أضف سؤال أو موضوع جديد          

اعتراض على نجم

up 2 down 0
ابو دحومي 674
قبل 3 شهر



السلام عليكم كيفكم يا شباب عساكم بخير

شباب اليوم طالب فزعتكم وهل انا على حق ام هم

اليوم وانا ماشي بخط الملك فجأه الخط توقف بسبب خمسه حوادث بالمسار اقصى اليمين وانا بقصى اليسار

والحوادث اثرت على المسارات والخط والسياره اللي امامي يضرب فرامل وكانت مسافه بيني وبيني وهديت واشوف الماريه النترا طاير ويصدمني من الخلف

من الخلف

من قوة الصدمه رقيت الرصيف وصدمت الجسر الحديدي ونزلت من الطاقه من ضيق المسافه اشوف اللي صدمني

النترا الزبده جا نجم قال كيف صار الحادث قلتله انصدمت من الخلف من راعي النترا راح نجم ياخذ اقوال راعي الانترا قال كنت ماشي المسار اليسار وغيرت مساري
ولفيت يمين وصدمت كوريلا ورجعت مساري وصدمته

مع العلم حتى لو صادق راعي اللنترا هل يجوز انه يغير مساره فجاه ويصدم اللي جنبه ويرجع مساره ونسبه الخطا على راعي الكوريلا معقوله
محقق نجم قال يعني في طرف ثالث في الحادث قال راعي الانترا نعم كوريلا بس شرد ما وقف

قام حط نسبه الادانه لي ٠٪
ولراعي النترا٠٪

قلتله ياخوي انا اللي صدمني النترا
قلي الغلط على راعي الكوريلا ١٠٠٪

قلتله اجل انا اخذ حقي من مين قلي الكوريلا قلتله بس اللي صدمني النترا واثار الحادث موجوده

قلي تعلمني شغلي قلتله عطني ورقه شكوى عطاني

الحين يا شباب بروح بكرا بطلع الاداره
ايش تنصحوني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


حسبي الله على محقق نجم


up 0 down 0
ابو دحومي 674
قبل 3 شهر



والله المفروض شركات التأمين تعطي خصم للي يركب كاميرا للسيارة على القليله عشان يحفظون حقوق الناس


up 0 down 0
mpg0rpm -9
قبل 3 شهر



كيف يحط غلط على سيارة هاربة بدون اي بيانات ...؟

يعني اخذ كلام صاحب الالنترا انه مصدق ؟؟

لكن اتوقع بالتقرير اللي معاك تروح المرور وهم يحولونكـ للتأمين لان الطرف الثالث مو موجود


up 0 down 0
أبو يارآ 481
قبل 3 شهر




اللي فهمته من وصفك راعي الالنترا يوم شاف الخط وقف بوجهه
ذب موتره بالمسار اللي جنبه وصدم بالكورولا
ورجع لمساره وصدم فيك الغلط اذا كذا مايبيلها كلام
على راعي الالنترا
الله يعينك كنت اقول داش كام للقزاز الامامي يكفي
لكن بعد وصفك للحادث داش كام ثانيه للقزاز الخلفي وعسانا نسلم من الحوادث و الجحدات


up 1 down 0
d7ooom777 426
قبل 3 شهر



الكاميرا
الكاميرا
الكاميرا مهمه جدا جدا


up 1 down 0
لا للغلاء 584
قبل 3 شهر



الحادث واضح زي عين الشمس

الالنترا اهو اللي قشع خلفية سيارتك ولزقك بالرصيف ويجي يقول صدمت كورلا

راجع المرور واذا ماحطوا الخطا على صاحب الكورلا ولازال عند كلامه

اطلب تسجيل الكميرات اللي على خط الملك وشوفها حتى لو السالفة بتطول عشان
تكسر عين صاحب الانترا الحرامي ع كيفه يصدم خلق الله وينحاش قال ذكي

الله لايربحه ويلعنه ويلعن كل من ع شاكلته


up 1 down 0
aboahmed2014 712
قبل 3 شهر



حياك
يعني صاحب الاانترا صدم صاحب الكوريلا
ورجع وصدمك هذا هو معترف
طيب نجم ليش يحط الخطاء عليك
انت مالك علاقة الا بصاحب الاانترا هو يتحمل سيارتك 
ولاتسكت طالبهم


up 1 down 0
باترول 2020 2382
قبل 3 شهر