أضف سؤال أو موضوع جديد          

الي يلف بدون اشاره

up 16 down 2
المتوكل 777 461
قبل سنه و 9 شهر



السلام عليكم ورحمه الله وبركاته 

مساكم الله بالخير 

ياشباب بعض الناس يعتقد اذا دق اشاره انه مو سواق أو تنقص من رجولته 

مدري وش يحسون فيه يلف كينه شارع ابوه 

المهم ياشباب عندي سؤؤؤال 

الحين أنا مركب كاميرا داش كام تصوير اثناء القياده لو قدر الله صدمت واحد لف بدون اشاره 

كيف حتكون نسبه الحادث عليه أو علي مع الدليل بتصوير الفديو 

والله يكفينا شر صغار العقول 

ويعطيكم العافيه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته
إشارة الانعطاف من حق الآخر وعدم استعمالها يعد مخالفة يعاقب عليها القانون
لكن آلية احتساب نسب الخطأ في الحوادث، اللهم ابعدها عن كل المسلمين
تختلف باختلاف المقيم للحادث.. فهناك قناعات شخصية تتدخل بالتقييم
من المهم جدا ترك مسافة أمان كافية.
فكرة الكاميرا مفيدة جدا لحفظ الحقوق.

نسأل الله لنا ولكم السلامة


up 3 down 0
ibh.x976 763
قبل سنه و 9 شهر



للأسف الشديد نادراً مايستخدم السائقون الإشاره مع أنَّ عدم إستخدامها يعتبر مخالفه !

ياما عانينا من بعض السائقين في التقاطعات تنتظره يمر من أمامك فإذا به ينعطف من جانبك

طيب يا أخي دق إشاره من بدري نعرف إنك بتلف وكان مشينا من بدري !!



up 3 down 0
jakwar2004 417
قبل سنه و 9 شهر



يرتفع لك الضغط اذا وقفت في يوتيرن تنتظره يمشي 
واذا وصل عندك لقط اللفه 
وبعده تجيك السيارات وتجلس محلك 


up 4 down 0
hussain4 851
قبل سنه و 9 شهر



وعليكم السلام ورحمة الله 

الاشارة هذي اعاني منها شخصيا واكيد الناس كذلك ،

وخاصة اذا بتدخل دوار تنتظر الشخص ماتدري فين يروح باي اتجاه وفالاخير يروح للوجهة اللي انت تروح لها وتكون انتظرت ع الفاضي 

وبرضو عند الفتحات ماتدري هل راح ياخذ الفتحة او بيكمل سيدة 

الاشارة هذي لغة تخاطب بين السواقين المفروض مانتجاهلها ،،،، مايتعاملون بالاشارات الا اذا في ساهر او مطبات او امطار 


up 4 down 0
ابو حسين.......... 1024
قبل سنه و 9 شهر



لا ما عليك انا استخدم الاشارة و اللي مو عاجبه ينطح راسه في اقرب جدار و اللي يقول غشيم اقول والله ما غشيم الا انت

في امريكا لو لفيت بدون اشارة و شافتك دورية يلبقك على جنب و تاخذ احلى مخالفة.

الاشارات جدا مهمة يا شباب ادا ليه حطوها بالسيارات ؟؟؟؟؟؟


up 1 down 0
بدر الباثفايندري 1098
قبل سنه و 9 شهر



هذه مخالفة شائعة تحصله اماك وفجأة يلف يمين يسار او يدخل في موقف قدام البقالة وكأنه في الصحراء !!طيب دق إشارة اتصرف وأبعد عنك!!


