طاح باب البايكة وكسر القزاز وتأثر بدي السيارة ـ من المسؤول
7
0
إضغط هنا للإخفاء
بسم الله الرحمن الرحيم
السلام عليكم ورحمة الله وبركاته
زملاء المنتدى الكرام عساكم بخير
ومبارك علينا وعليكم الأمطار والخير عسى الله ينفع بها المسلمين
صارت معي مشكلة وحبيت استشيركم بوضع السيارة وحقوقي عند المتسبب بخسارتي
يوم السبت 2 ربيع الاول 1440 مع صلاة العصر جانا هواء قوي وكانت السيارة واقفة تحت المظلة
وقدامها باب رول كهرب من شركة الموسى ، انفك الباب مع الهواء وطاح على السيارة
وقبل يطيح بالكامل كان يهتز ويضرب بكبوت السيارة والقزازة حتى طاح عليها كله .
انا الآن بمشكلتين
الاولى سيارتي :
الثانية الباب الرول : اللي توه من طلع من الضمان الشامل سنتين وباقي 10 سنين صيانة دون قطع
تواصلت مع شركة الموسى وتأملت يقدرون وضعي ويركبون باب على حسابهم لأن السبب بسقوط الباب
ضعف وسوء التركيب ( مثبتين 3 مسامير لكل تيوب عمودي ) وهو اللي فيه مجرى الباب مع الجوانب
وكان المفروض يركبون على الأقل 5 مسامير لكل تيوب حسب كلام فني شركة ابواب ثانية
ولأني ساكن بقرية والاستراحة اللي فيها الباب بعيدة عن المساكن ولا فيه بيوت قدامها تخفف الهواء
الحاصل
رفضت شركة الموسى التركيب واعتبار الخطأ منهم ( رغم ان جنبي استراحة لها باب رول شركة ثانية
ما طاح ولا تأثر )
وقالوا بما ان المكينة عندك سليمة نركيب لك رول لحاله بنصف قيمة الباب كامل ( 1100 )
لأن الباب جديد بـ 2100 ريال .
أنا هنا مغبون بسبب سيارتي اللي تكسر قزازها الأمامي وجاها ضربات قوية في جوانب الغمارة
وقطعها نادر وغالي
ولما رحت اركب قزاز تجاري ( شايلها على سطحة للزلفي ولا لقيت قزاز عندهم ورحت فيها للمجمعة )
وطلعت لنا مشكلة بالتركيب لأن زاوية الغمارة جنب السائق تغير وزنها مع قوة الضربة دخلت وانحنت
وماقدرنا نركب القزازة ، وديتها السمكري وقال شغلها صعب ولا اقدر اعدلها شغل وكالة
ومؤكد حتى لو ركبت قزاز وكالة بيطلع تنسيم الهواء لأني جوانب الغمارة هذي صعبة ومؤثرة
ويعلم الله ان خسارتي بالسيارة اكبر من خسارة الباب
ومهما صلحت فيها لا يمكن ترجع نفس وكالتها وهي قبل طيحة الباب عليها .. بدي وكالة وعلى يدي مافيها مخش واحد .
شوركم يأخوان
هل أرفع عليهم شكوى بالمحكمة وممكن تنفعني ؟
وزارة التجارة كلمتهم ورفعت شكوى ولا نفعت
مسوين مصلحين ويحاولون يحلونها ودي بيني وبين الموسى وانا كنت متصور انهم يجبرونهم
على تركيب الباب
علماً إني قلت لشركة الموسى انتم ركبو باب الرول والسيارة انا اتحملها ورفضوا نهائي
وكلمت الإدارة بالأحساء وطلبت تركيب الباب وينتهي الأمر بيننا لكن رد سعودي وقال مالك عندنا شيء
واذا تبي تشتكي رح للمحكمة .
طبعاً جبت شركة ثانية غير الموسى لتركيب باب رول جديد ودفعت القيمة وجالس أنتظر موعد التركيب.
طولت عليكم والمعذرة حاولت اشرح وأبين التفاصيل
والله يسهل أمرنا وامركم .
