أضف سؤال أو موضوع جديد          

ليه مايتم تسعير الورش وتنظيمها

up 1 down 3
المتوكل 777 462
قبل 2 شهر



السلام عليكم ورحمه الله وبركاته 

صبحكم الله بالخير 

لي كم يوم افرفر بصناعيه بركب دعسه بنزين وسيور وبواجي 

لفيت صناعيه مكه الأسعار الي حصلتها من ١٠٠ الى ٢٨٠

وارخص واحد شكله عليمي يتعلم 

المهم مالكم بطويله جلست افكر ليه مايتم تسعير الورش 

مثلا كل ورشه تتخصص في نوع معين أمريكي ألماني ياباني كوري 

وهكذا كل ورشه تتخصص ويتم تسعير كل شي 

ماريكم بالفكرة ؟ 



والي يعرف ورشه كويسه وأسعاره معقوله في مكه يدلنا عليه 

ويعطيكم العافيه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فكرتك ممتازه ، بس اتوقع بتضر اكثر مما تنفع ، لان لو ثبتت تسعيره بتصير بالسعر الاعلى 

وللي مايقدر يدفع بيتوهق ، انت تقول من ١٠٠ الى ٢٨٠ 

انا مره من ١٠٠٠ الى ٤٠٠ وشغل ممتاز 

ولو قلنا خلوها ثابته كان كلفتني مثلا ٧٠٠ او ٨٠٠ 

فلذلك المرونه حلوه ومطلوبه 

والتسعيره الثابته معناته بيحط لكل شي سعر سواء ببكون مفكوك او لا 

وانت تعرف بالميكانيكا بعض الشغلات تغيرها ويكون مفكوك جزء ف يقل شغل اليد 

مثل تفير جانبين وهوب ، بدون تسعيره بياخذ عليك سعر واحد لنفرض ١٠٠ 
اما مع تسعيره بيقولك هذا ١٠٠ وهذا ١٠٠ وكل شيء منفصل .. 

والتسعيره الثابته صارت عالحلاقين ، و ولا احد التزم فيها وكلن يزيد ع مزاجه ( مدري من قالهم حنا جايين للديكو مو نحلق ) 



up 1 down 0
m7md 33 670
قبل 2 شهر



طيب افرض انهم سعروا كل شي والاسعار ناسبتك .. ترى ما راح تناسب غيرك وبتكون غاليه عليه ..الافضل ان السوق يكون حر وهو يضبط نفسه بنفسه .. اللي سعره غالي فوق المعقول الناس بتروح من عنده وبيضطر يجاوي السوق في الاسعار


up 3 down 0
تركي818 142
قبل 2 شهر



التسعير له فوايده واضراره
ولكن الموضوع المهم هو طباعة الفواتير حتى بالورش الصغيره (الغير معتمده)

المفروض ان وزارة التجاره تفرض على الورش طباعة فواتير معتمدة ومربوطه بنظام معين
بحيث ان الفاتوره يكون فيها ممشى السياره ومعلوماتها الثانيه
منها انك تحفظ حقك بحيث اذا صلحت عندهم شي ولا زبطوه تقدر تشتكي ومنها اذا شريت سياره مستعمله يكون فيه تاريخ صياناتها كامل وتعرف السياره وش جايها الخ..


up 2 down 0
azee3z 245
قبل 2 شهر



سير وبواجي ودعسة مااعتقد تحتاج تدفع هالمبلغ ، 4 او 5 مفكات وتسويها بنفسك بالبيت


up 1 down 2
0abo_waleed0 19
قبل 2 شهر



التسعير ماله فايدة بالعكس ضرره اكبر، وراح تزيد الاسعار، ولو في ورشة بتسوي تخفيض لازم تصريح من الوزارة..الخ. انا اشوف الاولوية هي لتنظيم الورش فقط. يعني :١- سعة الورشة، بما يعني ان الورشة تاخذ ٤ سيارات، يكون تصريحها ٤ سيارات، الحين اشوف ٨ منها ٤ واقفة برا. و تسبب عرقلة سير في الصناعية، وتسبب تأخير لكل ملاك السيارات لان العمال ياخذوا سيارات اكثر من الطاقة الاستيعابية، ويصير تأخير لملاك السيارات الموجودة قبل والسيارات الجديدة يعني لو شغلتها تاخذ ساعة في هذا الوضع تاخذ ٣ ساعات. 
٢- تقييم للفنيين، يعني يكون عندهم شهادات تخصص او يسوي اختبار قبول هنا وياخذ شهادة. اللي عنده شهادة من معهد من بلده يشتغل واللي عنده خبرة مثلا ٢٠سنة و وراث المهنة مانظلمة يروح اختبار قبول وياخذ شهادة تدل انه مؤهل. لو هذا الشئ صار ٧٠٪؜ من العمال راح يمشوا بسبب عدم تأهلهم. واكثرهم من جنسية واحدة. 
٣- يكون في فواتير وضمان ثابت، في حالة عدم التصليح او التشخيص الخاطئ تتحمل الورشة نتيجة خطأهم
٤- خدمة مواعيد يعني بعد التعرف على المشكلة وتحديد السعر يتحدد موعد تسليم السيارة  وهذه تابعة لرقم ٢. 
وهذا كل اللي في بالي


up 1 down 0
dell2012 769
قبل 2 شهر



dell2012
لو بيطبقون تقييم للفنيين بتكون خطوه ممتازه جداً !
بس المشكله ان 90% من الفنيين ينفعون فنيين سباكه بكل امانه ما ينفعون للسيارات بالمره وبكذا 90% من الورش راح تقفل لين يحصلون فنيين كويسين بشغلهم



up 1 down 0
azee3z 245
قبل 2 شهر



صرت أصللح دراجاتي الناريه وسياراتي بالبيت وإفتكيت من هم وغثى الورش.

على قولتهم كلها مسمارين بس أصعب شي الشغل بالمساعدات والشكمانات


up 0 down 0
hemo1001 31
قبل 2 شهر



في بعض الدول يكون التسعيره للشغل بالساعه
فالمقياس هو الوقت ........
مع الاتقان ف العمل والضمان .....


up 0 down 0
لا للغلاء 585
قبل 2 شهر