ماذا لو صار وكيل نيسان الوحيد هو بترومين

حياك انا مجرب العيسى وبترومين
يارجال والله بترومين ارجل من العيسى
قطع الغيار رخيصه من تجربه لاني اروح للعيسى اقرب
اسعر وبعدها لبترومين زيت القير العيسى يبيعه برميل
ب٧٠٠ريال!! بترومين ٤لتر ب٢٠٠ريال
فلتر مكينه ٢٥ريال بترومين العيسى كان ب٣٠وقبل اسبوع صار٣٥!!
العيسى اذا بتسعر قطعه بالجوال تدق على الرقم الموحد
ياخذون بياناتك ورقمك ويقولك بنتواصل معك
خلال ٤٨ساعه!!يعني تنقز للفرع اسرع وليتهم يدقون
ماعمرهم دقوا علي الا مره
اما
بترومين على طول يخيرونك اي فرع قطع غيار تبي ويعطونك رقم الموظف

يعني نظام رقم خط ثابت وخرابيط ماعندهم يعطيك مباشره رقم جوال الموظف
بترومين يستقبلون سيارتك بأي وقت والصيانه عندهم فاتحين الى الساعه ٨ تعال متى ماتبي مايصرفونك

واذا صينتها صيانه ثقيله عندهم يدقون عليك يسألون عن السياره في ملاحظات او لا

اما العيسى الساعه٥يقفلون تجيهم الظهر يكرشونك زحمه تعال الصبح ٧!!
من تجربه تفوز بترومين مع اني كنت زعلان ان بنشر يمسك نيسان
بس طلع افضل السيئين
اما فروع بترومين اكسبرس حقين تغيير الزيت ماجربتهم
ولا راح اجربهم زيتهم خايسه وغاليه ون ستوب ارخص واجود

لو يسلمونها عبداللطيف والله ان ترجع لعرشها

في الحقيقة لم توفّق شركة نيسان في اختيار وكل جيد في المملكة العربية السعودية

أفضل وضع كان أيام الجبر مع وجود ملاحظات عليه لكن هو أفضل وكيل

has5san

عبد اللطيف جميل صعب يستلم وكالة نيسان ويبيع نفس الفئات ويضارب على سوق التويوتا

لازم وكيل يستلم نيسان ويفتح صالات ومراكز صيانة ويحصل على دعم فني من نيسان ويوفر قطع الغيار بأسعار مقبولة ويصبر سنين حتى يكسب ثقة المستهلك

الناس اصبحت واعية وتحسبها صح

لوصار وكيل نيسان بترومين بناكلها مره رحت له قلت ابغيت الزيت مع السيفون لنيسان صني 2015 قالي 500 وشوي سلامات لمعلوميه الصني تاخذ 3 علب مع الفلتر الفلتر 15 ريال لوتحسب الاجمالي كله ماتعدا 100 ريال ايش الاستغلال هذا 

ماذا لو صار وكيل نيسان الوحيد هو بترومين؟
سيعم الفرح والسرور وتتفتح الزهور

فيه أمور كثيره بتتغير لنيسان في العالم كله بخصوص مشاكل كارلوس غصن ونيسان والقضاء الياباني
انسحب الغسان من انفينتي

وترك سيارتهم بجبل علي بالامارات والان بتنتقل الوكاله اذا مين غلطان للتوكيلات ونيسان ماعندي علم لكن بيتغير. وضعها

يقال أنه راح تنسحب من العيسى نتيجة مشاكل الورثة وخلافاتهم على المناصب والإدارة، ومشاكل نيسان نفسها مع كارلوس غصن كل يوم طالعة عليه قضية.
الخلاصة نيسان رايحة فيها.

الإشاعات المتداولة حتى الآن تقول أن الناغي راح يستلم المبيعات الحكومية يعني بترومين راح تكون مع الأفراد لوحدها وهذا خبر لوحده مايبشر بخير، دائماً المنافسة في صالح المستخدم وأتوقع راح تسوء خدمة بترومين أكثر مما هي سيئة حالياً نتيجة الضغط اللي راح يصير عليها.

شخصياً كنت أفكر في الماكسيما لكن الآن أفكر بمازدا.

بشكل عام نيسان ما فيها ذيك العيوب المصنعية
يعني طلع خليجي من المعارض يشمله الضمان
غير زيت مكينه عند اوتوستار او بترومين
زيت القير اذا CVT تنتبه له و الباقي سهالات
جودة مكينة و تكييف و قطع الغيار كثيرة المحلات المتخصصة نيسان

العيسى من اول ما مسك النيسان و انا عندي تحفظ له, العيسى ما فلح مع الشفر و الجمس يعني بيفلح مع نيسان.  انا الوالد مرة تهاوش
معاهم فكوا المكينة بدون ما يشاورونه زمان ايام كان وكيل الشفر و الجمس  و الله طلع من عندهم يدعي عليهم .   انا اتفق مع احد الاخوان
في الردود فعلا لما تجي تكلمهم تبي موعد صيانة او تبي تسأل عن قطعة يلطعونك ايام لين يعبرونك او يعطونك وجه.  بينما مقارنتا في 
المؤيد (نيسان البحرين) كل اللي تبيه في مكالمة واحدة.  
الجبر كان افضل وكيل لنيسان و عن تجربة قبل لا يروح لكيا في 2010.  انا الباث اللي معي مشتراها من الجبر عام 2003  و كل
الصيانات عنده لين 2010 قبل ما يودع نيسان رسميا و ياخذ وكالة كيا و عقبها جا حبيبنا الحمراني و فتح معارض و صيانة في الشرقية
واستمر بالصيانة لين العام الماضي و قفل نهائي كانت عنده قضية و ما نجحت. 

يارجال الله يخلي الصناعية القديمة فيها جميع القطع وارخص من الوكلاء والورش شغل يدها رخيص جالسين مافي شغل الضمان ٦٠٠٠٠ وليتهم يلتزمون فيه وشوله حرق الاعصاب معهم