ما خاب من استشار - ألتيما 2018

أنا ما جربتها
لكن تأكد من وضع الوكالة والصيانة وقطع الغيار لأنه الوكيل تغير أكثر من مرة وتخاف تتورط معه

العرض هل اجار او كاش

اما بخصوص السيارة

اقتصاديه بنزين ورساوه وقوة مكينه وتكفيك لعشر سنين قدام

تشغيل عن بعد وحساسات وجنوط 17 نص فل

بس حافظ على صيانتها أول باول

اذا مايمديك على الوكاله
في فروع ون ستوب يمديك تزين صيانه عندهم

قطع غيارها تتفاوت

ولكن الواضح الان ان العيسى شال ايده منها وسلمها لبترومين والله يستر من الجاي

بالنسبة لي حتى لو سعرها مغري أفضل المازدا 6 والسوناتا عليها لان قير ال CVT مايناسبني سئ جدا وقد يناسب غيري والناس أذواق

فيه قروب التيما بالتقرام ابحث عنه يفيدونك فيه حول ألفين عضو اظن

شف استأجر موتر قير CVT اكسنت اخر الموديلات مهو بأخر شكل
اذا جاز لك الالتيما موتر مريح و تكييف ثلاجة و مكينة ممتازة
و القطع متوفرة برا الوكالة و الصيانة موتر جديد حتى البواجي نوع ريديوم تمشيك 200 الف بدون تغيير

نصيحه اصبر شهر ونص بينزل الشكل الجديد على شان ما تتحسر على الشكل الي معاك

اغلب العروض علي الون غير مرغوبة
يعني فضي اسود احمر ورمادي ب درجه اقل كل هذي الون مو مرغوبه

1988-1405 صدقني لو يستاجر أكسنت CVT إنه تجيه عقدة نفسية يارجل من القير هههههه ،، خله يستأجر على الاقل سيارة عزمها زين شوي أكورد أو التيما نفسها CVT يمكن يزين له القير

الى الآن من قبل شريت السياره وبعد ما شريتها ما عرفت ليش قير الcvt سيء
حسب كلام البعض. هل هم يشوفون شي ما نشوفه؟
وي صاحب الاستفسار اهم ما تسويه تجاه عالقير هو فقط تحافظ على زيته
واهم نقطه ان له فلترين واحد ورقي والثاني حديدي تغيرهم(الوكاله السباكين لو ما جبت معك هالفلترين ما يعرفون وش هي)
كأي وكاله سباكه عندنا
واستاجر السياره قبل وصدقني كلها ساعه وتنسى القير بكبره قير سلس جدا ما شاء الله

^^^ يمكن يناسبك مايناسب غيرك أنا أملك أوتلاندر CVT ماشي ١٨٠٠ الان والله اني كاره السيارة بكبرها 

^^^ والله ما ادري عن ميتسوبيشي لكن في نيسان اشوفه ممتاز وسلس
خصوصا ان نيسان قديمه في هالقير ومرت بمشاكل كثيره فيه الين وصلو هذا من القير

هذا الجيل من القير*

^^^ هي تقنية وحدة CVT في مستوبيشي او نيسان أو هوندا ،، قير مايعشق الا قد المكينة بتقرح ههههه على العموم زي ماقلت لايحكم على كلامي أو كلامك يجرب ويشوف

انا مجرب السيارة موديل 2014 سياره بمعنى الكلمه وقيرcvti

الان اغلب الشركات تصنع منه منها مازدا وهونداي وتايوتا

^^^^ مازدا مافيه أي سيارة منها cvt وعطني سيارة منها cvt 
وهونداي اتجهت لها في الاكسنت من موديل ١٤ الى ١٧ وفشلت فشل ذريع 
وتويوتا في الكورلا وشكلها بتكنسل نفس الهونداي 
أنا والله ما ودي افرض رأيي على أحد بس ما ناسبني القير هذا

السيارة انا جربتها
سواقتها على خطوط ممتازة
اما داخل الحي وفي زحمة فيها حنةاول ماتدوس بنزين

اذا اغلب سواقتك مشاوير طويلة ممتازة واقتصادية

انصحك تجربها قبل ضروري

^^^^^^