محتاج حل بسيط مؤقت للسافي

حلو مؤقت ودايم ، خذلك برقع ب ٢٠٠ تقريبا لك وللزمن 
قبل تمشي ركبه وصلت فكه 
ويتفصل عاللون والشكل الي تبي وماياخذ يومين تفصيله 

لاتحط فيري بيصوفر الموتر اذا كان شمس 
وبخاخات التغبيره او التغبيره اذا عج قوي تروح ويصير العج عالبدي 

حط تجليده حقت الدفاتر والكتب، النوع الغليظ، لون شفاف عشان النور

اللفة ب10 ريال

كل 200 كيلو كذا توقف تعبي بنزين او تصلي، تشيك عليها وتجدد التجليدة الي تحتاج تجديد

حفظكم البارئ


وصلى الله وبارك

الساحل لا تمشي الا بالليل او الفجر هذا موسم الغبرة خاصة بين المجيرمة والغالة يارجل مو سافي وبس الا حصى صغار ينقش البدي نقش تسمع صوته في البدي وبالنسبة للحل المؤقت في بخاخ يباع في المحطات والبناشر ب ١٥ ريال ترشه ويروح مع الغسيل ونصيحة عامة مو بس البدي والشمعات تتضرر من السافي حتى الرديترات تتأثر

اسوء خط حصى وسافي قوي اطلع مع الطايف تمشيه وجو نظيف

البرقع اسحب عليه يبهت البويه خصوصا اذا ماكان مشدود صح
يطقطق بالصدام ويبهت
والتجليده حقت الدفاتر جربتها
تركيبها متعب واذا فكيتها البودي يلزق بيدك بتضطر تلمعها
والفيري مايحتاج نتكلم عنه لانه حق المضطر اللي جته
سفره مامحسب حسابها
افضل شيء جل الشعر مايعدم البويه لان تركيبته طبيعيه
بس خله ينشف على السياره لو تحكه بمفتاح مايروح
انا ماجربته بس اعرف واحد يجربه بسفرياته
لكن باذن الله لو ابسافر ابحطه على سيارتي
واذا تبيه يروح بالمويه يروح مع فرك بسيط بيدك
وينزل كله عكس الفيري او التغبيره
وظلل القزاز الامامي من برا عشان مايرمل
والاكتاف اللي عند القزاز وطرف التنده حط عليها جل
مع المرايات

اخوي دحوم من جد الجل كويس والله اول مره اسمع 
ودي اجربه بس خايف مايفيد 

خويك الي تعرفه نفع معه بالعج القوي ؟؟ 

والي عطاني دس لايك عالبرقع والي يقول ماينفع يطقطق 
شكلك ماخذ برقع اي كلام ومن محل مايعرف يسوي 

خذ من محل ممتاز ياخوي يفصله لك عالبدي 
ركبه واحد من اخوياي ع كامري ١٥ على ايامه وطلعنا وكنا نمشي ١٨٠ تقريبا طريق الامارات مافي ساهر كان
وكان البرقع ممتاز ما طقطق ولا اثر بالبدي شيء نهائي 
وكان الموتر لولوي وركبنا البرقع بيج فاتح حتى الشكل البق من الاسود 
وفي برقع للمرايات 
وبالنسبه للكتوف مو مهم لان نادر ماتبهت لانها مايله للسيدان مو مثل fj وكذا 
ومن ميزة البرقع يكون في فتحه مشخله ع مكان الشبك العلوي والسفلي طبعا عشان يدخل هواء وهذا اهم شي و انه المشخل ذا مايدخل حصى يضرب الرديترات 

المواد الي تحطها مؤقته وازالتها حوسه والبخاخ بو ١٥ حطيته مره وعج موتري والله 
العازل حق الشركات كويس لكن غالي ويحتاج تلمعه كل فتره
العازل حق محلات الزينه فاشل جداً ومن تجربه ( رخيص مخيس ) 
الجل ماجربته 

البرقع ٢٠٠ او ٢٥٠ (( لك وللعمر )) تبي تمسك خط ٥ دقايق راكب 
يعني توصل المدينه الي تبيها تشيله جيت ترجع تركبه 

وبالتوفيق

توي جاي من أبها والباحه وأفضل طريق طريق الطائف لايوجد به غبار .. لاتذهب مع خط الجنوب كله سافي ( وطريق الطائف كلّه قرى وطويل شويّه لكن أفضل .