up 1 down 0
أبوياسر74 277
قبل سنه و 9 شهر



أمامك - للتصحيح


up 0 down 0
أبوياسر74 277
قبل سنه و 9 شهر



لا احد يتصنع المثالية كلكم تدرون ليش ما احد يدق اشارة لانه اذا دق اشاره

يعتبرونه الناس كورة في ملعب صابوني كل واحد ينبرش عليها عشان ما تروح

الكورة ونفس الشي من اول ما تدق اشاره للي وراك حتى لو كان بعيد تلقاه يدعس

عشان ما تجي قدامه انا اتكلم عن الدايري بس اليوتيرن لا مهم تريح الناس وتريح

نفسك والدوارات عاد شي ثاني ازمه مافيها حل


up 5 down 6
yasserg16 812
قبل سنه و 9 شهر



والله انا احاول دائما استخدم الاشارة لكن للاسف اذا جيت تغير مسارك وعطيت اشارة غالبا تلقى السياره الي وراك تزيد سرعتها عشان تسكر عليك الطريق عشان كذا صرت اتحاشى اعطي اشارة اذا جيت اغير مساري


up 6 down 0
ابو عبدالله riyadh 257
قبل سنه و 9 شهر



يارجال مايدقون اشاره الى فى حاله وحده اذا ركب اشاره ليد تحصله معمي العالم بها يارجل لوبيوقف عندبيتهم دق اشاره 
والله اني كرهت طلعه الشارع من سبه ذا المبزره توقف عند الاشاره فى حالك يجونك من اخر اليسار يخشون قدامك تبي تخش مع الاشاره يمين تحصله مقفل اليمين ولا بعد اذا دقيت له بوري زعل ليه تدق بوري الحق معه 
الدوارات يارجل صاير كنه حرب مو دوار مافيه شي اسمه الاحقيه لمن فى الدوار عندهم نظام مين الاقوا !! السواقه صارت عندنا تجيب المرض ياليت يتشددون المرور ويرفعون المخالفات يدبلونها عشان يعقلون المبزره 


up 5 down 0
fhody44 1018
قبل سنه و 9 شهر



الأخطاء المرورية موجودة وبشكل كبير جداً ولو دققت على السائقين رح تلاقي 80% منهم لا يستحق رخصة القيادة التي يحملها


up 3 down 1
أبو عبادة 4848
قبل سنه و 9 شهر



والله صرت احس ان انوار الاشارة صارت مجرد ديكور عند بعض السائقين
يعني يشوفك واقف مستني في التقاطع وانت منتظر انه يمر ويجيك يدخل يمين !!!!!

عن نفسي لما اشوف واحد مشغل الاشارة اهدي واخليه يمر احتراما له
لكن لما تشوف واحد ساقط عليك فجأة ولا مشغل اشارة ولا يعطيك اي تحذير مااخليه يمر غصب


up 4 down 0
mohammad 13 523
قبل سنه و 9 شهر



اولوية السير لمن يسير بشكل مستقيم ، فسالفة انه مايخليك تدخل اذا دقيت اشارة عادي ومن حقه لأنه ماشي 120 وانت ماشي 90 فلما تدخل هو بيضطر ينزل سرعته واللي وراه بينزل سرعته بعد واللي وراهم وهكذا عشان دخلتك ذي فيدعس شوي عشان مايغث نفسه


up 1 down 8
0abo_waleed0 115
قبل سنه و 9 شهر



في شي اوسخ من كدة بعد , الحين مثلا انا ف طريق شبه سريع زي اول طريق المطار في الرياض مثلا وفجاءة يا طويل العمر والسلامة يجيك واحد شاطف من اقصى اليسار لاقصى اليمين يبي مخرج 8 او يبي مخرج الثمامة وبدون اشارة وفجاءة , بالله عليكم هذا وش اسمه , لن اتكلم ساترك التعليق للجمهور الكريم


up 0 down 0
المعتصم بالله 6519 453
قبل سنه و 9 شهر



معود نفسي على الاشاره حتى داخل الحواري

لان عندنا شعب فيهم من التخلف والهمجيه والا مبالاه بالقياده وعدم التقيد بالانظمه

واكره ماعندي اللي يتجاوزني على سرعه عاليه ويسقط يمين خذوا عقله
ودي وربك الحقه واكسر ارجوله علشان يتعلم الادب ويسوق بهداوه الشارع مو ملكه


up 0 down 0
aboahmed2014 1118
قبل سنه و 8 شهر