مسؤولية الطرقات المكسرة

في جدة حاليا كثير شوارع من بداية 2018 يكشطوها ويعيدون السفلته

لكن كثير من الشوارع بعد اعادة السفلتة ما يخططونها

طريق الحرمين لهم اكثر من 3 شهور يسفلتونه وما خططوا الا نصفه .. واصلا للحين ما خلصوا السفلته

والله العظيم شئ غريب مو معقوله كل يوم يشتغلون من 12 الليل الى 4 او 5 الصباح وما يسفلتون الا كيلو او 2 كيلو فقط !

في ابحر الشمالية سفلت نص الطريق والنص الثاني كشطه وسحب عليه وله اكثر من اسبوعين بدون سفلته والمعدات ماهي موجودة

عند المخرج قبل دوار الجمل

اهمال بصراحة غير اذا زفلتوا يخلون المنهول نازل او مرتفع 
وبعض الشوارع لو يكشونها كلها احسن من الزفلت الخايس 
اتمنى تكون لي يد في حل الموضوع 

واتمنى لو كل تاجر والا مواطن تبرع وصلح حفرة قدام بيتته
كان الوضع مختلف في الاحياء 

زين اذا لقيت طريق زي الناس
تلقى طريق له سنين مكسر ومهربد 
اول مايعيدون زفلته تجيك الحفريات شركة المياة والكهرباء والهاتف
واحفر وامش ولا يدفنها احيان ولايزفلت ولاشي
واذا زفلت مايرصها ومع المطر تنزل وتكون حفره
خذ وخل ، ماغير امشي واتحسب كل ماكليت حفره
تصلح اذرعه مقصفت وترجع تخرب 
المتهم الاول والاخير الامانه لان مافيه رقابه على المشاريع

يا رجال حتى الزفلت الجديد
ما يسونه صح
طرق كثير تم اعادة زفلتتها والزفلت الجديد خايس مثل الاول
حتى الحفر ترجع بنفس مكانها

انا لي تجربه مع شارع وانا رايح للدوام ليته محفر فقط
لا نفس الازفلت كأنه طاقه زلزال مفصول بالنص
من الرصيف الى الرصيف تشوفه متصدفع ومايل الكسر
يعني لازم توقف وتسقط كفر كفر بالدور هذا غير التعرجات الي بالشارع
ارسلت تقرير للامانه عن طريق التطبيق حقهم
سبوعين وحضرته المقاول فقط زفلت الكسر الي بالازفلت طيب وباقي التعرجات؟!!
بعد شهرين رجع الكسر ودقيته بشكوى وزفلت الكسر
لكن بزفلته تعبانه ماهي متساويه مع الشارع
اخر شيء قلت ياانا ياهو ودقيته بشكوى بالتطبيق
مع الي صار كله محد رد علي شهر كامل والشارع نفس ماهو
اخر شيء دقيت على الامانه٩٤٠ وعلمتهم السالفه من الاول
الى الاخير وانه يزفلت فقط الكر وزفلته تعبانه كل شهر ويرجع
الشارع نفس ماهو هذا غير التعرجات
المهم مامر شهر الا وربع الشارع مزفلت زفلته محترمه عند التشققات والتعرجات
المهم جلدته ههههههههه لان كفر سيارتي صغير كأني نازل من رصيف اذا دعست التشققات

المهم لو كل واحد يرفع شكوى مع كل حفره مزعجته كان تنظف الشوارع
بس النظام عندك اي واحد يصك بحفره يدعي ويمشي
حتى مايفكر بغيره انه بيطيح فيها على الاقل يوقف يحط
علامه عند الحفره او يبلغ لكن النظام نفسي نفسي
مالي شغل واذا حشرته قالك هذي ماهي شغلتي
شغلة الامانه!!
^^^^
ااتكلم عن الحفر الكبيره لان بعضهم يحبل كفره ولا يفكر ينزل
يحط علامه او يبلغ او حتى يشتكي على كفره وجنطه الي تضررت
لانهم يعوضونك ريال ينطح ريال

عندنا في جدة شارع المكرونة قدام شركة المياه الوطنية الشارع معجون عجن ههههههه
كله تعرجات وحفر حسبنا الله ونعم الوكيل

اقولها بصراحة الله ياخذ الامانة شوارع المدن مسؤوليتها لكن لا احساس ولا ضمير شركات الاتصالات والكهرباء والماء وغيرها كل واحد يحفر ويدفن بكيفه صارت شوارعنا معوقه قسم بالله كل ما انزل جدة لازم اخذ حفرة سفري من وين جات الله اعلم لكن حسبي الله ونعم الوكيل على كل مقصر ماسك منصب ولا يدري وين ربي حاطه

وضع الشوارع عندنا يرثى له , كل يوم حفريات تجي شركة الكهرب تحفر اسبوعين وتزفلت ازفلت ابو كلب ثم تجي المويه تحفر شهر ثم تزفلت مرة ثانية ازفلت كله حفر , ولا ندري من الشركات الي ماسكين زفلتة الشوارع والخطوط كلها عقود بالباطن وفساد علني ولا شفنا حل من سنين, والله العظيم قبل كم سنة سياراتي جديدة فرحان فيها وماشي بطريق عام بالليل ولا فيه لمبات ماشي 120 ومروق إلا و ذيك الحفرة بالزفلت طحت فيها كني داخلن بجدار من قوتها نفضتني ونفضت السيارة نفض عرفت من عقبها ان السيارة ماهيب شايفة خير , رحت ورشة عقب لاحظت الكفر منسم طلع الجنط متضرر من الضربة الحمد لله ما انكسر سويت لك خرط كمبيوتر ب170 , وعقبها بكم سنة غيرت كراسي المساعد والمكينة والظاهر لولا ذيك الضربة كان ما احتاجت تغيير لكن حسبنا الله عليهم

بإختصار مافيه متابعه ومراقبة

اخوي سلمان الله يوفقك وموضوعك يمثل معاناتي مع هذه الشوارع والطرق وخاصة المحفرة منها. واتمنى ان يكون هناك حل جذري لهذه الشوارع سياراتنا تكسرت وتهرقلت  ما هي حالة هذي تعبنا صراحة منها