لملاك مكسيما ومن له خبره فيها

عاد تبي النصيحه. خل الهوندا. عندك. لك وللزمن

واشتر مكسيما معها

تصدق ان قبل فترة كنت اشوف اعلانات للسيارة ذي بالموقع عن قيرها مخبط ماادري وش سالفتها مع ان شكلها حلو يمكن سوء استخدام الله اعلم

الافضل من ٢٠١٦ و اجدد
قير الCVT مطور و ما فيه مشاكل مثل الموديلات السابقه
نفس الكلام عن الالتيما من ٢٠١٣ افضل

الاشكالية مافي فلوس تجيب المكس ٢٠١٦ وبالنسبه للي ابيها الي هي ٢٠١٢ انا اشوف كل شي يمشي على حسب اهتمامك اهتم وبتمشي معك والمكس اسمع ان صرفيتها نفس صرفية السوناتا وهذا شي كويس من ستة سلندر

وليه خص نص ماكسيما
مافكرت بغيرها ودارجه بالشارع ولها رغبه بالبيع وعمليه

اسمع يابعدي هذي موديل حافظت ما حافظت القير بيطق بيطق

لا احد يقولك مافيه مشاكل ولا مافيه الوحيد الي نجى من المشاكل التيما 2008 و 2009 الاربعة سلندر

الباقي cvt لازم يطق يطق وغير مشكلة قفل حق دركسون عيب مصنعي ولا صلحوه

والموديل ذا يشرب بنزين شرب جودة داخلية اقل من مستوى

صرفيته لو تشوف كفاءة الطاقة 11.7 عكس 2016 صرفية 13.9

نصيحة بدل اكورد بموتر سنع لا تتهور بدل بمازدا 2016 وفوق كويسة

بنزين غالي مالك ومال هالاشياء اذا مرة خذ اوريون 2012 وفوق

التيما 2013 وفوق اريح من الماكسيما واخف

كلامي من كلام الاخ محمد

واضيف اذا ماتقدر ع النيسان جديد كرت مكسيما التيما

لاتفكر بالمستعمل الا اذا عندك ورشه يسوون لك خصم هههههههه

مشكلة قفل الطاره صارت معي والحمدلله لقيت مبرمج وبرمجها لي ع 200 او 100 ما اذكر
ولها فوق السنتين بس لمبة المفتاح عيت تروح من الطبلون
وقيمته جديد فوق 2400 ريال

بخصوص القير الالتيما المحافظ على زيت وكالتها ويغيره كل بعد 100 الف بيعين خير
ومراح يطلع له مشاكل

بس المكسيما حتى لو انك محافظ عليها بيضرب وهذا عيب مصنعي وعندك حراج طب وتخير
تلقاها كل مغير قير او موظب


واخيراً

اذا انت ع قد حالك خليك ع الاكورد طيبه وتعرف وش تحتاج وغيره لي ما الله يرزقك
واشتري جديد

عندي ٢٠١٠ مكسيما على يدي من الوكالة وكنت مواظب عالصيانة وغيرولي الجربكس وكانت عالضمان والحمد لله وغيرت زيت الجربكس على مية الف وقفل الطارة انخرب وسويته ب ٤٠٠ وطبعا غيرت القطع الاستهلاكية السيور والبواجي والخخخخ ،، لكن اذا حصلت موديل ٢٠١٣ وانتا طالع افضل لان عيوب الجربكس عدلوها وبصفة عامة السيارة تخدم والمكيف ثلج واكثر الخرابات اللي تواجة اصحاب الموديلات٢٠١٢ ٢٠١٣  ٢٠١٤ ٢٠١٥  قفل الطارة وتهريب زيت الطارة والجربكس حسب استخدام الشخص يعني مو كل شوية دعس وكل اشارة مطارحة والجو يكون درجة حرارته٨٥ 
وبصفة عامة السيارة اعطيها ٨ او ٧ ونص من عشرة 

الاغلب يذم المكسيما وقيرها حسيت كني مجمع عيال الحاره عشان يصنعونها لهالدرجة نيسان فشلت فيها اذا كذا شكلي بحول واخذ افلون فل ٢٠١٠ 

هانت عليك الهنادي تتركها بعد عشرة العمر :(

مهي مسألة فشل نيسان
القير هذا حساس يعني تشتري سيارة جديدة بهالنوع من القير اضمن
اما جديد ما تدري عن دعس راعيها السابق خصوصا" اذا المكينة قوية
و ما تدري عن تغييره للزيت و هل يغير نفس النوع و ينتبه لها بعد التغيير

ابو حرب والله ان الهنادي شيخه ولا تنترك بس ابي اغير وشكلي بحول من مكسيما لافلون دام وضع المكسيما كذا مابي أخاطر 

كان معنا واحد في القروب سيارته مكسيما 2011 ماشيه 500 الف ومصورها ماشاء الله

يغير زيت كل 5 الاف وزيت القير كل 50 الف

اذا تبي القروب لكن اغلب اللي فيه 2016 وفوق
0555577410