أضف سؤال أو موضوع جديد          

استفسار عن سعر

up 6 down 2
raro990 3
قبل 4 شهر و 4 أسبوع



السلام عليكم ورحمة الله وبركاته
أرجو الحذف







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


معي وحده 2015 من اشتريتها ماغيرت فيها الى زيوت وكفرات فقط ماشاءالله ماشيه الان حدود 150 الف البواجي سعرها صراحه مبالغ فيه مقارنه بمنافسيها البوجي الواحد سعره حدود 50 ريال او 70 لى انه يقول حق قطع الغيار بواجيها ليزر الى يجي راسه كنه دبوس  فلتر المكينه سعره 90 ريال اضاهر تاهذ 3 علب زيت مع الفلتر والفلتر سعره 15 ريال  المكيف ثلاجه ماشاءالله معروف مكيف الصني الكمبرسر حقه نضام كلتش فى الخط معروف السيارات الصغيره متعبه فى السفر سافرت عليها من الرياض الى الطايف ورحت عليها الدمام  الى سرعه 140 حلوه  بس تسرع عليها يلعب فيها الهوا وعزل الهوا صراحه موذاك الزود  صرفيه البنزين اعبيها فل 50 ريال تدخلني الدمام وفيها الربع الموتر خدوم وقطعه رخيصه ومتوفره وسعره مقارنه بمنافسينه ممتاز ولايتهربد والله اني اطلع فيه حتا البر ماشاءالله مافيه صوت قربعه ولاشي  


up 8 down 0
fhody44 577
قبل 4 شهر و 4 أسبوع



وعليكم السلام ورحمة الله وبركاته ...
خيار موفق في شرائك للصني
انا استخدمت وحده موديل 2016 نصف فل مواصفاتها في هذاك الوقت بدون حساسات وبدون تراكشن ولكن فيها ABS
استخدمتها الان سنتين الا شهرين مشيت فيها 82000 سيارة والله ماتندمت اني دفعت فيها ريال واحد
اولا اقتصاديه والسيارة الاقتصادية لاتتوقع منها اداء رياضي ولكن ماشاء الله نشيطه والله احيانا اقومها من عند الاشارة اذا كنت مستعجل
انها تفحط في القومه محركها 99 حصان تاخذ 3 علب زيت مع السيفون 10W30 بترومين كل 5000 كيلو
غيرت لها فحمات فرامل قبل اسبوعين اصلي وكاله ب180 ريال رغم ان فحماتها الأوله فيها فوق النصف ولكن صارت ترج مع الفرامل
لأن اكتشفت ان الفحمات نفسها متشطبه شكلي دخلت في مويه وهي حاره مرة
مراتبها غير مريحه وضيقه اذا وزنك عالي راح تكسر ظهرك انا صرت استخدم مخده طبيه علشان اقدر اجلس بس وزني عالي
السيارة متماسكه جدا مافيها اصوات مافيها قربعه وصبوره اول ماتاخذها راح تحس انك راكب وانيت بس تناقزوهذا طبيعي في كل السيارات مع الوقت تلين مساعداتها
شغلتها في كريم سنه ونصف كرفتها كرف رهيب
سافرت فيها مكة اكثر من 5 مرات مسافة 700 كيلو رايح ومثلها جاي ماشكيت منها ثابته في الخط وعزلها الارضي افضل من الاكسنت و سيارات هايونداي وكيا لنفس فئتها
مكيفها ثلاااااااااااااااااجه ودفعه قوي جدااااااااااااااااا
قيرها توماتيك تقليدي 4 سرعات وليس CVT العله على السيارات الصغيره
فيها سماعتين اماميه فقط مع وجود مكان للسماعات الخلفيه وركبت لها
فيها بلوتوث و CD و اف ام و AM ومدخل USB ومدخل AUX
فيها شاشة معلومات TRIP A و TRIP B ومعدل استهلاك الوقود وكم يمشيك ودعستك الحاليه كم تستهلك
كل شي فيها مقبول غيرت لها كفرات اندنوسي مقاس 185.70.14 قبل اسبوعين تقريبا الكفر بسعر 110 ريال بس
ماقد طلبت شي رقم اني اشوف ممشاي اليومي كثير من 200 إلى 250 كيلو
كنت متخوف منها في البدايه ان عزمها ضعيف وراح توقف علي في الطلعات وغيره ولكن انا ساكن في الجنوب ابها وكلها طلعات والجميع عارف والله والأهل معي ماعمرها وقفت في طلعه ماشاء الله
السيارة ميزتها وسيعه من الخلف اطول من منافساتها يركبون معي ناس كبار بالغين في الخلف ومتبحبحين على الآخر
الزجاج الخلفي عايدي هندل
السيارة ناشفه من جوه مافيها ادراج ولا مركى لازم تركب لها واحد سعره 160 مع الشحن وممتاز جدا يعرضونه هنا في حراج
يجي معاها 2 مفاتيح بريموتاتها فتح واغلاق وشنطه وبوري
تعبت وانا اكتب هههههههههههههههههههههههه
في الاخير اذا نويت على وحده واسأل الله ان يعطيك خيرها ويكفيك شرها استاجر وحده بس تكون جديده ونظيفه علشان تقدر تحكم عليها وجربها بنفسك
مغطها روح خلص مشاويرك عليها ركب عيالك معاك والله يدلك لما فيه الخير .. بالتوفيق ,,,
اذا عندك اي استفسار زود او كنت في الجنوب وودك تجربها راسلني على الخاص وشكرا ...



