أضف سؤال أو موضوع جديد          

سحب الوكاله من الحمراني

up 8 down 3
trading 1121
قبل 8 سنه و 12 شهر



السلام عليكم 
رحت عند وكالة الحمراني بسـأل عن الالتيما 2011 
قالي مافي منها مخلصه ! 
بصراحه انا صدمت معقوله خلصت بهذي السرعه وانا اشوف الالتيما مهي منتشره الا في اماكن محدوده جدا

بعدين سالته عن الالتيما 2013 قالي اذا استمرت الوكاله فحتنزل بعد شهرين هي والماكسيما 2013
قلتله يعني يمكن تتسحب الوكاله !؟ قال ممكن وقلت مين حياخذها قال العيسى
وقالي خلال هالشهرين يتضح كل شي اما استمرار الوكاله او سحبها


وانا اقول انشالله يتم سحبها لان الحمراني شوه سمعت النيسان
واذا اخذها العيسى انشالله نشوف الفرق في انتشار سيارات النيسان   

زبدة الموضوع حبيت انصح لحد يطلع سياره من الحمراني ينتظر لا يستعجل يمكن تقفل
والسلام عليكم وكل عام وانتم بخير .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الالتيما مكينة ومكيف وهدوء فقط .


حساسة جداً



up 3 down 4
راااضي 2520
قبل 8 سنه و 12 شهر



ههههههه ياحليلك انسحبت من اسابيع الحين العيسى ينزل عروض على الارمادا والباثفيندر
وشفت سيارات نيسان عليها شعار العيسى



up 1 down 0
hmada1213 2018
قبل 8 سنه و 12 شهر



اخوي راضي 
يا اخوي ما اتوقع انك تتكلم عن تجربه 
الالتيما مكينه ومكيف والهدوء لك عله 
ومين قالك انها حساسه ؟ 
انا معي التيما 2007 والله كارفها كرف ومحلل امها 
وسواقتي عليها تقول اسوق هايلكس 
وقوه وعمليه وتحمل 
بس العيب انه اذا جاتك مشكله في الجربكس ما تلقى ميكانيكي الا بطلوع الروح 


up 3 down 0
trading 1121
قبل 8 سنه و 12 شهر



hmada1213 
انا شفت الشعار 
العيسى وارد الياباني 
يعني مو الوكيل 
والله معرف بس الحمراني شغال اللحين ما اتوقع سحبت الوكاله لسا


up 3 down 0
trading 1121
قبل 8 سنه و 12 شهر



لا هو صادق  راضي  الالتيما حساسه  وخل تجيها صدمه بوجهيه تعقد  وقير   حقها  حساس نوع cvt  وله زيت خاص وسعره خمسه ميه ريال 

 والقير يسخن عليلك  يادوب تمشي ميه 


up 5 down 2
سكودر 14927
قبل 8 سنه و 12 شهر



ايش مفهومكم للسياره الحساسه ؟؟ 

هي سياره زي ما قالي واحد كهربائي الالتيما سياره صعبه لانها مضغوطه 
يعني المكينه على السير على الكل مضغوط على بعضه واذا احتجت تغير شي يبيلك تفك وتحط 
يعني سياره متعبه 
وقيرها قر التعشيق الا نهائي 

هي سياره متعبه مضغوطه ممكن اما انها حساسه لا 
خذ مطب بقوه امشي في طريق تراب وحجار وغير مستوي 
المكيف شغال طول اليوم وبرودته 100% 
سياره عمليه براي وعن تجربه 


up 5 down 0
trading 1121
قبل 8 سنه و 12 شهر



من يقول إنها حساسه ،،؟؟ يشيخ أنا معي مكسيما وكارفها وماتقول شيء يكفيك حديدها وشاصيه قوي جدا وأيضا ألقير والمكينه وتتحمل وأنا أكل عليها مطبات وادخلها بتراب وماشفت منها شيء !! رجاء لأحد يتكلم إلا من واقع تجربه 


up 3 down 2
max_9ms 2356
قبل 8 سنه و 12 شهر



الحمد لله الحين نيسان  بتصير ممتازه وينتهي زمن التويوتا من وكيلها محمد بن عبداللطيف جميل 


up 2 down 0
هلي-2005 51
قبل 8 سنه و 12 شهر



ماكس اقسم لك بالله اني كنت املك  التيما 2009 فل اوبشن صراحه حساسات وصيانتها معقده اشوي  ولا تقعد تكذبنا  نعم انا مجربها  وخويي معه 2010  القير سخن عليه ومايمشي الى 110 وخط طويل 1000 كيلو وفوق رفاعات مرتفعات تمشي سياره مابين 60 الى 80 وبوسط طريق سريع