إبلاغ
سيارات للبيع
الردود
اشكيهم رب العالمين وان ماخذيت حقك في الدنيا عند رب العالمين موجود . معوض خير ان شاء الله. طيب ما عندك وكالة العيسى يمكن تحصل
لها قطع. و السمكرة شفلك ورشة مضمونة و بإذن الله تظبط معك. قل ان شاء الله
1
1
6
0
اقترح توجه للدفاع المدني لن فيه تعويضات حسب ماسمعنا
بااسباب سوء الااحوال الجوية
2
0
0
0
1
0
الأخ saadsmb
مافيه زعل ولا عتب
مجرد دخولك وكتابة رد بوجهة نظرك شيء تشكر عليه
كل شيء بالدنيا قضاء وقدر
لكن فيه أسباب ، وأنا ذكرت ان الخلل من تركيب الباب وتوفير 4 ريال قيمة 4 مسامير كانت تشكل فرق كبير وأهمية
لتدعيم مجرى الرولة وتثبيت التيوب اللي انخلع وبسببه انطلق كل الباب
بارك الله فيك
الأخ بدر الباثفايندري
هذي سيارتي الوحيدة وصعب اجلس متعطل أسبوع بدون سيارة حتى اروح للوكالة بأقرب فرع بالقصيم
وحسب ماعرفت ان سعر القزاز عندهم فوق 2000 ريال غير التركيب
الحمد لله على كل حال
شكراً لردك واهتمامك
الأخ speedcar999
ليت يمدي على طلب تقرير من الدفاع المدني والموضوع صار له أسبوع
شكراً لك وما قصرت
الأخ باترول 2020
انت ثاني مقترح لطلب تقرير الدفاع المدني وحقيقة ماخطر في بالي
لكني ما انتظر العوض من الحكومة باعتبار الأمر ضمن الكوارث
المشكلة كلها بسبب سوء تركيب شركة الموسى للباب واستهتارهم وبخلهم علشان كم ريال
وانا غرضي هم يتحملون المسؤولية ويدفعون قيمة الأضرار
وسبحان الله شركة تملك مئات الملايين تبخل على سمعتها وتقبل الظلم للعميل وكل التكلفة عليهم
ماتتجاوز 500 ريال لتركيب رول جديد لأن الرول من مصنعهم ولا يكلف عليهم كثيهم ( هم طلبوا 1100 لتركيب الرول فقط )
وتقديري للخسارة عليهم بــ 500 كسعر تكلفة فعلية بدون المكسب من الزبون
يحسون بقوة الخسارة عليهم ولا يهتمون بخسارة العميل لآلاف الريالات قيمة باب جديد وتصليح سيارة لا يمكن ترجع لوضعها السابق
شاكر لك الاهتمام
الأخ الجوابر1
يظهر لي من كلامكم ان الدفاع المدني له علاقة بمثل هذا الحادث
بإذن الله أجرب أكلمهم بكرة وأسالهم عن الوضع وهل ممكن حضورهم وتقديم تقرير بما حصل
والمحكمة أبرفع لهم شكوى مع إرفاق الصور
إن قبلوها ومشت الإجراءات فالحمد لله ، حتى لو ماحصلت تعويض
المهم عندي ان شركة الموسى تجبر على ارسال مندوب يحضر للمحكمة
ابهذلهم علشان يعرفون حق الناس واهمية الاهتمام بشغلهم وابراء ذمتهم الناقصة
شكرا لك
وشكراً لكم جميع
وعذرا منكم حاولت اعطي الجميع لايك
لكن الموقع يرفض وتطلع عبارة : لا يمكن التقييم بشكل ايجابي 7 مرات متتالية !!
