أضف سؤال أو موضوع جديد          

تفصيل زجاج للشمعات الاماميه التيما

up 4 down 0
aboahmed2014 533
قبل 2 أسبوع و 2 يوم



السلام عليكم ورحمة الله وبركاته


الاغلب منا يعاني من كسر بالشمعات (الانوار) الاماميه للسياره او تغيرر اللون
بحيث كل مره تسوي تلميع عند محلات الزينه وبعد شهرين يرجع الاسطب كحالته


امس خطر ع بالي امر الغرابي بالرياض ولي اكثر من سبع سنوات ماطبيته

والسبب مشوار ساعه تاخذ اربع ساعات من الزحمه

عندي الشمعه الاماميه يسار مكسورة

ولما سالت عنها بالوكاله القيمه فوق 450 ريال اصلي والتقليد 130 ريال

ومشكلة التقليد مافيه امكانية خفظ ورفع النور يعني ابو كلب ويتغير شكله بعد ثلاث اشهر
بححكم حر الرياض


ويوم احوس بالغرابي لقيت محلات كثيرة تفصل زجاج شمعات وقلت بسال عن القيمه
والصناعه

اتضح لي ان يوجـد صناعتين

الوطني وهو الافضل قيمة 200 ريال وضمانه سنه يضمن لك
مايتغير لونه القزاز ومايدخل ماء

الصيني 150 وماعليه ضمان


الحسبة النهائية 350 ريال
قلت توكل ع الله وفك الصدام وفك الشمعات واخذ القياسات

وقص الزجاج القديم وسوا تلميع للداخلية الشمعه وركب الجديد مع اضافة سيلكون


في جلستي عندهم حول ساعتين

جاء اكثر من سبع زبون جمس على مرسيدس واودي والنترا والبعض اعتذر منهم بحكم وقت السحور

الفرق اللي شفته بعد تركيب الزجاج الشمعات صارت اوضح من اول وفارشه الخط
وكانها وكاله

وخطر ببالي اغير للمبات ليد زنن وش افضل صناعه وايش اللون المقترح

لان كرهت شئ اسمه اصفر



_________________







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ليد ما انصحك كثير لونه حلو لكن مشتت ومو ذاك القوه
ركبت انا على التيما17 محولات دينسو الفضيه ولمبات ياكي5500
لونها ابيض ومايله على زراق خفيف جدا واطرافها(الكت اوف)مايل على بنفسجي
جدا جميله خصوصا لا كنت واقف بشارع وجت السياراه بوجهك تشوف توهجات حلوه تحلي السياره
بس اهم شي اسطباتك تكون عدسات وما تكون معدومه مره ومبهته


up 2 down 0
abdullah_rea 158
قبل 2 أسبوع و 2 يوم



الا يركب فيه دينمو النور ويشتغل طبيعي ينزل ويطلع
وهالكلام عن تجربه


up 2 down 0
احمد 170 284
قبل 2 أسبوع و 2 يوم



كان معي التيما ٢٠١٠ النور عادي مهو بعدسات
ركبت على الواطي شمعات ليد ثلاثي
أبيض قوته ٧٠ واط
و ارتحت معه افضل من الاصفر و ما يعمي مثل الزنون
و العالي خليته على النور الاصفر شمعة ثانية

سويت هالحركه على موتري اللي معي الحين عدسه النور العالي و الواطي سوا
ركبت ليد بس الواطي قوي العالي صار اخف و مشتت النور ما ينفع


up 2 down 0
1405-1985 1273
قبل 2 أسبوع و 2 يوم



مرحبا هيل عد السيل

واشكر مروركم وللكل لايك

اخوي احمد انا سالت حقين قطع الغيار والكل قال مايركب لان سيارتي فل

الا عاد اذا بيصرفون

ع العموم بعد سنتين لي تغير اللون حق الشنعه ركبت تجاري


up 0 down 0
aboahmed2014 533
قبل 2 أسبوع و 2 يوم



لا تركب في مكان للدينمو وتقدر تشوفه بنفسك
انا اشتريتها وركبت عليها عدسات بدون مااخسر شمعه الوكالة
اسمها tyc


up 0 down 0
احمد 170 284
قبل 2 أسبوع و 2 يوم



ماشاء الله تجربه جيده وتنفع لاصحاب السيارات الي شمعاتها غاليه

بس سؤالي لك كيف قصة القزازه او البلاستيكه تفرق عن الوكاله او شغل احترافي


up 0 down 0
abdullah.ags 354
قبل 2 أسبوع و 2 يوم



وين حصلت قيمه الشمعه ب ٤٠٠ وكاله؟!ثاني شي ابو احمد الجهاز حق خفض ورفع النور وين ينباع ؟!


up 0 down 1
.ابوظافر 1
قبل 2 أسبوع و 2 يوم



اخوي

abdullah.ags


القزازه حلوه وشكلها زي الوكاله بالظبط لازوائد ولا نواقص
وتقدر تشوف باليوتوب عن كيفية تفصيلها



up 0 down 0
aboahmed2014 533
قبل 2 أسبوع و 2 يوم



ابو ظافر عزيزي

الشمعه وكاله عند الموزعين لطقع نيسان اصلي

واللي يرفع النور ويخفظه هذا موجود بالنص فل والفل ما ادري اذا تقدر تركب

ماعندي علم

بس اكيد انه يباع


up 0 down 0
aboahmed2014 533
قبل 2 أسبوع و 2 يوم