أضف سؤال أو موضوع جديد          

كراسي مساعدات

up 2 down 0
aboahmed2014 994
قبل 6 شهر



السلام عليكم ورحمة الله وبركاته


كلنا نعاني من حفر ومطبات الشوارع وخاصة اللي ساكنين بالرياض

ومايمديك تغير قطعه الا وشهرين وضربت من قوة الحفر
مع ان امشي بشويش وأحن على السياره ولكن الله كريم

من فترة اسمع لي طقطقه مع المطبات او الحفر من الجهة الأمامية

ومريت حق الزيت (ون ستوب) تبع نيسان غير لي الزيت والسيفون

وقال لي أن كراسي المساعدات ودعت عندك




قلت والمساعد قال ماله شغل اموره تمام بس الكرسي

علماً اني غيرت كراسي مكينه فوق وتحت وامورها تمام

وفعلاً رحت سعرت قيمة كرسي المساعد ولقيت الاصلي 110ريال
وفي نوعية ماليزية ب 50 ريال


وانا طبعي امر اكثر من ورشه اسعر قيمة التركيب

واشوف ان الفلبينين هم الافضل بالصيانه بس خذ بالك

لازم توقف على راسه
لان كذا مره يحاول يخرب شئ وهو يصلح عشان
يطلبك تغيره وبقيمه شغل يد خرافيه فانتبهوا منهم

المهم السعر المتفق عليه 150 ريال

والمخرطه 40 ريال علشان تركيب الياي


ابي استشيركم

هل يوجـد صناعه طيبة بعد الوكالة تنفع لان لقيت نوع ماليزي ب 55 ريال



خوفي اركب اصلي وسنه بالكثير وتضرب

لان معروف نيسان القطعه اصلي حدها سنه من واقع تجربة عشر سنين

وابي صناعه حلوه وفي نفس الوقت تمشي الحال











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام 

بالنسبة للكراسي مافي زي الوكالة وعن تجربة كان عندي صوت مزعج ورحت تسعرت ولقيت الكرسي الواحد ب ١١٠  وشفته غالي واخذت تايلندي ب ٥٠ للحبة ومدحولي فيه ،،،،جلست ولا شهرين الى ثلاث اشهر الا وهندي صوت مزعج واكتشفت ان جلد الكرسي تقطعت والله ستر علي ماسببت لي مشكلة لان راس المساعد يتحرك بالكامل ويضرب فالبدي رجعت اخذت وكالة بدالها والحمد لله تكرف كرف  ولا اشتكيت منها الى الان ،،،،... 




up 2 down 0



ماشاء الله يابو حسين ليه اللي عندي ماتكمل سنه
حتى جلد مقصات ودعت ومايمدي تغير جلد لازم تغير المقص كامل حول 300 ريال الواحـد




up 0 down 0
aboahmed2014 994
قبل 6 شهر



اذا باقي م غيرت لا تاخد مطب وانت مسرع لان المساعد رح يخرج من مكانه وتخش في متاهات ثانيه


up 1 down 1
ryyan555 700
قبل 6 شهر



لا تاخذ ماليزي ابدا. خذ اصلي افضل لك مية مرة لا اصوات و لا مشاكل.
و اذا تبغى ارخص خذ ياباني. لكن لا تاخذ لا صيني و لا تايوان و لا ماليزي.


up 1 down 0
amer ahmed 478
قبل 6 شهر



الله يسعدكم

بشوف خيار اليابني بعد الاصلي اذا في فرق سعر ونفس الجوده توكلت على الله

ولكل لايك


up 1 down 0
aboahmed2014 994
قبل 6 شهر



غير اصلي ولو تغير المساعدات اذا كانت نص عمر يكون افضل

لانه لازم يفك الياي ودامك فكيته غير مساعدات kyb ممتازه

العمر الافتراضي بنظري 100 الى 150 بالالتيما للعضلات

بعدها الفين ريال ترجع العضلات جديده


up 2 down 0
abdullah.ags 390
قبل 6 شهر



عبدالله عزيزي



المشكله بقطع الغيارتبع نيسان
كل ماسألت عن مساعدات kyb

يقول ماعندنا او مانعرفها ( يصرفوون)

اذا تعرف لي حد بالرياض يبيعها اكون لك من الشاكرين




up 0 down 0
aboahmed2014 994
قبل 6 شهر



موجود في الصناعية القديمه مقابل مركز السبت للمساعدات الوصف مع طريق الخرج شمال بعد اشارة شارع العنوز خلك على اليمين لا ترق مع الكبري
يجيك اشارة مع الاشارة اول لفة يمين
يجيك بوجهك مركز السبت لمساعدات السيارات (مساعدات جبريال)
قبل حرف التي يجيك على اليسار kyb


up 1 down 0
temo2016 -23
قبل 6 شهر



تيمو

الله يسعدك دنيا واخره




up 0 down 0
aboahmed2014 994
قبل 6 شهر