أضف سؤال أو موضوع جديد          

صدمت واحد بالدائري

up 0 down 2
نقطتين 610
قبل 3 سنه و شهر



السلام عليكم و رحمة الله و بركاته




كيف حالكم ي شباب ان شاءالله بخير؟؟




ما اطول عليكم ،، اتمنى تفيدوني 




انا قبل ٣ اسابيع تقريباًً توقف الدائري الشرقي فجأة و صدمت واحد من الخلف  (سيارتي النترا١٦ و سيارته سنترا١٥ )
 طلع شايب راكب يمين و ولده صغير هو الي يسوق 
طبعاً الغلط علي ١٠٠٪؜ معروف النظام هذا من المرور و معي تأمين 




المهم انا رايح استقبل الوالدة من المطار ولازم ما اتأخر 
فف كان بيكلم المرور قلت له انا مستعجل و كذا خذ رقمي وابد اصلح موترك على حسابي (وهذا اكبر غلط سويته) لو انه جاي المرور وكتب التقرير كان تحمله التأمين وخرجت انا من السالفه لكن غلط و الشكوى لله 




عاد اليوم تواعدنا بالصناعية على اساس نروح لورشه مناسبه و نتفق الا مقابلني الولد في افخم ورشه بالصناعية كله لكزس و الماني و يقولي قدرو السيارة ب ٣٦٠٠ و يقولي ادفع!!!!!!  
ولا بعد يقول هاذي ارخص ورشه يبي صدام جديد و شنطة جديدة ورش بويه 
وانا انصحه اقول له مب من صالحك ترش الموتر ترا بيطيح من قيمة سيارتك ورافض  ، قلت طيب امش وابصلح سيارتك افضل من اول ورافض يبيني ادفع ولا يشتكيني عند المرور !!!  
المهم قلت له عطني مهله ادبر فلوس و اردلك




وش الحل معه هذا الحين 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ارجع للشارع وسو انك توك صدمته ودق على نجم وسو التقرير عشان يتحملها التامين
طبعا ان شاء الله مافيها حرام لانك فعلا صدمته لكن كان عندك ظرف  


up 4 down 0
راقي m 135
قبل 3 سنه و شهر



بس الشايب ما اتوقع يرضى 


up 0 down 0
نقطتين 610
قبل 3 سنه و شهر



والله ياخي دامك غلطان لازم تصلح غلطتك
حتى لو احتلت بالتأمين بتجيك حوبتهم
لاكن فهمهم انك مطفر و استسمح منهم
وقله بنحلها بالمرور اذا لك شي بتاخذه
بس الله يعينك على الدعاوي




up 0 down 0
أبو عبدالرحمن435 -42
قبل 3 سنه و شهر



كلام العضو راقي اتفق معاه


up 0 down 0
yasserg16 812
قبل 3 سنه و شهر



اذا ماضبط معك كلام الاخ راقي :. 

وهو ملزم تصلحها ب غالي ولا بيشتك ،، 

انا من رأيي تروح انت المرور وتعلمهم ان كان غندك ظرف واساسا فيه تامين وان شاء الله حق المرور بيتساعد معك وممكن يكلم الطرف الثاني يخليه يجي ويسويلكم تخطيط حادث ويصير عالتامين 


والله يعينك 


up 0 down 0
m7md 33 1155
قبل 3 سنه و شهر



اذا السيارة اللي صدمتها هي اللي بالصورة فما تشوف انها تستاهل ٣٦٠٠!!!!!!!! سلامات الشنطة يبيلها تعديل بسيط ووزنية والصدام يبيله شفط وتعديل وشوية تلقيطات يعني حدها بالكثير اذا مرة مررررة ١٠٠٠ كمان ١٠٠٠ كثيرة يعني لا الشنطة انطعجت طعجة قوية ولا الصدام انكسر ولا الاصطبات انكسرت الشغلة كلها يبيلها تعديل بسيط ماهي مستاهلة رش وتغيير وكلام فاضي لكن ما نقول غير كان الله بعونك ومثل ما قالولك الاخوان حاول مع الشايب انكم ترجعو لموقع الحادث وتوقفو السيارات كانو الحادث توه صار واتصلو على نجم يجي يكتب التقرير وخلي تامينك يتحملها واطلع منها لانو واضح انو الشايب وولده مو ناويين على خير ويبون يستغلونك 


up 2 down 4
مؤيد 2012 441
قبل 3 سنه و شهر



من حقه يصلحها عند احسن ورشة. السيارة مازالت جديده، و لكن حاول تكرر مشهد الحادث و تحلها بالتأمين.


