للمجربين فقط ماكسيما 2014

كانت معي وحده فل كامل SR الموتر من ناحيه الرساوه مايحتاج ماشاءالله والله اني كنت اخش منعطفات واناامشي 140 ماشاءالله ثابته بعتها وهي ماشيه 90 وكان خربان فيها طرمبه القير مع العلم محافض عليها وكل ممشاي عليها خطوط طويله لاكن الحمدلله على كل حال صراحه يوم خرب القير طابت النفس يعني تخيل موتر توه ماشي 90 الف وطرمبه القير خربانه ممكن عيب مصنعي الله العالم 
المكيف حقها صراحه ثلاجه ماشاءالله فى عز الضهر على واحد السياره تثلج صرفيه البنزين فيها ممتازه  العزل فيها حلو الى سرعه 180 العزل يعتبر ممتاز تفك الطاره على 180 الموتر مايروح لايمين ولايسار  قطعها صراحه غاليه شمعات ماخذها من التشليح 2000 ريال طبعا حقه SR الفل 

قير ال CVT تطور من ٢٠١٣ للالتيما
و من الماكسيما اخر شكل اللي من ٢٠١٦
محد شكى منه بالاكستريل لانه من القير المطور
اللي عدلوا فيه و حسنوا تحمله و الماكسيما موتر مكينته ما شاء الله
فقليل اللي بتحصل واحد استخدامه نظيف ما قاوم عليها
صحيح المكينة تتحمل بس القير ما تدري عن راعيه يغير له بوقته
استخدامه و دعسه عليه فهذا اللي يخوف منها

ممتاز بكل النواحي رساوه قوه
عيبه قاسي وضيق ويتفكك بسرعه خصوصا الصدام الامامي

اشكركم جزيل الشكر
وفقكم الله

معايا مكسيما ٢٠١٠ على يدي ومحافظ وماشاء الله الموتر من ناحية الرساوة والعزل والمكيف مية مية وصيانتها فالوكالة الى مية الف وغيرت سيور قبل فترة والزيت كل ٤ الاف اغيره 
واذا في اي استفسار كلمني وافيدك باللي اقدر عليه

بيض الله وجهك ماقصرت

ولا استغني راح اتواصل معك ان شاء الله