ونفس التبريد فالمشكلة ممكن تكون في شي ثاني مثل رديتر المكيف الامامي تعبان او مليان وسخ 

التجاري فعلا ضعيف في جودة الهواء و التبريد غالبا.

كيف عرف ان الكمبرسر القديم ضعيف وانت جايبله السياره والفريون ناقص او فاضي وهو مستحيل يعبي فريون الى اذا انت موافق تدفع قيمه تعبيه فريون جديد

بعض الأخوان اللي علقوا على الموضوع الله يهديهم

أنتم ليه على طول رحتوا واتهمتوا الكهربائي وحطيتوا في بالكم بأنه نصاب ويغش الرجال ؟؟؟؟؟

ليه ماتقولون إن القطعة ولأنها تجارية هي السبب ؟؟؟؟؟ فوش مصلحة الكهربائي ينصب على الرجال ؟؟؟؟؟؟

ويخسر سمعته بين الناس وبين الورش اللي جنبه وهو يدفع شهرياً مبلغ وقدره لراعي الورشة السعودي !!!!!!!!!

الرجال ركب شيء تجاري وفعلاً ( التهريب وقف ) والأمور تمام لكن لأنه مركب قطع تجارية فالتبريد عنده نص ونص

يعني ماقال الرجال لكم ترى التهريب رجع والمكيف مايبرد أبد ( هنا صح أقول الكهربائي نصاب ) . . . . .

لكن التبريد نص ونص والكهربائي قايل للرجال من قبل ( جب أصلي ) بس هو جاب تجاري . . . .

ارى المشكله ليس من المحل

يا اخوان الشهاده لله الكهربائي صديقي وجاري بالحي وتعاملت
معاه كثير وكان كفو بس صدمني باخر سياره جبتها له
الكمبروسر القديم الاصلي كان احسن ما يكون
بس تبريده ضعيف والتهريب فعلا من الثلاجه لان لمن فك الطبلون
وغير الثلاجه راح التهريب
بالامانه الان

الان التبريد لكم عليه مهو زي الكمبروسر القديم
فصدمني الرجال لمن قال كله من قطعك التجاري الي جايبها
يا اخوان الرجال ازكيه وما اتهمه بشي بس اول مره
اعرف ان الكمبروسر التجاري والثلاجه ما تخلي التبريد ثلج

والله احترت وزعلت

السؤال .. وين الكمبروسور الثلاجه الاصليه اللي فكها ؟ خلها يركبها لك !

اشتري فريون من ساكو اسمه اي سي برو فريون فل سنتاتيك ان شاء الله يبرد المكيف تمام