أضف سؤال أو موضوع جديد          

اجراءت تجديد رخصة القيادة عن طريق ابشر للفائدة

up 17 down 2
aboahmed2014 764
قبل 2 شهر و أسبوع



السلام عليكم ورحمة الله وبركاته


احببت ان اشاركم وافيدكم بموضوع (خطوات واجراءات تجديد رخصة القيادة )

واجراءات الحصول عليها بعد التجديد عن طريق ابشر


والحمدلله صار التجديد اسهل من السهل ومافيه تعقيد

وملف علاقي واربع صور ووو............ الخ باح ماعد شئ من هذا القبيل

لكن تنبيه


اللي عليه مخالفات مرورية لازم يسددها قبل ما يقوم باجراءات تجديد الرخصه

جتني مخالفة قبل ما اسوي التجديد بيوم

(استخدام الهاتف المحمول باليد اثناء القيادة ) ..

طبعاً وقتها كنت ماسك الجوال ومنزلة تحت عند القير

بس كيف صادني مدري
عل العموم سددت 150 وريحت راسي قبل لاتدبل

نبدًأ بالاجراءات

تروح اي مركز صحي وتطلب فحص نظر لتجديد رخصة القياده وبعض المراكز
الصحية فيها والبعض ماعنده ويمكن من خلال قوقل تشوف المراكز الصحية
المعتمدة بمدينتك

ويفضل الاهلية (الخاصة) لان الحكومي البعض يصرفك بحجة عدم وجود
ملف لك عندهم.


ولابد من وضع رقم جوالك اللي في ابشر علشان توصلك رسالة بعد الفحص
على صورة بطاقة الاحوال عند الفحص

وبعض المراكز لازم فحص نظر واخذ عينة دم مع ان بالرخصة القديمه موجودة
فصيلة الدم ولكن يعاندون

وانا كنت ابي اخلص من السالفة وسويتها بمركز صحي خاص

وتكلفة الفحص كانت 150 ريال تكشف نظر وتنزل المختبر ياخذون فصيلة دمك

طبعاً انا البس نظارة فكتبوا لي بالرخصة (القيود 3 * عدسات مقوية للنظر)

بعدها تجيك رسالة خلال ربع ساعه الى نص ساعه

ومفادها

عزيزي العميل نود ابلاغكم انه تم ارسال نتيجة التقرير الطبي رقم .......... بنجاح

بعدها تدخل تسدد رسوم رخصة القيادة عن طريق البنك اون لاين او عن طريق الصرافه
برقم الاحوال



بعدها تدخل نظام ابشر على حسابك

وتختار الخدمات الالكترونية

المرور

تجديد رخصة القيادة

وتختار السنوات

رسوم سنتين 80 ريال
رسوم خمس سنوات 200 ريال
ورسوم عشر سنوات 400 ريال

وتختار عدد السنوات اللي سددت من خلالها عن طريق الصراف

وبالاخير يجيك ايقونه /// استلام الرخصه عن طريق البريد

<( اذا عندك بريد واصل راح توصلك لحد بيتك
بس في خلال اسبوع او اكثر وبرسوم تدفعها 15 ريال

واذا تبي عن طريق دلة تختار خروج

بعدها تروح فرع دلة < وبحكم اني بالرياض موجود فرع دلة على طريق الملك فهد اتجاه
طريق القصيم شمال بعد تقاطع الدائري الشمالي مع طريق الملك فهد

مواقف السيارات الجهة الشمالية
توقف موترك

تدخل صالة رقم 2

وتعطيهم الرخصة القديمه وتجلس اقل من خمس دقائق وينادون باسمك ويعطونك الجديد

وصلى الله وبارك



ملاحظة استلام الرخصة خلال سبع ايام بعد التجديد

لي عدت سبع ايام ما استلمت الرخصة راح تدفع غرامه 100 ريال على التاخير


حبيت اشاركم بموضوعي المتواضع

حتى اللي ماعنده خلفيه يكون هذا الموضوع فيه فائده له وللغيره من الاحبه








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يعطيك العافيه والله كنت شايل هم


up 2 down 0
turkias 24
قبل 2 شهر و أسبوع



لاعزيزي لاتشيل هم ولاشئ

اقولك صار كل شئ سهل يارب لك الحمد ولك لايك


up 1 down 0
aboahmed2014 764
قبل 2 شهر و أسبوع



بيض الله وجهك ، معلومات قيمة ، الله يوفقك ومن يقرا 


up 2 down 0
m7md 33 671
قبل 2 شهر و أسبوع



وياك عزيزي شاكر ع مرورك ولك لايك


up 1 down 0
aboahmed2014 764
قبل 2 شهر و أسبوع



الله يعطيك العافيه
لكن اذا ابي استلمها من البريد لازم احتريها اسبوع؟
واذا ابي استلمها بوقتها على طول اروح لدله ولا يبي لي اصبر لدله بعد


up 1 down 0
zxcv__122 11
قبل 2 شهر و أسبوع



جددت رخصتي قبل 6 سنوات

جددتها لمدة 10 سنوات

سلمت الأوراق للبريد واسلمت الكرت بعد يوم منهم برسوم 25 ريال


up 2 down 0
أبو عبادة 4274
قبل 2 شهر و أسبوع



zxcv

البريد على حسب البعض يتاخر وبعضهم لا

لكن ريح راسك ومر دلة وانت واقف ماتكلف عشر دقائق وامورك طيبة



up 0 down 0
aboahmed2014 764
قبل 2 شهر و أسبوع



ابو عباده فعلاً كانت هذه الخدمة متوفرة بالبريد

لكن الان لا اعلم عنها

ولكن واصل اسهل ورسومه 15 ريال ويوصل لي حـد بابك

اذا انت مسجل بواصل وبيانات بريدك صحيحة



up 1 down 0
aboahmed2014 764
قبل 2 شهر و أسبوع



على حد علمي أن البريد السعودي توقف عن تقديم هذه الخدمات

سابقاً جددت رخصتي واستمارة سيارتي عن طريقهم

وشكراً على الموضوع ولك لايك


up 1 down 0
أبو عبادة 4274
قبل 2 شهر و أسبوع



وش اسم المستوصف الي فحصت فيه
بي احي
انا حصلت اكثر المستوصفات غاليه من 200 وفوق


up 1 down 0
نمر 2 74
قبل 2 شهر و أسبوع



يعطيك العافيه ماقصرت

جددت رخصتي قبل شهرين الفحص مجانا وكان فاضي عن طريق مركز اللياقة الطبية بالدمام مركز حكومي

وخلال 5 دقايق موجوده بالسستم نتيجة الفحص

شكرا لك يالغالي


up 2 down 0
سـري للغآية 86
قبل 2 شهر و أسبوع



اشكر الجميع على المرور


بخصوص المستوصف

طب الاسرة بغرب الرياض

وفي مستصف بالعليا خلف عمائر الموسى على طريق العليا بالرياض

بـ 100 ريال فحص نظر فقط




up 1 down 0
aboahmed2014 764
قبل 2 شهر



بارك الله فيك


up 1 down 0
نمر 2 74
قبل 2 شهر



الحين أتوقع تجدد رخصة القيادة وتبقى الاولى لان مافيها تاريخ انتهاء 
بنفس الكرت يعني تجدد من أبشر ( أتوقع كذا لان رخصتي مافيها تاريخ انتهاء ) 


up 0 down 0
ghazwani11 62
قبل شهر و 2 أسبوع