2
0
و روح للدفاع المدني وخذ افادة منهم ثم روح للمحكمة واشتكي على الموسى لان تركيبهم مو مطابق للسلامة ويوجد خطا منهم
وان شاءالله تاخذ حقك
2
0
فلك حق المطالبة لأنه لم يتم بذل العناية الأزمة لتفادي الأمور أو الأحداث الطبيعية
0
0
الشي الثاني بالنسبه للقزاز انصحك تاخذها من التشليح.. او تاخذلك فره بشارع الخبيب عند محلات القزاز ومن ضمنهم السالم اذكر عنده 3 صناعات فلنندي وصيني ووطني.. الصيني اللي عنده ماركه XYG ضمان سنتين وتعتبر نوعيه ممتازة طبق الاصل من الاصلي وتجيك 3 طبقات واشوف العالم تركبها على الدداسن والهيلوكسات والجيوب ولا احد اشتكى منها
ولكن انتبه لشي واحد عند شرائك للقزاز الامامي لايكون لونه اخضر انححش ترى اذا ركبته ماتشوف زين ( كأن على القزاز طبقه غبار حتى لو كانت نظيفة ) وهذا للاسف تلقاه بالصناعه الوطنيه والصيني كله باستثناء شركه XYG تجيك بيضاء شبه شفافة او على ازرق خفيف هي والفللندي والرؤيه فيها صافيه 100%
1
0
0
0
صدقني اذا تعتبر الحالة ضمن الكوارث الطبيعية ابطلب العوض من الله
ولا تقبل نفسي اروح المحافظة اطالب بتعويض
اذا ماكانت شركة الموسى هي المتسبب بسقوط الباب لاهمالهم وسوء التركيب
فلا يمكن اطلب تعويض من غيرهم
ولولا يقيني انهم السبب مابحثت ولا رفعت للتجارة
يأخوان بعد ما لفيت بالحي لقيت اكثر من باب للموسى طايح
وغيرهم من الشركات الثانية ماجاها شيء !!
شكرا لك
الأخ bander03
حاولت طلب تقرير من الشركة اللي جت اول مرة
والشركة الثانية اللي شريت منها الباب
لكن الجميع رفض وقالوا مالنا علاقة ولا نرغب بالمشاكل مع أحد أو نكون بموضع لجنة محايدة
باقي موضوع الدفاع المدني
أمرهم بكرة بإذن الله
اذا عطوني تقرير وديته للمحكمة
واذا رفضوا رضيب بالنصيب
بارك الله فيك
الأخ هيرو
نعم شركة الموسى عارفين موقع الاستراحة وهم فنين مختصين
مفروض يفهمون وضع المكان ويحرصون اكثر على تدعيم مجرى الرولة
علما ان غيرهم من الشركات يركبون 4 او 5 مسامير حتى لو المكان محجوب بالمنازل
ولا عليه خوف من زيادة ضغط الهواء
شكرا لاهتمامك
الأخ ابو هيثم 7
ما شاء الله عليك عندك خبرة بالقزاز
فعلاً قبل اروح اركب سويت بحث ولقيت شركه XYG هي الأفضل حسب المتوفر
المجمعة مافيها الا محل واحد والاختيارات محدودة
وسيارتي ماتمشي ومحملها بسطحة وخسرت قيمة توصيلها اكثر من قيمة القزازة ولا يمكن اروح للقصيم او الرياض
اما الباب فشركة ( بابك اللي شريت منهم الباب الجديد ) سمعتها طيبة وراعيها سعودي من المجمعة كلمته بنفسي وشرحت اللي حصل معي
وطلبت منه يشدد على الفنيين وقت التركيب لاختيار افضل التيوبات واقواها مع التدعيم بــ 6 مسامير لكل تيوب بدلا من 3 اللي ركبوها الموسى
بارك الله فيك
الأخ 0abo_waleed0
والله اني احترت اذا هي مسؤولة او لا !
مع اني مقتنع ان كل المصيبة سببها ضعف تركيب الباب من شركة الموسى
ابشوف رد الدفاع المدني وهم المقرر النهائي للموضوع
اذا عطوني تقرير كملت الاجراءات
ولو ماعطوني قفلت الموضوع
وشركة الموسى حسابها عند رب العالمين
لا بد يجي يوم وتخسرسمعتها وزباينها من سوء تعاملها وقلة حرصها والتزامها بمقاييس الأمن والسلامة عند التركيب
وغلاء اسعارها غير المبرر
شكرا لك
0
0
0
0
وصراحه انها تحز بالقلب
لكن الشكوى لله
اذا ماعطوك حقك احتسب عند الله
0
1
والموسى استغلو فرصه ان ضمانهم انتهى اخذوها على راسك حج وحاجه زي مايقولون
عشان لو رحت لمين ماكان مالك شيء بس الدفاع المدني اشوفه حل مناسب
وعالاقل يشوف موضوع الباب ويساعدك بالتقارير هذا اذا جاك واحد
فاهم وخلوق وساعدك
0
0
قبل 5 سنه و 5 شهر