سياره مستعمله ايش اول شي اسويه

اهم شي زيت القير اذا ماتغير ولا مره اتركه وامش عليه

المشكله مدري هو تغير ولالا فاتتني اسال راعيها الاول

غير زيت المكينه حط لها زيت 10w30 زيت القير روح ون ستوب يغيرونه لك لى انه CVT انتبه تغيره عند اي محطه ترا له زيت خاص ! 
وبعد ماتغير زيت القير والمكينه ابدا فى البواجي و تنضيف البخاخات وصفايه البنزين وتنضيف الدعسه وتغيير فلتر الهوا وفلتر البنزيم ومويه الرديتر 
طبعا انااقولك سو هذا اذا تبي الموتر ترجع صحته امااذا تبي تمشيه حال غير الزيوت وامش عليه 
وبخصوص الي يقول القير يخبط ترا قير المكسيما CVT يعني مافيه كلتشات مثل القيور التماتيك العاديه يعني اذا اهملت زيته ماغيرته بيخرب طبعا زيت قير المكسيما يتغير على 100 الف كيلو 
كان معي مكسيما 2014 بعتها قبل سنتين تقريبا الله يذكرها بلخير 

بعت التيما ٢٠١٠ قير عادي على ممشى ٢٩٥ الف
ما غيرت لها بواجي ابد
ما حسيت في تقطيع او زياده صرفيه
و البواجي ريديوم تطول معك
اذا حسيت ضعف تبريد غير فلتر المكيف
زيت المكينه لزوجة متوسطة مناسبة
اما زيت القير مدري الصراحه ما انصحك تغيره
خلها الى ممشى ٣٠٠ الف ان شاء الله تكمل معك بدون مشاكل
اذا ما حسيت نتعه او شي غريب خله على حاله
او في فكره تغيره بالتدريج زيت القير خاص علبته فضيه للCVT
و غالي شوي على خبري تحصله بمحلات قطع نيسان الوكالو اغلى

fhody44
ياخي الله يسعدك والله اني كنت متخوف و كل شوي اخش الموضوع ابي رد و ردك طمني ههههههههههههههههههههه

1405-1985 الله يعطيك العافيه كتبت ردك في ملاحظه في الجوال بمشي عليها وحده وحده

fhody44
تراني اتكلم عن علم امتلك الان الالتيما رقم 5
6 سلندر وهي نفس قير ومكينه الماكسيما
اول التيما لي شريتها ماشيه 240 وراعيها ماغير زيت القير
من طلعت من الوكالة المهم رحت ون ستوب ونصحوني مااغيره
المهم تفلسفت وخليتها يسحبو علبه ويضيفو علبه كل اسبوعين
وبعد هذا كله خبط القير مباشره
انت روح عند الميكانيكي وخليه يسحب الزيت
ويحطه  بعلبه ويشوف اذا كان نظيف ومافيه ريحه غير وامورك طيبه
اذا كان تعبان رجع اللي سحبته وامش عليه
هذي نصيحتي لك وانت بكيفك .

اي سيارة لانويت تاخذها افحص كامل وشاور ولاتدفع الا وانت متيقن من السيارة بتخدمك باذن الله الا ماقدر الله
اغلب الي اشتريته من السوق فحصته واخسر ٢٥٠ ولا اخسر الألوف

وبالتوفيق

ماودي اخوفك لكن بقول اللي عندي حسب تجربتي انا عندي مكسيما ٢٠١٠ على يدي من الوكالة وكنت اسوي صيانة فالشركة الى مية الف وغيرولي الجربكس عالضمان علما اني ماكنت الاحظ اي شي فالجربكس خلال المشي لكن الموظف قلي يبين فجهاز الكشف ان ضغط القير مو تمام ولازم يتغير وغيروه وانا بعد كذا غيرت زيت القير عند ممشى ٨٠ الف فالشركة والحمد لله ماصار معي اي شي ،،، وشيك عالسيور اذا تحتاج تغيير غيرها وعلبة زيت الطارة اذا في تهريب زيد عليه زيت كل مانقص او صلح الخراب عشان ترتاح