طريقة تغيير ماء الرديتر ومشكلة البلف

فك الرديتر وفرغ الموية وشغل السيارة ربع دقيقة وطفيها الموية تخرج مجرد رأي

مافي داعي تفك البلف بس فك صرة الرديتر لما تكون السيارة باردة وفك غطاء الرديتر لين يفضى الماء كله عبي علبتين موية مقطرة وهي باقي مفتوحة الصرة عشان تطلع بواقي الموية في الرديتر وبعدها قفلها وعبي موية رديتر لين يطفح بعدين شغل السيارة قبل ما تقفل غطا الرديتر عشان يطلع الهواء انتظر دقيقتين وهي شغالة وقفل الغطا

^
مااتوقع طريقتك صحيحه الي هي تشغل دقيقتين وتفتح الغطاء عشان الهواء الا اذا انت مجرب
........
بالنسبه للبلف اهم شيء تغيره اذا بتغير المويه بدون بلف ما كانك سويت شيء
البلف مهم وسعره رخيص50ريال وتحت لو خرب و قفل عليك احتمال كبير يودع راس المكينه
اذا البلف مكانه تحت الثلاجه عاد الله يعينك لازم تفك الثلاجه
بس الي اعرفه الددسن البلف قدامك وتغييره سهل
ابحث عن طريقة تغيير باليوتيوب وطبقها على ددسنك
غيره مع المويه وبكذا تجددت دورة التبريد عندك

وطريقة تنسيم الهواء سهله
الخرطوش الي راجع من المكينه الى الرديتر
فك الكلبس الي على الرديتر على الخفيف بتشوف فقاعات تطلع انتظر الين تطلع المويه كذا انتهاء الهواء عندك

وعليكم السلام ورحمة الله 

بعض السيارات يجي لها مسمار يفرغ الماء اللي فالمكينة نفسها 

بس بالنسبة للكتالوج مايقول لازم تفك البلف ...يسوونها اصحاب محل الرديترات اذا غسلو دورة التبريد يفكون كل حاجه 

انت افتح الصرة اللي تحت الرديتر واذا مافي افتح اللي السفلي وخل الماء ينزل كامل ولاتنسى تشغل الدفاية وتخليها على الحار عشان يطلع الماء اللي فيها ،،،بعدها عب موية وكالة حتى يمتلي وعب القربة للحد المطلوب .بعدها شغل السيارة والرديتر مفتوح خلها تحمى وادعس لها كم دعسة عشان يطلع الهوا كامل ...بعدها عب الناقص وتوكل على الله وخذ بها مشوار وارجع شيك للاحتياط

الله يرزقكم جميع !! ماقصرتم بس للان ابي طريقة اخراج الماء كامل
وليس فقط الرديتر !! 
والبلف اخوي غيره قبل شهر وكاله ومافيه اي شيء لكن عبى الرديتر
مويه مقطر فقط !! وهذا غلط منه فلذلك انا ابي افضي الماء كامل 
من نظام التبريد كله . والله يوفقكم بانتظار ردودكم 

والله العظيم اني ابعطيك لايكات لكن لازم نقاطك فوق مدري كم !
لكن الله يبارك فيكم ويرفع درجاتكم ويمحي ذنوبكم 

ياغالي البلف يقفل الداخل للمكينه مايقفل الخارج

يعني فك صرة الرديتر وشغل المكيف الحار قبل تطفي السياره

وبتطلع 80 بالميه مو المويه. مو شرط تفك البلف

ال20 الاخيره هذي تبقي باماكن وصعب تطلع بكل السيارات

دايم هذي طريقتي بالتغيير وسويتها بسيارات كثير وسلامتك

عبدالله ياليت توضح اكثر جزاك الله خير 

اوضح لك اكثر ولا يهمك

شغل السياره وحرك المكيف على الحار وطفي السياره

افتح سرة الرديتر من اسفل وافتح الغطا العلوي للتنسيم

وبتنزل تقريبا كل المويه.. اذا خلصت المويه قفل السره وابدا عبي

الددسن تقريبا بيطلع منها 4 الى 5 لتر والله اعلم وتقدر تشوف الكتيب

وتعرف كم الكميه كامله.. وسلامتك

نصيحه لا تشتغل في السياره إلا وهي بارده


اذا تبي تطلع الماء كامل
وقفها
على طلعه جامده وخلي وجهتها على تحت
بعدها بمفك مربع تحصل صره تحت الرديتر في وسطه بين ليات مبرد زيت الدركسون
أنصحك في مواجهة نيسان أفضل من مواضيع تيوتا الاماراتيه نيسان يابانيه افضل

تصحيح أنصحك في مويا نيسان أفضل من مويا تيوتا مويا نيسان تجي يابانيه وفرق 5 ريال
بينهم
أخبر اني ماخذها ب 40 ريال

ما شاء الله تبارك الله
كم مديل المبروكة؟