أضف سؤال أو موضوع جديد          

بيع سيارة عن طريق تحويل الفلوس في البنك

up 3 down 1
nissan200 86
قبل 2 شهر و 3 أسبوع



السلام عليكم ورحمة الله وبركاته
رمضان كريم وكل عام وانتم بخير
اولا العذر والسموحة لجهلي في الموضوع ومحتاج استشارة منكم،،، ما خاب من استشار
فيكم الطيبين ومحبين للخير الله يحقق امانيكم
سؤالي عارض سيارة الوالد للبيع وجاتني اتصالات كثيرة اغلبهم في مناطق بعيدة عني
واخر اتصال من الزبون الله يستر علينا وعليه قال السيارة انا ابيها وعطني كلمة تم
قلت له خير ان شاء الله كلن برزقه ونصيبه، وسالته انت بعيد عني حول الف كيلو كيف تتم المبايعة! ؟
قال ان يحولي فلوس على حسابي وانا انقل السيارة باسمه من المعرض وارسلها له عن طريق نقليات شحن السيارة،،،، والموضوع ذا مو داخل في راسي مدري عندي احساس غير مريح تجاه كلامه لاني أفضل ان تكون المبايعة يد بيد سلم واستلم
فا وش رايكم يا اخوان

السموحة منكم لان مرة قرأت موضوع لعضو اخونا العزيز اسمه hafiz بطريقة التحويل كان ان يقع في نصبة وخوفي يصير لي مثله لاني انا م احب المشاكل ولا الدروشة حالي حال نفسي وذا موضوع اخونا لو تتكرمو وتقرأوه عشان تتضح الفكرة وسلامتكم

https://toyota.montada.haraj.com.sa/72409/قصة-غريبة-طريقة-نصب-جديدة-موقع-حراج/







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ليش م دخلت راسك اذا حولك الفلوس انقل الملكيه له واشحنها وصلى الله وبارك ماله دخل موضوع النصب الرجال اعطاك الثقه بس لازم يكون احد من قرايبه موجود عشان يوقع استلام ولا اذا هو يعرف معرض


up 2 down 0
هل تعلم 194
قبل 2 شهر و 3 أسبوع



بعه على الفحص اهم شئ يقدر يكلف احد من معارفه او اصدقائه لفحص السيارة والتوقيع على المبايعة او يكلف احد اللي يقومون بمهمة الفحص والمبايعة بمقابل حتى تبرأ ذمتك اولا ويكون وجه البيع شرعي


up 1 down 0
فهد1426 294
قبل 2 شهر و 3 أسبوع



الحكومه هي اساسا مانعه التحويل ومانعه الكاش عشان الشبهات
ماتدري من حسابه الخاص يحول انا حوالات ماتدري منين

الافضل قله اتفق لك مع معرض وتحول الفلوس على المعرض وهوا ينقلها ب اسمك
وتعطي المغرض اتفاقيه يسلمك السياره تشحنها له او المعرض بنفسه يشحنها لاكن بيزيد سعر النقل والتامين عن طريق المعرض للكن لو تنقلها وتامنها انت اكيد ارهص

وهوا اساسا كيف واثق يحول


ولاتنسى اذا كانت عن طريق المعرض قول له
بشرط تعطوني حقي اول ماتوصلكم سعر السياره

لانه كذا معرض يطول السالفه يومين ثلاثه



up 2 down 0
الجنؤبي 146
قبل 2 شهر و 3 أسبوع



انا بعت بنفس الطريقه لكن ما اقبل التحويل 
كنت اقول للشاري يرسل احد من اقاربه يفحص ويدفع لي 
ونروح المعرض والمعرض يستقبل فاكس او واتس صورة هويته 
وبعد استلام المبلغ من احد معارفه 
المعرض ينقل الملكية ولا يرضى يعطينا السياره ولا شيء 
كان المعرض يسلمها البسامي 
والبسامي بدوره مايسلم السياره الا راعيها
طبعاً عشان ماتصير مشاكل للبسامي او المعرض 
ولما توصل لمنطقة الشاري يستلم السياره مع اوراقهامن  البسامي 


^ الافضل هذي الطريقه والله يوفقك 


up 2 down 0
m7md 33 485
قبل 2 شهر و 3 أسبوع



الله يستر عليكم جميعا،،،، شوركم عالعين والراس اخواني في الله وما خاب من استشار الله يحقق امانيكم


up 1 down 0
nissan200 86
قبل 2 شهر و 3 أسبوع



يا طويل العمر انا اعطيك العلم الاكيد ولا يهونوا الاخوان 

انا من سكان جدة ، واشتريت موترين واحد من الرياض والثاني من الهفوف .

