وين موقع استلام رخصه السير بعد التجديد

السلام عليكم ورحمة الله ،،

إذا منتب مستعجل تقدر تطلب توصيلها عن طريق خدمة (واصل) من نفس نظام أبشر برسوم 25 ريال تقريباً..
وسبق اني جددت استمارة الموتر واستلمتها بالطريقة هذي تاخذ يوم أو يومين بالعادة.

وإذا تبي إدارة مرور عندك مرور الملز الواقع خلف مستشفى قوى الأمن وتقدر تبحث عنه في تطبيق (قوقل ماب) اكتب التالي:
مركز مرور الملز

او ادخل الرابط هذا مباشرة:
https://goo.gl/maps/jvWnWkVSsWT2

رحم الله والديك

اللي اعرفه قبل سنه

بعد ماتسدد تروح لااقرب فرع لك للمرور ويطبعون لك الاستماره فقط لان بياناتك تصير ظاهره

لديهم فقط طباعه وتستلم

وبالرياض فيه فروع كثيره شوف اللي اقرب لك

مخرج 6 ابوبكرالصديق وفيه بين العليا والملك فهد

قبل ساعتين استلمتها بعد التجديد رحت اقرب فرع مرور لي واخذ القديمه واستلمت الجديده اي فرع مرور اقرب واحد روح له

جزاكم الله خير توني طالع من مرور الملز واستلمتها 

اي صحيح تروح اي فرع مرور تعطيه القديمة و يعطيك الجديدة. و الله يستر علينا و عليك.

المرور او دله حق تعليم القيادة

رح مرور الروضة شغالين من بعد العصر الى العشاء طابع لي استمارة قبل اسبوعين من هناك

صحيح مرور الروضه والسلي عندهم دوام فتره ثانيه من ٤ العصر الى ١٠ الليل

سلام عليكم
جددت رخصة القيادة عن طريق موقع ابشر وفي اسفل صفحة التجديد في ابشر اعطانا خيارين اما استلام من مكاتب المرور او توصيل عن طريق بريد واصل، ونظرا لضعف النت عندي لم اتمكن من الاكمال لكن تم ارسال رسالة الى جوالي انه تم تجديد رخصة القيادة. احاول الان ادخل مرة ثانية علشان ادخل عنوان بريدي ما انا قادر. ايش الحل