up 3 down 3
amer ahmed 566
قبل 3 سنه و شهر



سو مثل الوالد 

كان صدمه واحد وكان مستعجل ومشاه وخذ رقمه وبعدين اتصل عليه واعادو مشهد الحادث وصلى الله وبارك


up 3 down 0
محمد الوايلي 711 201
قبل 3 سنه و شهر



اعوووذ بالله وش 3600 ريال ؟؟؟؟
انا قبل ما اشوف الصوره فكرت الصدمه اقوى من كذا بواجد قلت يمكن الشنطه رايحه فيها وكل شي مكسر ومعدوووم طلعت الدعوه سهله وماتكلف ولا حتى 600 او 700 بالكثيييير ،،،
لكن ما اقول الا حاول مع راعي السياره تسووون كانكم صادمين في اي مكان ماهو لازم نفس الشارع خصوصاً انك متصادمين فعلاً يعني مافيه كذب ان شاء الله ، وبصراحه ما اشوف فيه سبب منطقي يخلي الشايب يرفض مادام الفوس بتاصله كذا والا كذا ، قله ياخي انا ظروفي صعبه ولا املك هذا المبغ حالياً ، من وين اجيبلك يعني ؟؟؟
المقصد حاول تقنعه علشان يتحملها التامين ،،،
والله يسهمل امرك ان شاء الله .


up 0 down 2
bakeetdo99 84
قبل 3 سنه و شهر



والله شوف اذا ولده صغير وما عنده رخصه خله يشتكي اصلا التأمين ما يغطيه وعليها مخالفة وحبس


up 0 down 4
بو عوده -22
قبل 3 سنه و شهر



يا اخ امير من حقه يصلحها في افضل ورشة ما اختلفنا بس لو السيارة متضررة ضرر كبير لكن انت شوف الصور مافي شي يستاهل ٣٦٠٠ الشنطة يبيلها وزنية والصدام يبيله شفط وتعديل يعني الدعوة كلها مو مستاهلة اكثر من ١٠٠٠ كحد اقصى لكن الادمي يبي يغير شنطة وصدام وهي ما تضررت ويبي رش بعد !!!!! 


up 1 down 3
مؤيد 2012 441
قبل 3 سنه و شهر



ببساطه وباختصار شديد ( الشايب استغل الموضوع )

الله يعينك ياعزيزي


up 1 down 0
مليحي 252
قبل 3 سنه و شهر



وانا من رايي الجميع ان تعمل اعادة تمثيل الحادث كأنكم صدمتو الحين لان شوفت اكثر من حد عملها بسبب ظروف
وقت الحادث مستعجلين وكذا
وتسهلت الامور ومشت .. بس ان شاء الله يطلع الولد ابن حلال ويوافق ترى الموضوع ف صالحك وصالحه كمان وقوله مثل
ما انا تساهلت معك وانت مو مفروض تسوق بالنظام يراعي الشي هذا ,, والضربة مو مستاهله ابدا المبلغ اللي طالبه


up 2 down 0
moo3tazz 245
قبل 3 سنه و شهر



المبالغ تتفاوت من ورشة لورشة. و ايضا التقدير يتفاوت من موديل سيارة لسيارة.
لو قدرها التأمين او شيخ الورش. مابيرضى اي شيء يتسمكر بل سيطلب تغيير كل شيء
جديد. لانه السياره جديده.
اخويا صدم سياره شفروليه صغيره جدا. و الصدمه كانت بسيطه و طلب التأمين مننا ندفع 7000 الاف ريال بسبب انه عمر كان تحت 21 و التامين مايشمله بالرغم من وجود رخصه .
لانه كل شيء في التقرير لازم يتغير مافي شيء حيتسمكر.

فانت اقنعه تحاول تكرار الحادث و تحلونها بالتأمين.


up 0 down 1
amer ahmed 566
قبل 3 سنه و شهر



يا حبيبي وين جديدة وهي موديل 2015 وحنا الحين في 2018 وداخلين 2019 انا اللي اعرفه انه ما يتغير كل شي جديد الا لسيارات موديل السنة فقط هذا اللي اعرفه الا اذا اتغير النظام هذا شي لكن سيارة 2015 ما تعتبر جديدة خلاص عدا على موديلها ثلاث سنوات 


up 3 down 0
مؤيد 2012 441
قبل 3 سنه و شهر



كلم الشايب وقول ابي التامين يصلحها لك وبيدفع لك اكثر دام انه استغلالي الله لايربح امثاله

وشوف لك اي شارع واتفقوا فيه واذا جاء نجم قل وقف الشارع فجاء وصدمته من ورى

وراح يخطط الحادث ويرفع اوراقك لنجم وبعدها ياخذ التقرير ويروح التامين الخاص بسيارتك

وهذا وجهي ان ماجاه تقدير الورش مايكلف 400 ريال ههههههههههه

لكن انت بالاول حاول انه يوافق على الكلام اللي فوق


up 3 down 0
aboahmed2014 1168
قبل 3 سنه و شهر




وعليكم السلام و رحمة الله و بركاته

بعد أذانك ياصاحب الموضوع

اللي عنده خبره في أجراءت المرور ياليت يفيدني بالرد على موضوعي

بالــعـنوان ((أستفسار بخصوص حادث مروري)) على عضويتي هذي وشــكراا لـكم


up 1 down 1
mq_16 44
قبل 3 سنه و شهر