أضف سؤال أو موضوع جديد          

طريقة تغيير ماء الرديتر ومشكلة البلف

up 4 down 1
ابو حسين 202 33
قبل 10 شهر



السلام عليكم ،،
اخبارك يا اخوان الله يجعلك ايامكم بخير وسلامه




عندي سؤال بسيط جداً ،،،، 
انا بغير ماء الرديتر بنفسي والطريقة سهله جداً 
لكن فك بلف الحراره صعب جداً ومعقد 
ولا ابغى اروح المحلات لانه بيطلب مبلغ 
لفك البلف وارجاعه ! 
فهل فيه طريقة بأن اطلع الماء المتبقي خلف البلف 
وفي جوانب التبريد للمكينه بدون فك البلف وبطريقة سليمه بدون اي ضرر ؟ بمعنى ابي اطلع ماء دورة التبريد كامله وبانتظار ردكم جزاكم الله خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


فك الرديتر وفرغ الموية وشغل السيارة ربع دقيقة وطفيها الموية تخرج مجرد رأي


up 1 down 1
nissan200 103
قبل 10 شهر



مافي داعي تفك البلف بس فك صرة الرديتر لما تكون السيارة باردة وفك غطاء الرديتر لين يفضى الماء كله عبي علبتين موية مقطرة وهي باقي مفتوحة الصرة عشان تطلع بواقي الموية في الرديتر وبعدها قفلها وعبي موية رديتر لين يطفح بعدين شغل السيارة قبل ما تقفل غطا الرديتر عشان يطلع الهواء انتظر دقيقتين وهي شغالة وقفل الغطا


up 0 down 0
moathqaisiyah 180
قبل 10 شهر



^
مااتوقع طريقتك صحيحه الي هي تشغل دقيقتين وتفتح الغطاء عشان الهواء الا اذا انت مجرب
........
بالنسبه للبلف اهم شيء تغيره اذا بتغير المويه بدون بلف ما كانك سويت شيء
البلف مهم وسعره رخيص50ريال وتحت لو خرب و قفل عليك احتمال كبير يودع راس المكينه
اذا البلف مكانه تحت الثلاجه عاد الله يعينك لازم تفك الثلاجه
بس الي اعرفه الددسن البلف قدامك وتغييره سهل
ابحث عن طريقة تغيير باليوتيوب وطبقها على ددسنك
غيره مع المويه وبكذا تجددت دورة التبريد عندك


up 0 down 1
d7ooom777 417
قبل 10 شهر



وطريقة تنسيم الهواء سهله
الخرطوش الي راجع من المكينه الى الرديتر
فك الكلبس الي على الرديتر على الخفيف بتشوف فقاعات تطلع انتظر الين تطلع المويه كذا انتهاء الهواء عندك


up 0 down 1
d7ooom777 417
قبل 10 شهر



وعليكم السلام ورحمة الله 

بعض السيارات يجي لها مسمار يفرغ الماء اللي فالمكينة نفسها 

بس بالنسبة للكتالوج مايقول لازم تفك البلف ...يسوونها اصحاب محل الرديترات اذا غسلو دورة التبريد يفكون كل حاجه 

انت افتح الصرة اللي تحت الرديتر واذا مافي افتح اللي السفلي وخل الماء ينزل كامل ولاتنسى تشغل الدفاية وتخليها على الحار عشان يطلع الماء اللي فيها ،،،بعدها عب موية وكالة حتى يمتلي وعب القربة للحد المطلوب .بعدها شغل السيارة والرديتر مفتوح خلها تحمى وادعس لها كم دعسة عشان يطلع الهوا كامل ...بعدها عب الناقص وتوكل على الله وخذ بها مشوار وارجع شيك للاحتياط


up 0 down 0



الله يرزقكم جميع !! ماقصرتم بس للان ابي طريقة اخراج الماء كامل
وليس فقط الرديتر !! 
والبلف اخوي غيره قبل شهر وكاله ومافيه اي شيء لكن عبى الرديتر
مويه مقطر فقط !! وهذا غلط منه فلذلك انا ابي افضي الماء كامل 
من نظام التبريد كله . والله يوفقكم بانتظار ردودكم 


up 4 down 1
ابو حسين 202 33
قبل 10 شهر



والله العظيم اني ابعطيك لايكات لكن لازم نقاطك فوق مدري كم !
لكن الله يبارك فيكم ويرفع درجاتكم ويمحي ذنوبكم 


up 2 down 1
ابو حسين 202 33
قبل 10 شهر



ياغالي البلف يقفل الداخل للمكينه مايقفل الخارج

يعني فك صرة الرديتر وشغل المكيف الحار قبل تطفي السياره

وبتطلع 80 بالميه مو المويه. مو شرط تفك البلف

ال20 الاخيره هذي تبقي باماكن وصعب تطلع بكل السيارات

دايم هذي طريقتي بالتغيير وسويتها بسيارات كثير وسلامتك


up 2 down 1
abdullah.ags 378
قبل 10 شهر



عبدالله ياليت توضح اكثر جزاك الله خير 


up 0 down 0
ابو حسين 202 33
قبل 10 شهر



اوضح لك اكثر ولا يهمك

شغل السياره وحرك المكيف على الحار وطفي السياره

افتح سرة الرديتر من اسفل وافتح الغطا العلوي للتنسيم

وبتنزل تقريبا كل المويه.. اذا خلصت المويه قفل السره وابدا عبي

الددسن تقريبا بيطلع منها 4 الى 5 لتر والله اعلم وتقدر تشوف الكتيب

وتعرف كم الكميه كامله.. وسلامتك


up 1 down 0
abdullah.ags 378
قبل 10 شهر



نصيحه لا تشتغل في السياره إلا وهي بارده


اذا تبي تطلع الماء كامل
وقفها
على طلعه جامده وخلي وجهتها على تحت
بعدها بمفك مربع تحصل صره تحت الرديتر في وسطه بين ليات مبرد زيت الدركسون
أنصحك في مواجهة نيسان أفضل من مواضيع تيوتا الاماراتيه نيسان يابانيه افضل


up 0 down 0
غازي 20 27
قبل 10 شهر



تصحيح أنصحك في مويا نيسان أفضل من مويا تيوتا مويا نيسان تجي يابانيه وفرق 5 ريال
بينهم
أخبر اني ماخذها ب 40 ريال


up 1 down 0
غازي 20 27
قبل 10 شهر



ما شاء الله تبارك الله
كم مديل المبروكة؟


up 0 down 0
غازي 20 27
قبل 10 شهر