أضف سؤال أو موضوع جديد          

تجربتي للصني 2016 لمدة اكثر من سنة

up 8 down 1



السلام عليكم

ولله الحمد كمل الصني معي سنة وثلاث شهور

وهذي ثاني تجربة انزلة في الموقع

للعلم ماشاء وصل ممشى الصني 50 الف وزيادة مدري كم

طبعا استعمالي في الغالب خطوط الطايف والجييل والعكس

مع العلم ممشاي في السفر لايتعدى 140

اتكلم عن اهم الاشياء :

1_ العزم طبعا في الاماكن المستوية يجمل واذا كان الهواء معك افضل وافضل لكن المشكلة في الطايف ومع الجبال عزمه تحت الصفر وللعلم جربت اكسنت وكان عزمة في الطلوع افضل

2_ الراحة تختلف من جسم لجسم انا بالنسبة لي مو افضل شيء ولكن يعتبر جيد مع اني اوصل الجبيل وهاتك الام في الظهر هههه لكن خفيف بحكم طول المسافة

3_ التكيف والله مايحتاج اتكلم عنه ايسكريم وكل من ركب معي خاصة الي معه موتر كوري ينصدم من تبريده ياماشاءالله هههه

4_ الرساوة والثبات ماشاء الله لو مافي هواء على الوجهه او الجنب يوصل 150 وهو ثابت بدون مبالغة اما الرساوة غيرت الكفرات لاعرض مدري احس قل رساوته عن اول

5_نظام الترفيه ابد والله مافيه الا البلوتوث واليو اس بي والايواكس وسيدي والمسجل بالعربي لكن استعمل البلوتوث ممتااااز جدا وسهل واكثر شي فادني فيه الرد على المكالمات عن طريق الدركسون وتشغيل الخرائط ايضا

مدري اكيد ان التجربة ناقصة لكن ان شاءالله اني مانسيت شيء وبس والله هذا الي عندي والسلام خير ختام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعطيك من خيرها ويكفيك شرها




الصني مكيفها ثلج ووسع المركبه من جوه واسياتها حلوه بس يعيبها شكلها المعاق


up 6 down 0
aboahmed2014 890
قبل 10 شهر



الله يعطيك خيرها ويكفيك شرها لاهنت بسألك كيف شغلت البلوتوث عند خالي ستاندر 2016 و ماعرفنا له وقالو لنا الوكاله فيها بلوتوث


up 1 down 0
hossam 6724 305
قبل 10 شهر



ماتكلمت عن اهم شى وهو البنزين ....


up 1 down 0
عضو 2736 34
قبل 10 شهر



والقطع اللي غيرته وكم كلفتك
ماذكرتها1 +


up 1 down 0
d7ooom777 393
قبل 10 شهر



خش على تجربتي للاكسنت وبعدها عدل تجربتك وموترك بطل حمدلله احسن من كوري


up 3 down 0
mohammed1368 107
قبل 10 شهر



الصرفية يطلعلي 700 كيلو تزيد وتنقص لكن في الحقيقة في بحر ال 500

والبلوتوث تشغله من زر الاتصال في المسجل يجيك اقتران اجهزة اختارة وشغل بلوتوث جوال

والقطع ماغيرت فيها من شريتها الا السيفون ب 25 من العيسى


up 2 down 0



مشكورين يا شباب على طرح تجاربكم ..اللي تنور الشخص المقبل على الشراء


up 0 down 0
fayez188 44
قبل شهر و أسبوع