up 17 down 1
الـقـنـاص 1214
قبل 4 شهر و 4 أسبوع



مدري الف كيلو بتتعب بعد فترة من قل الرساوه و المراتب
و العزل و العزم مطلوب للتجاوز شي مهم بالسفريات حتى لو منت براعي سرعه

اقل سيارة تصلح للسفر ممكن اللي مكاينها 1.6 يكون فيها حيل شوي
و الافضل مكاين 2.0 و 2.4
فانصحك تشوف سيارة اكبر مالك الا المستعمل
او تزود فلوسك اذا تقدر تشوف اختها السنترا او النترا ب٥٠ الف


up 2 down 8
1405-1985 1094
قبل 4 شهر و 4 أسبوع



اذا كل شهرتمسك خط 1000 كيلو يبي لك اجل تغير الزيت بدل مثلا كل 5000 كيلو, تصير تغير الزيت كل 3000 كيلو
وشهريا 1000 كيلو خط راح يتعب السياره اكيد فبدل ماتغير البواجي مثلا كل 70 الف, راح تغيرها على 50 الف وحولها
وبعض القطع الاستهلاكيه ايضا


up 4 down 2
zxcv__122 29
قبل 4 شهر و 4 أسبوع



عندي صني ٢٠١٤ استاندر ما شاء الله ما تطلبك شي غير تغير زيوت 
مكيفها ما شاء الله
قطع غيار غالية شوي مقارنه ب فئتها اكسنت و يارس 
اا رساوة صراحة سيئة اذا عديت سرعه فوق ١٢٠ 
وعزل اذا سرعه عزل سئ 
وصوت مكينة على جدا لان حجم مكينة ١،٥ لما تمشي ١٢٠ تسمع مكينة جنبك 
بنزين اقتصادية جدا جدا ما شاء الله 
ديكور داخلي للستاندر غير لايق نوع ما 
سيارة داخل بلد احسن من ممتاز اما خطوط طويلة بتتعبك شي الا اذا بالك وسيع ف امورك طيبة
اذا نويت تشتري صني خذ فئة فل كامل يجي شكل موتر حلو وكذلك داخلية افضل من استاندر 
اسف على اطاله والله يوفقك


up 3 down 0
abu asiil 63
قبل 4 شهر و 4 أسبوع



Zxcv__122
عطيتك ديس لايك بالغلط عذراً ومارضى يتغير 
ف عوضتك بواحد من مواضيك


up 1 down 3
m7md 33 882
قبل 4 شهر و 4 أسبوع



انا غلطت وشريت صني 2011
لاكن الحمدلله ع كل حال
لاتتورط مثلي..... تطلع مشاكل الحراره
بعد فتره من الاستخدام...


up 0 down 5
نوار الوذيناني 615
قبل 4 شهر و 4 أسبوع





ماعليها خوف

اخوي معاه وحده يمسك فيها خط الرياض الباحه شبه شهرياً

مع انه عنده غيرها بس مرتاح فيها

وانا عندي اكسنت اروح فيها الدوام وارجع البيت ظهري متسكر
اضافه الى عزل الهواء 0/10
صوت الشارع الله وكيلك كني فاتح القزاز
مكيف ابو كلبين
بنزين زباله من قال اقتصاديه يضحك عليك


الصني حلوه وقويه ويكفي صناعتها
واقتصاديه ووسيعه
يعيبها شكلها بس لايهمك

موتر يكد معك عشر سنوات قدام ولايطلب



النيسان جودته تشتري جديد يكد معك
بس مستعمل ما انصح فيه لو ماشي 2000 كيلو اشرررررد


up 4 down 0
aboahmed2014 890
قبل 4 شهر و 4 أسبوع



معي وحده بالدوام حقت صاحبي اخذتها سافرت فيها لينبع وجيت ماشاء الله ممتازه المكيف بارد كل شوي اطفيه بالخط
اقتصاديه بنزين

مشكلتها قطع غيار شوي غاليه ويخرب فيها الكمبروسر والثلاجه بس مع المحافظه ما اتوقع تزيد الخرابات

توكل على الله شوف عندنا بالشركة مليانه نيسان صني وماشيه


up 1 down 1
الملكيه 51
قبل 4 شهر و 4 أسبوع



ما انصحك معي 2010 ارهقتني بالحرارة وصرف الوقود



up 0 down 2
محمد اليسع -3
قبل 4 شهر و 2 أسبوع



أشكركم جميعاً أعزائي على اهتمامكم
وبالذات أخي القناص وأخي fhody44 ماقصرتوا والله
والشكر لكم جميعاً بلا استثناء
جزاكم الله خير الجزاء في الدنيا والآخرة 
إن شاء الله قررت أشتري الصني 
وفقكم الله أعزائي 


up 2 down 0
raro990 3
قبل 4 شهر و 2 أسبوع