أضف سؤال أو موضوع جديد          

احذركم من التعامل مع ابونوااف

up 23 down 4
sloor_07 126
قبل 2 سنه و 11 شهر



احذركم من الشريطي محمود او ما يدعى ابو نواف
وعلاناته كلها ((رشوش بدون حوادث))

هذا الادمي اشتريت منه سياره من نوع مكسيما 2010
ماشيه 105 الاف

القصه بدأت قبل اربعه اشهر
كنت ادور على سياره من نوع مكسيما
وشفت مكسيما موديل 2010 ماشيه 105
كلمته اتفقنا وتقابلنا
كيف السياره ايش فيها مافيها؟
قلي السياره مخزنه وشوفت عينك نظيفه وبودي رشوش بدون حوادث
قلتلته بفحص وبشوف
جربت السياره قلتله بروح افحصها في المعارض

قالي لا عندي عزا ومقدر ومن الحجج هذي قلتله اوك نتقابل بكرا
قالي لا الان في واحد هنا قريب يمدحونه قلتله يا خوي ابغى افحص عند واحد اعرفه قالي مستعجل وعزا ومن هلحجج
المهم رحنا عند الفحص قالي السياره نظيفه بس يبغالها رمانات قلتله بسيطه
(هنا غلطة العمر)

المهم تمت عمليه البيع

وبعد الشراء بيومين ثلاثه كنت مع الاهل واشوف امبير الحراره مرتفع لين فوق قفلت السياره وفتحت الكبوت اشيك اشيك واشوف تهريب زيت مكينه من صدر المكينه واشيك اشيك شفت تهريب زيت دركسون اشيك لقيت زيت القير ناقص شبه فاضي انا هنا خلاص حسيت اني تم نصبي بنجاح خليت الاهل يروحون البيت تكسي جبت سطحه وحملتها على الصناعيه حسبي الله كل واحد يفتي من راسه اللي يقول حساس حراره ولي يقول رديتر المهم غيرت كل منظومة التبريد كل شي تتوقعونه من حساسات بلف حراره رديترات والمشكله نفسها هيا هيا رجعت تهاوشت معا الورش كلهم ولا طلعت بنتيجه وطلع عندي طرمبة المويه فيها مشكله غيرتها وكلفت لان داخل الصدر

الحين اقلكم وش قصة السياره هذي وايش ماضيها

هذي السياره مكينتها صلبت على عداد 105 الاف
وكان صاحب السياره حاطها للبيع بمبلغ 10 الاف بنفس لوحات السياره

وجا الشريطي ابونوااف او محمود اشتراها منه
وقام غير مكينتها من التشليح بوحده ماشيه 180 الاف
وقام عارضه للبيع على انها سياره مخزنه ماشيه 105 الاف
وانا كنت الضحيه في السياره من الشريطي

وبعد ما عرفت الفيلم كامل
كلمت الشريطي وحظرني

طفشت من السياره وبعتها بخساره لاني ذكرت للزبون الفيلم

وخسارتي 15 الف قطع تصليح ومرمرط وورش


وبعت السياره بخساره بنص قيمتها

وعندي صور السياره وهي مصلبه
وعندي تقرير عن عدد حوادث السياره وهي 9 حوادث

المدة 4 شهور شفت فيها شيب الراس وتعب وخساير

والله على ما اقول شهيد

والان عارض جمس اكاديا 2012
رقم الاعلان: 39422369
اسم العضويه : ابونوااف..

احذركم...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ناس بلا ذمه
الله ينتقم منه وان شاء الله يتعذب بحياته من الامراض وبوظيفته


up 0 down 0
splinter cell 215
قبل 2 سنه و 11 شهر



وين بيروح من ربي


up 0 down 0
ali alshehri90 9
قبل 2 سنه و 11 شهر