تحويل نيسان باترول ديزل

طيب مالك ومال العناء

خذلك جيب ديزل واختصر على نفسك الموضوع


لان تحتاج الى تركيب مكينة قديمة حتى تتلافا تركيب كمبيوتر
وضفيره معها
والمكائن القديمة مشاكلها واجد .. كفاية عمرها ع وشك

ريان تتكلم جـد

انت تبي تاخذه جديد وتفك مكينته وتبدلها ديزل

وفر ع نفسك واشتري ديزل من الاساس

اذا همك البانزين شف لك موتر وكالة ديزل حرام تغير مكينة موتر جديد 
و الفتك حلاوته بمكينته 

شف لك برادو او فورشنر ديزل اذا ناوي على جديد
اما مستعمل تحصل من مبيعات الشركات كان ينزل بمكينة ديزل

مكاين الديزل بتحصل بالتشاليح يعني شيء مايسوى تفك مكينة وكاله وتركب من التشليح قديمه
الا لو انك طالب مكينة ديزل وكاله لكن العيوووب الديزل غثيث بالحيل بالعزم وصيانته اعلى تكلفه من البنزين
هذا بحال ضبط تركيبه بدوون مشاكل

وعندي لك اقتراحين افضل من تركيب مكينة ديزل اما تاخذ لك سيارة اقتصاديه مع الجيب يعني ماتحرك الجيب
الا بوقت الطلعات والمكاشيت

او تشووف لك موتر ديزل دبل عندك برادو وفورتنشر وهايلوكس وديماكس وعندك لاند لكن غالي

وهناك نقطه أخرى أود أن أذكرها وهي أن الديزل سيرتفع مستقبلاً ويصبح سعره مثل البنزين أو أغلى ..

jakwar2004 231
مصدرك ؟؟

قرأت مرات عدّه في الصحف عن ذلك وبصراحه لم أهتم وأتابع وإنّما بطريق الصدفه وهذا مثال على ذلك ( تعرف على تفاصيل تصحيح أسعار الطاقة.. البنزين والديزل تدريجياً إلى 2025.. والغاز في 2019) ضع مابين القوسن في قوقل أو أكتب في قوقل عن إرتفاع أسعار الطاقه مستقبلاً وستجد الكثير من المواضيع عن ذلك

يارجال فكك للمكينه وقيمتها شرط تدفع دبلات اللي بتوفره بالديزل يارجال ترا الفرق مايسوى الا اللي بيمشي 100 الف بالشهر