أضف سؤال أو موضوع جديد          

نصيحة للي يصلح سيارته

up 10 down 0
ابو حسين.......... 819
قبل 4 شهر و أسبوع



السلام عليكم ورحمة الله وبركاته 

كيف احوالكم 

اليوم عندي موضوع مهم للي يدخل سيارته ورشة ،،،تذكرون اخر موضوع لي يوم صلحت طرمبة الزيت حق القير ،،،المهم جيت اليوم الثاني اشغلها وتطلع لي لمبة A/T check  وهذي اللمبة خاصة بالقير 

 هذي اللمبة تولع وتطفى كل وقت وازعجتني ،،،،وايضا اذا كانت في النمرة الرابعة ولفات المكينة على ٢٠٠٠ دورة تنتع معي السيارة وكنت اظن ان القير بيروح فيها ،،،،طبعا انشغلت الصراحة ومافضيت ارجعها لراعي الورشة وجلست عليها فترة طويلة وهي على هذي الحالة ولاني ساكن فمنطقة جبلية مااحتاج الترس الثالث والرابع كثير فما كان يزعجني الا اذا نزلت المدينة  ،،،،

المهم جيت امس وقلت ابشوف ايش فيها ،لان اللمبة خاصة فالقير قلت ممكن حساس ،،،،، فتحت القربة وملحقاتها وكان في حساسين للقير من برا واحد حق التعاشيق وواحد حق عداد السرعة اللي شكله زي الترس بس بلستيك  ،،، الخلل كان في حساس عداد السرعة فيشه ماكان مشبوك صح ،،،، والحمد لله فصلته ورجعت شبكته واختفت اللمبة واختفت النتعة وكل شي ،،،،

العبرة خلك قد ماتقدر على راس العامل عشان يزبط ويركب كل شي مزبوط عشان لايصير لك مثلي  

وعذرا للاطالة 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ع راس العامل

وهذه انا لو ان شاء الله سلك بيربطه اكون على راس العامل

لكن البعض اشوفهم يحطون سياراتهم ويروحون وهذا اكبر غلط

والكارثه سياراتهم جديدة


up 3 down 0
aboahmed2014 764
قبل 4 شهر و أسبوع



لا انا الحمد لله اي شي اقعد على راس العامل حتى لو زيت و فلتر عادي

البناشر يعرضون عليك تستريح لكن لا ارفض احب اناظر. انا حتى لو وكالة اشيل هم السيارة فما بالك حي الله مكانيكي.


up 3 down 0
بدر الباثفايندري 1011
قبل 4 شهر و أسبوع



اغلب الورش يتعلمون على سيارتنا او انه يعرف المشكلة بس يتنيذل عليك ويخليك تخسر الكثير حتى مراكز فحص الكمبيوتر فيها غش تجاري وهذا خطير جدا تخيلوا لو غيرتم قطعه غالية وبالاخير ماتنحل ويطلع الفحص مايطلعها نصابين انا صرت افصل حساس قبل ادخلها الفحص علشان اتأكد منهم والعمال لازم توقفون على راسه خصوصا السيارات الجديده يتعلمون عليها


up 3 down 0
هبووب الشمال 36
قبل 4 شهر و أسبوع



تعرف على ورشة وخليك دايم عنده يصير انت تستفيد امانته وهو يستفيد رزقه


up 3 down 0
ryyan555 670
قبل 4 شهر و أسبوع



سبحان الله يا أخوان

المرات اللي أقعد فيها على رأس العامل والميكانيكي ألاقي الشغلة تخلص بسرعة ومافيها مشاكل بعد الإصلاح
إضافة إلى أن العامل يقوم بمهارات غير مألوفة وإضافية مثلا ينظف موقع الإصلاح أو يرش هواء أو ينظفها أو يوصي علي بعض
الاحيان
كذلك الإصلاح اللي وانا على راس العامل لايتعطل بسرعة مثل غيره الذي لا أكون أنا على رأس العامل

أياً كان نوع الفني ميكانيكي أو غيار زيت أو كهربائي أو سباك ... إلخ


up 1 down 0
warmer 32
قبل 4 شهر و أسبوع