 ودسك لا يك مردود  

 


up 1 down 2
سكودر 14927
قبل 8 سنه و 12 شهر



يا عمري سوناتتي هههه قالبها شاص هههههه بس اقوللك لإنها سياحيه يعني ستاندرد قير عادي ومرتفعه من أرفع السيارات اللي ممكن تشوفها

مشكور يا راعي الموضوع
وأنا سمعت هالخبر عن الحمراني عندنا بحايل واحسب انه سكر لأنه خايس قسم بالله قلت حياء هالحمراني
والغريبه يحسب انه وكيل بورش مهو نيسان والصيانه ما تفتح إلا 3 ساعات ومن السبت للإربعاء
ودايم تجي ما تلقى أحد
وموقعهم خايس معاناة عشان تروح لهم



up 0 down 0
ديار حايل 800
قبل 8 سنه و 12 شهر



عقبال متسوبيشي وهوندا مايسحبونها


up 0 down 0
wa7d 11
قبل 8 سنه و 12 شهر



أنا ماكذبتك بس لحد يشغلنا يقول حساسه وخرابات عيبها الوحيد إذا خرب شيء يحتاج تفك أشياء ثانيه وأيضا مب أي أحد يعرف له لكن سالفه أنها خرابات فاللي يقول كذا غلطان وبخصوص ألقير ترا ماترتفع حرارته إلا إذا مشيت سرعه عاليه 180 أو أكثر لمذه ساعه متواصله وهذي ميزه عشان مايخرب معك ألقير وتغيير زيته بـ 500 ريال ترا الـ 500 ريال هذي تدري متى تدفعها ؟؟ كل 60 أو 70 ألف كيلو يعني كل سنتين أو ثلاث مره وبالمقابل تحصل على نعومه وسلاسه واستجابه اسرع للقير 


up 3 down 0
max_9ms 2356
قبل 8 سنه و 12 شهر



ياعيني عليك ياماكس 


سكودر انت تقول الالتيما حساسة خل يجيها صدمة من بالوجهية بتعقد

وردي عليك اللومينا والكابرس حساسة اكثر ولو جتها صدمة من قدام بتدفع اللي وراك وقدامك هههههه

ومتاكد لو سألوا سكودر عن اللومينا والكابرس بيقوم يمدح فيهن مدح مبالغ فيه

طبعا هذا اسمه ازدواجية باعطاء الرأي

وتقول قيرها حساس من نوع cvt ومعظم الشركات اتجهت لهالنوع من القيور لكن هالشركات ماتفهم وانت اللي تفهم خخخخخخخخخ

وتقول زيتها خاص وقيمته خمس مية ريال فاقولك كلامك تقريبا صحيح لكن هالزيت يمشيك ضعف زيت القير العادي ابو كلتشات حسب مواصفاته وبكذا
يوفر عليك الوقت وشغل اليد تدفعه مرة وحدة بدل مرتين خخخخخخ فهذي اشوفها ميزة ادفع ضعف واوفر وقتي ويقعد دبل الوقت اللي يقعد زيت ابو كلتشات
واوفر بجيبي شغل اليد هههههههههه

وبالنسبة لكلامه القير يسخن معاك يادوب تمشي منه فبهذي عزالله بالغت بالحيل القير فيه نظام امان وهذي بنظري ميزة يوم يسخن القير يقلل السرعة الى 110 كيلو كحد ادنى
والقير مايسخن الا وقت الحر زي وقت الظهر بعز الصيف ولا بالليل والاوقات اللي يكون الجو بارد فيها فمايسخن ؛ طبعا هذي الميزة
حسب معرفتي ماتطبقها الا نيسان ؛ فكم قير ضرب بسبب الحرارة فان عن نفسي افضل السيارة التي بها نظام سيفتي ولا بكرة يضرب القير بسبب الحرارة واتبهذل واوضب واخسر دراهم ووقت وتعب

وفي نهاية ردي صحيح القير ياسكودر يسخن لكن انه السيارة تمشي الف كيلو على سرعة 110 فكثر منها متواصلة بدون مايبرد القير !!!







up 3 down 0
ماكسيما 2008 6744
قبل 8 سنه و 12 شهر



والله العظيم اتمنى من الله  ينزل غضب الله ع هلوكلاء اولهم طايوطا 2 نيسان 3: المتحدة 4: هوندا 
أقسم بالله يكرهونك عيشتك وكل هلوكلات يلي ذكرتها حصلت لي مواقف كرهتني السيارات وعالم السيارات 
وصدقوني اذا انسحبت الوكالة وطلع الوكيل الجديد يخاف الله صدقوني  طايوطا و هونداي ليقعدو يرقصون دقني عند الوكالة 


up 3 down 1
أستشاري الحب 6468
قبل 8 سنه و 12 شهر