أضف سؤال أو موضوع جديد          

استفسار ترهيم مكينه باثفندر على ددسن

up 0 down 2
قصيمي ماركه 6
قبل شهر و أسبوع



السلام عليكم

ابي ارهم مكينه باثفندر على ددسن ٢٠١١ كم تكلف وكراسي البلد تركب ولا وايش القطع الي تحتاج اغيره ياليت واحد يفيدني واذا فيه احد يجلس بالقصيم يكون افضل 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عند الترهيم لابد من توافق قوّة المكينه مع الجيربوكس والدفرنس هذا أولاً ،

وثانياً إذا كانت المكينه أكبر حجماً أو أصغر أكيد لابد من تلحيم كراسي المكينه بما يتناسب مع حجم المكينه

ناهيك عن الأمور الكهربائيه ..



up 5 down 0
jakwar2004 293
قبل شهر و أسبوع



وعليكم السلام 

مثل كلام الاخ jakwar

ظفيرة وكمبيوتر وقير يناسب حذاف المكينة وممكن تحتاج لترجيع اللقير لورى وتقصير عمود الكردان من غير الرديتر وقطع ثانية ،،،اذا تقصد بها حق طعوس شف لك ورش ترهيم مختصة فهذي الامور  




up 2 down 0
ابو حسين.......... 787
قبل شهر و أسبوع



مافيه شي مايترهم عندي نافارا مرهم لها مكينه ددسن وعندي أكسبلور مرهم لها مكينة ددسن ديزل لكن الأسهل بالترهيم الموديلات القديمه من ٢٠٠٠ وتحت لأن مافيها تعقيد ومافيها كمبيوتر كرسيين للمكينه وكرسي للقير وقص العمود بالمخرطه وكم سلك من الظفيره الأولى سلك للنور وسلك للمكيف والباقي يتوصل على وضعه الأول هالكلام للكلبليتر أذا بتغير مكينه بخاخ للموديلات الجديده توصيل الأسلاك بيكون أكثر تعقيد أو تشتري ظفيره كامله للمكينه اللي بتركبها وتغير الطبلون أذا تبي ترسل السياره للحفر أخدمك والتكلفه كامله ماتتجاوز ٥٠٠٠ ريال


up 2 down 0
aliexendr_8 102
قبل شهر و أسبوع



أنصحك بمكينة اللكزس Ls400 97
متوفره وفيه النظيف مكينة الباثفندر قليل النظيف


up 0 down 0
alhkami 275
قبل شهر و أسبوع