وفعلا نفس طريقة الرجال اخذت من البايع نية البيع 

و قلتله بحول المبلغ على حساب المعرض نفسه ، وليس حسابك الشخصي 

و طبعا الحوالة كانت عن طريق البنك ، و الغرض من الحوالة شراء مركبة

و نسخة الحوالة كانت معاي ، و المحادثة في الواتس اب بخصوص عملية البيع موجودة 
فقط لحفظ الحقوق . 

و الحمدلله تيسرت الامور و ارسلت للمعرض صورة من الهوية و الرخصة ، و جاتني رسالة النقل على جوالي 

بعدها رسالة البسامي وتفاصيل المركبة . 

و صلى الله وبارك ، هذي تجربتي باختصار و الموضوع ماله شهرين تقريبا .

الله يطرحلكم البركة ، و كل عام والجميع بألف خير . 


up 1 down 0
l7n-jed 82
قبل 2 شهر و 3 أسبوع



اللي يخليك تشك ف الموضوع..طبعا بدون مااتهم احد..كيف يقدر يحول مبلغ كبير ولا يعرفك ولا تعرفه..الحل تخلي المعرض وسيط بينك وبينه..يعني توقف السياره ف المعرض..وتقول للي يبغى يشتريها كلم المعرض..بعد كذا المعرض بيتواصل معك وتتم البيعه..وانت تاخذ فلوسك..لكن انتبه من المعرض يمكن يزيد سعرها وانت ماتدري ويطير الزباين عليك..


up 0 down 0
.ابوظافر -5
قبل 2 شهر و 3 أسبوع



يجي بنفسه او يرسل احد وريح راسك


up 0 down 0
mfh2009 188
قبل 2 شهر و 3 أسبوع



عادي ياخوي
ارقد وآمن الوضع جداً امان اذا كان هناك معرض وسيط بينكم


الشخص اللي يحول فلوس من بعيد لشراء سياره
هو فقط يتنازل عن حقه في فحص السياره فقط

اما مخاطره فلا يوجد

لان نظام المعرض يستلم السياره من البائع والفلوس من المشتري
وينقل السياره
وبعدها يعطي المشتري السياره
ويحول للبائع فلوسه


واذا صارت مشكله مثل ان المعرض اعطى البائع الفلوس قبل النقل وصارت مشكله بالنقل
فالمعرض نظاما يتحمل الآثار عن ذلك 

وسلامة راسك


up 0 down 0
الملك المجهول 128
قبل 2 شهر و 3 أسبوع



السلام عليكم
اخوي اذا مالقيت معرض يتمم الموضوع بينك وبينه انا اعطيك الطريقه

تقوله يحول المبلغ على حساب مالك السياره اللي بإسمه ويسجل بالايصال حق التحويل فالبنك التفاصيل شراء السياره من نوع كذا وموديل ورقم لوحه
شرط ان التحويل يكون من حساب اللي السيارة بتنقل بإسمه فقط انتبه

عشان لو صار اي شي بعد كذا عندك عملية التحويل واضح فيها التفاصيل
انتبه انتبه انتبه لاتحسب الموضوع بسيط ترا في ناس تحول بدون تفاصيل وتطالبك بالمبلغ بعدها على اساس انه سلفه وتدخل في دوشه انت في غنى عنها

اذا وصلك التحويل بدون تفاصيل ترد الفلوس كامله على نفس الحساب وتعتذر منه


up 0 down 0
المدينه 300 769
قبل 2 شهر و 3 أسبوع



انا بعت سيارة عن طريق الموقع على رجال من امن الطرق والعمل حقة م يسمح يجي يشوف السيارة او يخلص اوراقها
بعد توضيح العيوب وكل شيء تمت المبايعة والامور تمام والسيارة جلست شهر كامل عندي بعد البيع الى ان ارسل سطحة
ينقلها له للمدينة المنورة والامور سهالات



up 0 down 0
its_o_o 268
قبل 2 شهر و 3 أسبوع