أضف سؤال أو موضوع جديد          

الى متى وايش رأيكم في هذا الوضع

up 9 down 3



السلام عليكم ورحمة الله 

انا بأقول لكم السالفة ولكم التعليق 



امس رحت الصناعية طلع عندي صوت رمان جهة سير المكينة 

مريت كم ورشة منهم اللي يقول رمان دينمو مع بكرة الكمبروسر ،،،،،وكل ورشة تقول كلام 

فالأخير وصلت عند ورشة واحد يمني وقلت له شوف ايش المشكلة ،،،، فتح الكبوت وقال هذا شداد السير ،،،،،قلت له كيف عرفت قال اكيد ،،،،،،واشترطت عليه انه يتحمل بكل شي ولا احاسبه بريال اذا كان كلامه غلط ،،،

رحت شريت شداد ب٢٠٠ ريال وجبته وجاء يشتغل السيارة واحد من جماعته عمره صغير ،،،،،بعد مافك الشداد القديم مسكت البكرة وادورها بيدي ومافيها شي تدور ١٠٠٪‏ ،،،،،ناديت اللي اتفقت معاه وقلت له شف باقي ممتازة وقعد يدورها بيده وقال بداية خراب ويقول شوف في صوت !!!!!!!،،،،،(طبعا يضحك علي)،،،،، المهم انا قلت ممكن مع سرعة المكينة يطلع الصوت لانه يدور بسرعة ،،،،،

طبعا العامل الصغير يوم أجا يركب الشداد مع باقي القطع عكس الصامولة اللي تشد البكرة وقلت له غلط تركيبها ركبها من تحت وجلس يقنع فيني وقلت له مامعك الا التعب بترجع تفكها مرة ثانية ،،،،طبعا انا وقتها فاضي ماعندي شغله الا هو ،،،،،،، وخلص كل حاجه ويوم جا يشد السير ماشد معاه وطاحت الصامولة على الارض وقلت له ترا قد قلت لك بترجع تفكها ماصدقتني ،،،،طبعا وجهه تغير واحمر لان كلامه طلع غلط ،،،،،،

رجع ركبه صح ورحت اشغل السيارة الا والصوت باقي موجود ،،،،كلمت صاحب الورشة قلت الله لايهينك فك الشداد الجديد بارجعه لقطع الغيار ورجع ركب القديم ولا راح احاسبك ريال ،،،، طبعا هو يقول الصوت خف كثير ممكن معك اكثر من رمان خربان وقول روح شغل المكيف عشان يتحجج برمان المكيف ،،،،، وقلت له خلاص انا بيني وبينك اتفاق وانت جلست تتفلسف علي وكل مرة تقول شي وطلعت من عنده ولا عطيته ريال واحد 

طبعا اللي شدني له يوم قال هذا الشداد وقال انه يتحمل اذا كلامه غلط ،،،،فأنا قلت اكيد انه فاهم في شغله ولكن ثقتي طلعت في غير محلها 


هذي القصة باختصار وانتبهوا يااخوان لايصير لكم مثلي الافضل تروحون لمراكز كبيرة عندها اجهزة افضل بس انتم عارفين بعضهم في عالم ثاني الا من رحم ربي 

وشكراً








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


افضل شي انك شرطت عليه ،. تريح وترتاح 

مثل مره كان عندي مشكله وقالي بفحص كمبيوتر قلتله ماراح يطلعها الكمبيوتر

شرطت عليه اذا ماطلع الكود مابعطيك وقال تم ، ولا طلعه ومشيت ماعطيته وكان راضي .. 

وبعدها مريت اكثر من ورشه وقلت لهم قبل يبدون ماطلعتوا الخراب مابعطيكم فلوس وماطلعوه ولا عطيتهم 

بعدها رحت فلبيني بالبحرين ( قال افتح الكبوت ، وخلال ٥ دقايق طلع المشكله وطلعت سخيفه ومحد عرفها ،. 
بوجي مكسور من تركيب غلط ماكمل اسبوع جديد 
وشريته وركبه وخذ مني ٣٠ ريال وانتهت المشكله 

اهم شيء لما نروح للورش حتى لو جاهلين بالمشكله نسوي فاهمين ونشد عليهم مانرخي لهم ( طبعا باحترام وبدون صراخ ) 
مجرد تبين لهم ان ماينضحك عليك ،، 

ويعطيك خير موترك ويكفيك شره ياخوي 
وانا متابع ردودك ماشاء الله عندك معلومات طيبه بالسيارات ، لكن احيان حتى لو تعرف يطلع لك شيء يجننك 

بالتوفيق ❤️


up 3 down 3
m7md 33 673
قبل 3 شهر



الله يعين بس على بعض الورش 
انا زمان واحد من مدعين الهندسه بغى يخسرني قيمة دينمو حق جمس ب 950 ريال 
الامبير كان نازل وقال لي الدينمو ضعيف مايعبي تمام ورحت شريته وركبه الا والامبير محله 
وطلعت المشكلة من سلك البطارية 
وبكل وقاحه يقول رجعه للمحل وقول له خربان 
قلت له والله دينمو الرجال مابه شي العله عندك انت 
ولا فك بينا يومها الا شيخ الورش 
اهم شي اذا وديت موترك الورشه خلك قريب منه هو بيقول لك خل الموتر وارجع له 
لكن انت علمه يضبط الشاهي وقول له ان بيتي بعيد ولا ني رايح وجاي 



up 1 down 0
hussain4 808
قبل 3 شهر



لو الجميع يتصرفون كتصرّفكم لكان إنتهى تلاعب الورش ..

نعم لا تترك سيارتك في الورشه نهائياً ، وأيضاً تتفق مع الورشه أنه إذا لم يتم إصلاح السياره وكان تشخيصه خطأ فعليه تحمل خطأه ولن يحصل على مليم واحد .

كم أتمنى أن يكون تصرف الغالبيه بهذا الشكل لتنتهي معاناتنا مع الورش والسباكين .

شكراً أخي العزيز على موضوعك الرائع .


دمتَ بخير وعافيه ....


up 1 down 0
jakwar2004 304
قبل 3 شهر



تصرف ممتاز

مايصلح لحقين الورش الا زي كذا

اضافه الى انك تتفق مع واحـد ويرسل غيره يجهل كيفية تركيب القطع

وانا اشترط عليه اللي اتفقت معاه يجي يكمل الشغله ولايدخل احـد ثاني




up 1 down 0
aboahmed2014 767
قبل 3 شهر



شكرا على مروركم الجميل


up 0 down 0



يقدر يعرف لو انه فاهم يجيب مويه فيها صابون خفيف وينقطه عالبكرات وحده وحده ويعرف هذا يسوونه الورش مو من عندي


up 2 down 0
ابوزياد123321 201
قبل 3 شهر



المفروض انك مخليه هو يشتري الشداد ابو 200 ريال وانت بالنهاية اذا خلص وضبطت سيارتك تحاسبه على الشغل + قطع الغيار

الي حصل الآن انك ضيعت وقتك، وخسرت 200 ريال ولعبوا بسيارتك

بالمقابل هو ما خسر ولا ريال، بالعكس جلس يدرب الشغيل الجديد الي عنده على سيارتك وعلمه طريقة الفك والتركيب على حساب سيارتك ووقتك !!


up 0 down 1
نديم الطيف 70
قبل 3 شهر