سحب الوكاله من الحمراني

الالتيما مكينة ومكيف وهدوء فقط .


حساسة جداً

ههههههه ياحليلك انسحبت من اسابيع الحين العيسى ينزل عروض على الارمادا والباثفيندر
وشفت سيارات نيسان عليها شعار العيسى

اخوي راضي 
يا اخوي ما اتوقع انك تتكلم عن تجربه 
الالتيما مكينه ومكيف والهدوء لك عله 
ومين قالك انها حساسه ؟ 
انا معي التيما 2007 والله كارفها كرف ومحلل امها 
وسواقتي عليها تقول اسوق هايلكس 
وقوه وعمليه وتحمل 
بس العيب انه اذا جاتك مشكله في الجربكس ما تلقى ميكانيكي الا بطلوع الروح 

hmada1213 
انا شفت الشعار 
العيسى وارد الياباني 
يعني مو الوكيل 
والله معرف بس الحمراني شغال اللحين ما اتوقع سحبت الوكاله لسا

لا هو صادق  راضي  الالتيما حساسه  وخل تجيها صدمه بوجهيه تعقد  وقير   حقها  حساس نوع cvt  وله زيت خاص وسعره خمسه ميه ريال 

 والقير يسخن عليلك  يادوب تمشي ميه 

ايش مفهومكم للسياره الحساسه ؟؟ 

هي سياره زي ما قالي واحد كهربائي الالتيما سياره صعبه لانها مضغوطه 
يعني المكينه على السير على الكل مضغوط على بعضه واذا احتجت تغير شي يبيلك تفك وتحط 
يعني سياره متعبه 
وقيرها قر التعشيق الا نهائي 

هي سياره متعبه مضغوطه ممكن اما انها حساسه لا 
خذ مطب بقوه امشي في طريق تراب وحجار وغير مستوي 
المكيف شغال طول اليوم وبرودته 100% 
سياره عمليه براي وعن تجربه 

من يقول إنها حساسه ،،؟؟ يشيخ أنا معي مكسيما وكارفها وماتقول شيء يكفيك حديدها وشاصيه قوي جدا وأيضا ألقير والمكينه وتتحمل وأنا أكل عليها مطبات وادخلها بتراب وماشفت منها شيء !! رجاء لأحد يتكلم إلا من واقع تجربه 

الحمد لله الحين نيسان  بتصير ممتازه وينتهي زمن التويوتا من وكيلها محمد بن عبداللطيف جميل 

ماكس اقسم لك بالله اني كنت املك  التيما 2009 فل اوبشن صراحه حساسات وصيانتها معقده اشوي  ولا تقعد تكذبنا  نعم انا مجربها  وخويي معه 2010  القير سخن عليه ومايمشي الى 110 وخط طويل 1000 كيلو وفوق رفاعات مرتفعات تمشي سياره مابين 60 الى 80 وبوسط طريق سريع

 ودسك لا يك مردود  

 

يا عمري سوناتتي هههه قالبها شاص هههههه بس اقوللك لإنها سياحيه يعني ستاندرد قير عادي ومرتفعه من أرفع السيارات اللي ممكن تشوفها

مشكور يا راعي الموضوع
وأنا سمعت هالخبر عن الحمراني عندنا بحايل واحسب انه سكر لأنه خايس قسم بالله قلت حياء هالحمراني
والغريبه يحسب انه وكيل بورش مهو نيسان والصيانه ما تفتح إلا 3 ساعات ومن السبت للإربعاء
ودايم تجي ما تلقى أحد
وموقعهم خايس معاناة عشان تروح لهم

عقبال متسوبيشي وهوندا مايسحبونها

أنا ماكذبتك بس لحد يشغلنا يقول حساسه وخرابات عيبها الوحيد إذا خرب شيء يحتاج تفك أشياء ثانيه وأيضا مب أي أحد يعرف له لكن سالفه أنها خرابات فاللي يقول كذا غلطان وبخصوص ألقير ترا ماترتفع حرارته إلا إذا مشيت سرعه عاليه 180 أو أكثر لمذه ساعه متواصله وهذي ميزه عشان مايخرب معك ألقير وتغيير زيته بـ 500 ريال ترا الـ 500 ريال هذي تدري متى تدفعها ؟؟ كل 60 أو 70 ألف كيلو يعني كل سنتين أو ثلاث مره وبالمقابل تحصل على نعومه وسلاسه واستجابه اسرع للقير 

ياعيني عليك ياماكس 

سكودر انت تقول الالتيما حساسة خل يجيها صدمة من بالوجهية بتعقد

وردي عليك اللومينا والكابرس حساسة اكثر ولو جتها صدمة من قدام بتدفع اللي وراك وقدامك هههههه

ومتاكد لو سألوا سكودر عن اللومينا والكابرس بيقوم يمدح فيهن مدح مبالغ فيه

طبعا هذا اسمه ازدواجية باعطاء الرأي

وتقول قيرها حساس من نوع cvt ومعظم الشركات اتجهت لهالنوع من القيور لكن هالشركات ماتفهم وانت اللي تفهم خخخخخخخخخ

وتقول زيتها خاص وقيمته خمس مية ريال فاقولك كلامك تقريبا صحيح لكن هالزيت يمشيك ضعف زيت القير العادي ابو كلتشات حسب مواصفاته وبكذا
يوفر عليك الوقت وشغل اليد تدفعه مرة وحدة بدل مرتين خخخخخخ فهذي اشوفها ميزة ادفع ضعف واوفر وقتي ويقعد دبل الوقت اللي يقعد زيت ابو كلتشات
واوفر بجيبي شغل اليد هههههههههه

وبالنسبة لكلامه القير يسخن معاك يادوب تمشي منه فبهذي عزالله بالغت بالحيل القير فيه نظام امان وهذي بنظري ميزة يوم يسخن القير يقلل السرعة الى 110 كيلو كحد ادنى
والقير مايسخن الا وقت الحر زي وقت الظهر بعز الصيف ولا بالليل والاوقات اللي يكون الجو بارد فيها فمايسخن ؛ طبعا هذي الميزة
حسب معرفتي ماتطبقها الا نيسان ؛ فكم قير ضرب بسبب الحرارة فان عن نفسي افضل السيارة التي بها نظام سيفتي ولا بكرة يضرب القير بسبب الحرارة واتبهذل واوضب واخسر دراهم ووقت وتعب

وفي نهاية ردي صحيح القير ياسكودر يسخن لكن انه السيارة تمشي الف كيلو على سرعة 110 فكثر منها متواصلة بدون مايبرد القير !!!

والله العظيم اتمنى من الله  ينزل غضب الله ع هلوكلاء اولهم طايوطا 2 نيسان 3: المتحدة 4: هوندا 
أقسم بالله يكرهونك عيشتك وكل هلوكلات يلي ذكرتها حصلت لي مواقف كرهتني السيارات وعالم السيارات 
وصدقوني اذا انسحبت الوكالة وطلع الوكيل الجديد يخاف الله صدقوني  طايوطا و هونداي ليقعدو يرقصون دقني عند الوكالة