أضف سؤال أو موضوع جديد          

اكاذيب الورش وسرقة العميل بالحلف

up 8 down 4
aboahmed2014 994
قبل 10 شهر



الســـــــلام عليكم والرحمه

مساء الامطار والجمال

قبل مدة كان عندي فحص دوري للسيارة بحكم اني بجدد استمارة السيارة

وسيارتي ولله الحمد ماتشتكي الا من الفحمات وقلت اغيرها قبل الفحص بحكم
انها راحت فيها

ولكن تفاجأت بان الخلفيه ممسوحه والاماميه لازال فيها اكثر من النص
وبرضوا القديمه نفس الحكايه ايش السررر..؟؟؟

يعني المره الجايه بس اغير الخلفي واتوكل ع الله دام السالفة كذا ...


الشئ الاخر حق الورشه لما جاء يغير لي الاقمشه والفحمات قال لي

عندك العكوس رايحه فيها

والعكس قيمة الواحـد 450 ريال وكالة

وذكر لي بعد جلد مقصات والمقص يجي كامل مافي ترهيم الا بالنادر يرهم لك
الجلد وبواسطة مخرطه وفوق هذا قيمة المقص حول 300 ريال

وطلع نصاب ابن نصاب ابن حرامي همهم الفلوس

المهم مالكم بالطويله

قلت ركب الفحمات وانت ساكت لاني ادرى بسيارتي مافيها حذف ولافيها اصوات
ولاتهريب عكوس

رحت الفحص والحمدلله النتيجه ناجح

وعطاني تنبيه كن حذراً بخصوص الانوار الاماميه
بحكم ان الدينموا المسؤلة عن وزنية ارتفاع النور خربانه الجهة اليسار

طبعاً لفيت الصناعيه القديمه والغرابي ومالقيت احـد يبيعها
ولالقيت حـد يعدل الوزنيه

وقطع الغيار والوكاله ماتباع القطعه بلحالها لازم الشمعه كامله


السؤال وين الاقي القطعه هذه لان صراحه النور يسار نازل وحاولت اوزنه بالسكروب
ومافي فايده لان الدينموا ودعت












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته
بخصوص تنبيه الانوار الأمامية كن حذرا
سياراتي وسيارة ثلاث من الشباب اعطاهم نفس هذا التنبيه وللعلم احد السيارات شبه وكالة


up 0 down 0
عبدالعزيز_996 17
قبل 10 شهر



كل السيارات يحط عليها تحذير الانوار حتى لو تطلعها وكابه وتفحصها


up 0 down 0
7amood1930 235
قبل 9 شهر و 4 أسبوع



الحل تروح التشاليح وتشتري مستعمل


up 0 down 0
coco13 890
قبل 9 شهر و 4 أسبوع



بارك الله فيكم




up 0 down 0
aboahmed2014 994
قبل 9 شهر و 4 أسبوع