أضف سؤال أو موضوع جديد          

من 10 الاف ريال الى 430 ريال

up 16 down 0
الحويزي1 1126
قبل 4 شهر و أسبوع




السلام عليكم ورحمة الله
اخواني الكرام
الموضوع هذا للفائدة وعشان تعرفون ان فيه نصابين في الصناعية ما يشوفونك الا كتلة فلوس متحركة يحاول
يحصل على قد ما يقدر منك من فلوس.

سالفة صارت لي قبل فتره حبيت اكتبها لكم للفائدة ومن باب النصيحة.

معي باترول ربع صار فيه مشكلتين الأولى: ضعف في تبريد المكيف اذا طولت السيارة شغاله وهي واقفه او دخلت زحمة.

تشخيص أغلبية الورش: تغيير كمبروسور لأنه ضعف ومعد يبرد

التكلفة على كلامهم: 2500 قيمته جديد و500 فريون وتبديل الكمبروسور = 3000 ريال

معالجة المشكلة: مريت كهربائي فاهم قال هذا كلتش الكمبروسور مع الحرارة الزايدة يتمدد الى الأمام شوي
وما يشبك مثل ماهو مطلوب أخذ شاكوش وحديدة ودق الكلتش حق الكمبروسور جهة الكمبروسور نفسه ( قربه
من الكمبروسور ) والحين زي الحلاوة والتكلفة 70 ريال.

المشكلة الثانية اذا شغلت الدبل يطلع صوت طقطقة قوية جدا لدرجة تحس ان الدفرنس الأمامي يتكسر من جوا
واغلب اللي مريتهم يقولون هذي تروس الكرونة متكسرة ولازم تبديل أو ان ارقام الكرونة الامامية مختلفة عن الخلفية
وبرضه لازم تبدل وحدة منها عشان تتطابق. وفك كوارين وحوسه والتكلفة حدود 7000 ريال شغل يد وقطع.

الموتر عليه فرارات وشكيت فيها قلت خل افكها اول، وفعلا فكيتها وشريت مكانها غطا الفلنجه وكم قطعه من التشليح، ب360 ريال وراح الصوت.

فالشاهد يا جماعة الخير، لا تستعجلون بحل اي مشكلة في السيارة بالاستماع لرأي أول ورشة ولا حتى ثاني ولا ثالث
ورشة، لازم الشخص يبحث في النت مشاكل مشابهه وياخذ فكرة عن الموضوع بعدين يروح للصناعية، وهو وقتها
يقدر يفرق بين الفني الخبير من غيره.

تحياتي لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الصراحه اشمر على هذا الموضوع لازم الواحد ينتبه
وحتى حقين الفحص يسجل بلاوي بسياراتك
لدرجة تستغرب كيف مشتك على ذي الخرابات
برمضان دخلت السياره فحص شامل
عطوني فاتوره حوالي7الاف ريال كلها خرابات
عاد ماقصرت معاهم عطيتهم المقسوم وهبلتهم هههههه
من ضمن الخرابات بواجي وهو حتى ماشيك عليهم
قلت له توني مغيرهم
وسجل زيت قير وفلتر ونفس الشيء جلدته قلت توني مغيره
وحدد مساعدات خلفيه طقم اليمين مفقوع وادري عنه
اما اليسار وش فيه عشان اغيره حشرتهم
اخر شيء يقول فيه ترشيح ماهو مبين والمشكله
انا جالس ادور الترشيح عند المساعد مافي هههههههه
اخر شيء طفش مني صار كل ماجاء يحدد شيء يسألني متى اخر مره مغيره
الى هذي الدرجه ماعندكم ثقه بتشخيصكم هههههههههه
بعدها وديتها للورشه الي لتعامل معه وعلمته السالفه
والتكلفه 1000.ريال التوفير 6الاف ريال
طبعا الارقام ماني متأكد منها مره بس قريبه من هذي الارقام
من ضمن تشخيصهم كلتش مروحه مقصات كامله اخرتها غيرت جلدهم فقط
طرمبة زيت واشياء كثيره كلها استهبال حتى جلست اضحك
اقوله شرايك اوضب مكينتها بعد ههههه


up 2 down 2
d7ooom777 426
قبل 4 شهر و أسبوع



موضوع مهم بالتاكيد والتشخيص نصف العلاج
جزاك الله خير


up 1 down 0
salehhd 756
قبل 4 شهر و أسبوع



جزاك الله خير
انا اقول اي شخص ماعنده خلفيه عن الورش لايروح ابدآ لازم ياخذ معه شخص فاهم لاو شوي علشان ماينلعب عليه ويدخل في مشاكل هو في غنا عنها


up 0 down 0
نمر 2 74
قبل 4 شهر و أسبوع