صرفية الددسن

لعبيت فل وصفرت العداد لين بفضى كم يمشيك ؟

مايمشي واجد
انا اعبيه من المحطه مقابل الجوازات واطلع للمزاحميه يروح الربع بالراحه

طبيعي دام عايدي

تظطر كل شوي تدعس

لكن البنزين المستخدم 95 او 91

وجرب انك تخف ع الدعسه

بنزين 91
اتوقع ان الصرفيه زايده

كم كيلو من المحطة إلى المزاحمية ؟
لكن أتوقع الصرفية طبيعية
عبئ السيارة فل وإذا مشى على خط من 450 كيلو إلى الخط الأخير تعتبر الصرفية طبيعية
الددسن على الخط مع السرعة تصرف خصوصا الاشكال اللي بعد 97
كان معي 97 أقل صرفية وأفضل بكل المقاييس
فقط الموديلات بعد 97 ارفع عن الارض
لو ترجع شركة نيسان الددسن للأول كان يمكن يرجع الطلب عليها

لاهنت يابعدي وكثر الله خيرك على حسن تعاونك

السلام عليكم كنت اعبي ددسن 99 كلبليتر 22 لتر اروح بهامن الدخل المحدود البطحاء اربع ردود محمل ركاب ثم ارجع للبيت في النسيم ويبقى في التنكى زود مشغل مكيف على اعلى شي سرعه من 80 الى 100

السلام عليكم قريت في احد المواقع ان الددسن تقطع ب 10 لتر بنزين 100 كيلو تقريبا تقدر تستفسر من الوكاله ايضا ممكن موترك يحتاج برمجه

والله مدري وش فيه هالموتر الواضح أن صرفيته زايده
بمرهم اشوف ماتوقعت الددسن بالشكل هذا استهلاكه المجوس ارحم

عفوا الجموس غلطه من الجهاز

انا معي ددسن
اعبيها فل بـ97 ريال تانكي 70 لتر
يقعد معي اسبوع كامل او زياده بعد, داخل الديره طبعا واقدر اخليه اسبوعين بالراحه دعسه خفيفه ما اشد واجد
اكثر شي مشاني 600 كيلو الظاهر او 620 داخل الديره

انت شيك على البواجي واسلاك البواجي, صفاية البنزين يمكن متسدده وقديمه يبي لها تغيير, طرمبة البنزين, ايضا فلتر الهواء له دور ترا
يمكن يبي لها تنظيف بخاخات ايضا

السيارة جديدة ماشية بس 10الاف الان
كل هذا اغيرها كثيرة والله على سيارة جديدة. بصراحه افكر ابيعه إذا هذا استهلاكه وحنته ولا ممشي زي السيارات مناقز

تانكي الغمارة يجي اصغر من تانكي الغمارتين
فى اذا تبغى تعرف كم سعة التانكي حقك
خل التانكي الين تقريبا يفضي وروح عب فل
عند محطة فيها عداد يحسب فيها عدد اللتر
مو شرط يطلع كم بضبط يعنين تقريبا على حسب
مشيتك ولمبة البنزين مولعة
سعة تانكي الغمارتين بين 62 لتر ويمكن يوصل 70
وصرفية البنزين اذا تعديت 100 يصرف
تحت ال100 صرفيت الددسن كويسها

الددسن اعبيها فل تمشيني ٥٥٠ كيلو
صرفيتها ممتازه جدا
افظل من الهايلوكس
الاسبوع الماضي مشتني ٦٠٠ كيلو ٤٠٠ خط و٢٠٠ مدينه
السرعه ١٠٠الى ١٢٠

الددسن معروفة من السيارات الاقتصادية من فئة البيك اب

اذكر فللت التانكي ومشيت 300 كيلو والأمبير فوق النص والسرعه 120

ددسن 2016

الددسن الغمارتين الجديد فل تمشي ٦٨٠كيلو من واقع تجربه داخل الديرة وبدون سرعه من ١٠٠الى ١٢٠

طبعا بنزين اخضر

مثلك يا محمد معي ١٣ الفل مشااني في المدينة ٦٦٠ ثم طفيت