هل فعلا ممخالفة ثلاث آلاف ريال لوضع الاستكرات على المركبة

يقول استكرات

ماقال فتحه وهميه

وقس على ذلك الجناح الخلفي

توه يجيني البرودكاست وصراحه احس ان المخالفه مو عشان هالاستكر 

ممكن يكون صاحب السياره مركب براقات ولا دعاميه ولا جهاز .. 

بس مصور الاستكر يبي فتنة ،، لان المخالفه مكتوب استكرات مخله 
وهو حاط استيكر تاج ، ما اظني التاج مخل 

وصراحه حرام ٣٠٠٠ اذا ع استكر كذا 

صحيح من وجهة نظري الاستكرات تخرب شكل السياره لكن مو ٣٠٠٠ واجد
واكره الاستكرات الي اشوفها الي حقت برامج التواصل .. 


الله يفكنا من المخالفات ويكفينا شر الدنيا 

الله المستعان باقي ناس تحط استكرات حركات المراهقين !!!
اول ما طلعت التيما جديدة ٢٠١١ و اشتري استكر (ما شاء الله )
و الزقه جنب اللوحة الخلفيه على اساس اللي بيعطي الموتر عين
يشوف العبارة و تفشل خطته هههههه
بعد فترة شلته ماله داعي
الحافظ الله ما يحتاج استكر و لا غيره

اي استيكر حتى لو كلمة ماشاء الله عليه مخالفة ثلاث آلاف

اتوقع الاستيكرات الصغيرة وما فيها أي اخلال بالذوق العام ما فيها مشكلة

لكن البعض يركب استكرات كبيرة أو شعارات وكلمات مخلة فيستحق المخالفة

والبعض يدور فتنة وينشر شيء غير الواقع

والله الاستكرات ما ضرتنا ابد ..
المشكلة اخلاق السائقين اللي نشوفها ..

هذا موقف في نص الطريق يسولف
وهذا يحدك ويحارش
وهذا يرفع النور عليك ويفاشر بمصابيح الضباب الخلفي ..

حتى التجاليد الي يسمونها تجاليد وكاله عليها مخالفه