اي نفع معاه ولا ماكان نصحني فيه
هو دائما يسافر ويحطه
قيمته رخيص على كلامه7ريال من حقين الجمله
اما التغبيره جربتها بخط ماكان فيه عج
يوم جيت اشيله تعبني يدخل
بأماكن مايمديك تطلعها منه
مثل الفتحات بين الشمعه والكبوت او الصدام
اذكر وقتها فكيت الكبوت عشان اغسل اللي دخل
بالفتحه اللي بين الرفرف والكبوت
والبرقع بايخ وراحت ايامه
اما الاكتاف ضروري يحط عليهم وعلى التنده طرفها
طريق الساحل ماينمزح معه ههههههه
ونسيت اقول بعد حط على جنوط السياره
اذا كان الهواء من الجنب مو مقابلك
لان ابو الجل اللي اقولك عنه
ماحط على جنوطه واللحين لو تشوف جنوطه
تحسبها طاسه ههههه قلبت ابيض مطفي

جزاك الله خير صحيح شكله بايخ البرقع بس مفيد وانت اساسا ع خط ما بتكشخ (:

والله يذكرك بالشهاده الجنوط اهم شيء شف لها حل كذا موتر عندي من اول شوهبت جنوطه من الخطوط وكل مره انساهم خخخخ

ولو كانت نيكل الله يعوضك ، اذا كروم ممكن تنصبغ بسهوله 

الكتوف ياخوي طلعت خط سلوى على لند والموتر كله شهب 
قزازه اماميه غيرتها بسبب العج من قوته 
وكنت حاط حامي بمحلات الزينه يوم شلته الا احصل الحواف حقته معجوجه واضطريت اصبغ والمع اسطبات والجنوط ودعت 

(( بس الكتوف وطرف السقف ماجاهم شيء )) 

شهبت مواتر واجد اول معي ولا موتر جاء للكتف شيء 

اجمعين يارب
الكتوف انا نفسك ماجاهم شيء
بس الاحتياط واجب
وهم بكيفه المهم المرايات لانها تشهب مثل الصدام
والرفارف الخلفيه اذا كانت بارزه مثل البرادو يحط عليهم

المهم كلمته وسألته عن الجل
يقول سعره7ريال من البقالات
واسمه جل شفا يقول في غيره بس ماهم زينات
ويكفيك مرتين الى 3مرات

شفا ان ماخاب ظني جل حلاقه عصار ماهو للشعر 
صادق المرايات مهمه والي يفصل برقع يفصل كذلك للمرايات 

امس جيت من جده خط الساحل كله عج وحصى مع الظهر والعصر قوي
البودي حصلته محفر والقزاز فيه شطب والله يعوضني
انصحك تركب حمايه للواجهه ماتكلفك 1000 ريال من أفضل شركه هذا انا الحين بغير قزازه وانوار ورش كبوت وصدام

يارجل خذ لك فيري من البيت وادهن الكبوت والرفارف وتحت ع الصدام بس لايجي الاسطبات شئ

ولي وصلت الباحه غسلها عند البيت ويروح ع طول

بس لايطول بالسيارة اكثر من يومين

عن تجربة

حط شامبو الاطفال لادموع بعد اليوم على سفنجة بدون موية وادهن الواجهة والافضل تكون السيارة نظيفة

لاتحط شي
اطلع من الطايف احسن لك ولسيارتك
طريق الساحل في الصيف مايصلح ابدا ، غير السافي بتحصل الطريق كله شاحنات والهمج اللي يشوفك تتعدى ويجلس يأشر بالنور من آخر الدنيا واللي يطلع برا الخط عشان يطير عليك الحصى ، يعني بالمختصر طريق ممل ويتلف الأعصاب
خلك مع طريق الجنوب افضل ، مناظر تتسلى فيها والطريق اغلبه محطات ومساجد والجو ابرد ومافيه سافي والشاحنات قليلة
انا قبل يومين طلعت من جدة للباحة الغبار بين مكة وجدة بس غبار عادي ومن بعد مكة الجو صافي جدا
وتوصل بالسلامة إن شاء الله

الله يجزاكم خير جميعا ويكتب اجركم